ഇന്ത്യന്‍ വാഹന വിപണിയില്‍ റെക്കോര്‍ഡ് നേട്ടം കൈവരിച്ചിരിക്കുകയാണ് നിര്‍മ്മാതാക്കളായ ഒകിനാവ. റിപ്പോര്‍ട്ടുകള്‍ പ്രകാരം, ഇന്ത്യന്‍ ഇലക്ട്രിക് ഇരുചക്ര വാഹന വിപണിയില്‍ 2,50,000 ഇലക്ട്രിക് വാഹനങ്ങള്‍ നിര്‍മ്മിച്ചാണ് ഒകിനാവ റെക്കോര്‍ഡ് ഇട്ടിരിക്കുന്നത്. കമ്പനിയുടെ രാജസ്ഥാനിലെ നിര്‍മ്മാണ കേന്ദ്രത്തില്‍ നിന്നുള്ള ഒകിനാവ പ്രെയ്‌സ് പ്രോ ആയിരുന്നു കമ്പനിയുടെ 2,50,000 -ാമത്തെ യൂണിറ്റ്. 2015- ലാണ് ഒകിനാവ ഓട്ടോടെക് ആദ്യമായി പ്രവര്‍ത്തനം ആരംഭിച്ചത്. എട്ട് വര്‍ഷങ്ങള്‍ക്കുശേഷമാണ് കമ്പനി 2.5 ലക്ഷം യൂണിറ്റ് എന്ന നേട്ടം സ്വന്തമാക്കിയിരിക്കുന്നത്. നിലവില്‍, കമ്പനിക്ക് രാജ്യത്തുടനീളം 540- ല്‍ അധികം വില്‍പ്പന, സേവന, സ്പയര്‍ ടച്ച് പോയിന്റുകളാണ് ഉള്ളത്. വരും വര്‍ഷങ്ങളില്‍ ഇന്ത്യന്‍ വിപണിയിലെ ആധിപത്യം ശക്തമാക്കാനുള്ള നീക്കങ്ങള്‍ കമ്പനി നടത്തുന്നുണ്ട്.