കോൺഗ്രസ് സമരാഗ്നി യാത്ര മലപ്പുറം അരീക്കോട് ഉദ്ഘാടനം ചെയ്യവെ ബിജെപിയുടെയും സിപിഎമ്മിന്റെയും വെറുപ്പിന്റെ രാഷ്ട്രീയമാണെന്ന് കോൺഗ്രസ് നേതാവും മുൻ ഇന്ത്യൻ ക്രിക്കറ്റ് ടീം ക്യാപ്റ്റനുമായ മുഹമ്മദ് അസ്ഹറുദ്ദീൻ പറഞ്ഞു. രാഹുൽ ഗാന്ധിയെ ജനങ്ങൾ സ്നേഹിക്കുന്നുണ്ടെന്നും, പാര്‍ട്ടിയിൽ പലരും വന്ന് പോകും. എന്നാൽ പാർട്ടി ഇവിടെ തന്നെ ഉണ്ടാകും. പാർട്ടിയാണ് വലുത്. മുസ്ലിം ലീഗും നമ്മളുടെ കൂടെ ഉണ്ട്, കേരളത്തിൽ ലോക്‌സഭാ തെരഞ്ഞെടുപ്പിൽ കോൺഗ്രസ് 20 സീറ്റും ജയിക്കണം. ഫീൽഡിൽ നന്നായി പണി എടുത്താൽ കോൺഗ്രസ് തന്നെ വിജയിക്കുമെന്നും അദ്ദേഹം പറഞ്ഞു. കേരളത്തിലെ സര്‍ക്കാര്‍ ജനകീയ സര്‍ക്കാരല്ല. കേരളത്തിന്റെ രാഷ്ട്രീയ പൈതൃകത്തിനു കളങ്കമുണ്ടാക്കിയ മുഖ്യമന്ത്രിയാണ് പിണറായി വിജയൻ. കുടുംബത്തിന് വേണ്ടിയാണു പിണറായി വിജയൻ ഭരിക്കുന്നതെന്നും അദ്ദേഹം കൂട്ടിച്ചേർത്തു.
