എക്‌സഇവി 9ഇ സിനിലക്‌സ് എഡിഷനായി മഹീന്ദ്ര ആന്‍ഡ് മഹീന്ദ്ര പുതിയ സാറ്റിന്‍ ഡെസേര്‍ട്ട് മിസ്റ്റ് എന്ന എക്സ്റ്റീരിയര്‍ കളര്‍ ഓപ്ഷന്‍ അവതരിപ്പിച്ചു 2026 മാര്‍ച്ചില്‍ അവതരിപ്പിച്ചു. സാറ്റിന്‍ ബ്ലാക്ക്, സാറ്റിന്‍ വൈറ്റ് ഫിനിഷുകള്‍ക്കൊപ്പം ഏറ്റവും പുതിയ പെയിന്റ് ഷേഡും ഇപ്പോള്‍ സിനിലക്‌സ് ലൈനപ്പില്‍ നിര്‍മ്മാതാക്കള്‍ ചേര്‍ത്തിട്ടുണ്ട്. ഇതിന്റെ എക്‌സ്-ഷോറൂം വില ഇപ്പോഴും 29.35 ലക്ഷം രൂപയാണ്. എക്‌സഇവി 9ഇ സിനിലക്‌സ് എഡിഷന്‍ 79 കിലോവാട്ട്അവര്‍ ലിഥിയം-അയണ്‍ ബാറ്ററി പായ്ക്കും പൂര്‍ണ്ണമായും ലോഡ് ചെയ്ത പാക്ക് ത്രീ ട്രിമ്മും മാത്രമായി വാഗ്ദാനം ചെയ്യുന്നു. 286 ബിഎച്പി പരമാവധി കരുത്തും 380 എന്‍എം ടോര്‍ക്കും ഉത്പാദിപ്പിക്കുന്ന റിയര്‍ മൗണ്ടഡ് ഇലക്ട്രിക് മോട്ടോറും പതിപ്പില്‍ നിലനിര്‍ത്തിയിട്ടുണ്ട്. പൂജ്യത്തില്‍ നിന്നും 100 കിലോമീറ്റര്‍ വേഗത 7.45 സെക്കന്‍ഡില്‍ കൈവരിക്കാന്‍ ഇതിനാവും. സിനിലക്‌സ് എഡിഷനില്‍ നല്‍കിയിരിക്കുന്ന സ്റ്റാന്‍ഡേര്‍ഡ് ചാര്‍ജര്‍ മഹീന്ദ്ര വ്യക്തമാക്കിയിട്ടില്ല.
