ജിജു അശോകന്‍ സംവിധാനം ചെയ്യുന്ന ‘പുള്ളി’ എന്ന ചിത്രത്തിലെ പുതിയ പാട്ടിന്റെ ലിറിക്കല്‍ വിഡിയോ പുറത്തിറങ്ങി. ‘മൂവന്തിതന്‍ ചായങ്ങളാല്‍’ എന്നു തുടങ്ങുന്ന പാട്ടിന് ബി.കെ.ഹരിനാരായണനാണു വരികള്‍ കുറിച്ചത്. ബിജിബാല്‍ ഈണമിട്ട പാട്ട് മധു ബാലകൃഷ്ണന്‍ ആലപിച്ചിരിക്കുന്നു. പാട്ട് ചുരുങ്ങിയ സമയം കൊണ്ടു ശ്രദ്ധിക്കപ്പെട്ടുകഴിഞ്ഞു. മികച്ച പ്രതികരണങ്ങളാണു ലഭിക്കുന്നത്. ദേവ് മോഹന്‍ നായകനായെത്തുന്ന ചിത്രമാണ് ‘പുള്ളി’. ഇന്ദ്രന്‍സ്, കലാഭവന്‍ ഷാജോണ്‍, ശ്രീജിത്ത് രവി, വിജയകുമാര്‍, വെട്ടുകിളി പ്രകാശ്, രാജേഷ് ശര്‍മ, സെന്തില്‍, സുധി കോപ്പ, സന്തോഷ് കീഴാറ്റൂര്‍, പ്രതാപന്‍, മീനാക്ഷി, അബിന്‍, ബിനോ തുടങ്ങിയവരും വേഷമിടുന്നു. ബിനു കുര്യന്‍ ആണ് ഛായാഗ്രാഹകന്‍. എഡിറ്റിങ്: ദീപു ജോസഫ്. പ്രശാന്ത് മാധവ് കലാസംവിധാനം നിര്‍വഹിക്കുന്നു. കമലം ഫിലിംസിന്റെ ബാനറില്‍ ടി.ബി രഘുനന്ദന്‍ ആണ് ‘പുള്ളി’ നിര്‍മിക്കുന്നത്.