തെലുങ്കിന്റെ നാഗചൈതന്യ നായകനായി വരാനിരിക്കുന്ന ചിത്രമാണ് ‘തണ്ടേല്’. ഒരു യഥാര്ഥ സംഭവത്തിന്റെ കഥയാണ് ചിത്രം പ്രമേയമാക്കുന്നതെന്നാണ് റിപ്പോര്ട്ട്. ശ്രീകാകുളത്തില് നിന്നുള്ള മത്സ്യത്തൊഴിലാളികളുടെ യഥാര്ഥ കഥയാണ് തണ്ടലിന്റേത്. തണ്ടേലിന്റെ ലിറിക്ക് വീഡിയോ പുറത്തുവിട്ടിരിക്കുകയാണ്. ജോലിക്കായി ഗുജറാത്തിലേക്ക് പോകുകയാണ് ഇവര്. അറിയാതെ മത്സ്യത്തൊഴിലാളികള് പാക്കിസ്ഥാന് കടലിന്റെ ഭാഗത്തില് എത്തിപ്പെടുന്നു. ജയിലിലാക്കപ്പെട്ട മത്സ്യത്തൊഴിലാളികളുടെ ആ ദുരിത കഥ പരാമര്ശിക്കുന്നതാണ് തണ്ടേല് എന്നാണ് റിപ്പോര്ട്ട്. ബുജ്ജി എന്ന ഗാനമാണ് പുറത്തുവിട്ടിരിക്കുന്നത്. ജാവേദ് അലിയാണ് ഗാനം പാടിയിരിക്കുന്നത്. നാഗചൈതന്യ നായകനാകുമ്പോള് സായ് പല്ലവിയാണ് ചിത്രത്തില് നായികയാകുന്നത്. സ്വന്തം അവകാശങ്ങള്ക്കായി പോരാടുന്ന യുവതിയായ കഥാപാത്രമായിട്ടാണ് സായ് പല്ലവി തണ്ടേലില് നായികയാകുന്നത്. നായകനായ നാഗചൈതന്യക്ക് പ്രതിഫലം ഏഴ് കോടിയായിരിക്കും. സായ് പല്ലവിക്ക് ലഭിക്കുന്ന തുക എത്രയെന്ന് പുറത്തുവിട്ടിട്ടില്ല.
