മേയറും കെഎസ്ആർടിസി ഡ്രൈവറുമായുണ്ടായ തർക്കവുമായി ബന്ധപ്പെട്ട് കൂടുതൽ വിവരങ്ങൾ ശേഖരിച്ച് പോലീസ്

തിരുവനന്തപുരം മേയർ ആര്യാ രാജേന്ദ്രനും  കെഎസ്ആർടിസി  ഡ്രൈവർ യദുവുമായുണ്ടായ  തർക്കവുമായി ബന്ധപ്പെട്ട് പൊലീസ് കൂടുതൽ വിവരങ്ങൾ ശേഖരിച്ചു.  മേയർ ആര്യാ രാജേന്ദ്രന്റെ ഭർത്താവും എംഎൽഎയുമായ സച്ചിൻ ദേവ് ബസിൽ കയറിയെന്നും, വാഹനം പൊലീസ് സ്റ്റേഷനിലേക്ക് കൊണ്ടു പോകാൻ ആവശ്യപ്പെട്ടുവെന്നും ബസിലെ യാത്രക്കാർ മൊഴി നൽകിയിട്ടുണ്ട്. എംഎൽഎ ബസിൽ കയറിയ കാര്യം കണ്ടക്ടർ ബസിന്റെ ട്രിപ്പ് ഷീറ്റിലും രേഖപ്പെടുത്തിയിട്ടുണ്ട്. സർവീസ് തടസപ്പെട്ടതിന്റെ വിവരങ്ങൾ രേഖപ്പെടുത്തിയപ്പോഴാണ് എംഎൽഎ ബസിൽ കയറിയതും രേഖപ്പടുത്തിയത്. ഈ രേഖ കെഎസ്ആർടിസിയിൽ നിന്നും പൊലീസ് ശേഖരിച്ചു.