കുമ്പളയില്‍ ടോൾ ഗേറ്റ് നിർമാണത്തിനെതിരെ പ്രതിഷേധം

കാസര്‍കോട് കുമ്പള ആരിക്കാടിയില്‍ താല്‍കാലിക ടോള്‍ ഗേറ്റ് നിര്‍മിക്കുന്നതിനെതിരെ ശക്തമായ പ്രതിഷേധം. ദേശീയപാതയടക്കം ഉപരോധിച്ചുകൊണ്ടാണ് പ്രതിഷേധം. ടോള്‍ ഗേറ്റിനെതിരെ കുമ്പള സ്വദേശികളുടെ പ്രതിഷേധം മാസങ്ങളായി തുടരുകയാണ്. കോടതിയെ അടക്കം സമീപിച്ചതാണ്. താല്‍കാലിക ടോള്‍ ഗേറ്റ് അനുവദിക്കില്ലെന്ന് നാട്ടുകാര്‍ പറയുന്നു. പ്രദേശത്തുള്ളവര്‍ വിവിധ ആവശ്യങ്ങള്‍ക്കായി കൂടുതലായും ആശ്രയിക്കുന്നത് മംഗളൂരു നഗരത്തെയാണ്. രണ്ട് ടോളുകള്‍ കടന്നുപോകേണ്ട സാഹചര്യമുണ്ടാകുമെന്നതടക്കമുള്ള പരാതികളാണ് പ്രതിഷേധക്കാര്‍ ഉന്നയിക്കുന്നത്.