◾ഹിമാചല്‍ പ്രദേശിലും ഏകീകൃത സിവില്‍ കോഡ് നടപ്പാക്കുമെന്നു ബിജെപി. പ്രകടനപത്രികയിലാണ് യൂണിഫോം സിവില്‍ കോഡ് നടപ്പാക്കുമെന്ന വാഗ്ദാനം ബിജെപി നല്‍കിയത്. ഇതിനായി സമിതിയെ നിയോഗിക്കും. 11 വാഗ്ദാനങ്ങളാണ് പ്രകടനപത്രികയിലുള്ളത്. ബിജെപി ദേശീയ അധ്യക്ഷന്‍ ജെ.പി നദ്ദയാണ് പ്രകടന പത്രിക പുറത്തിറക്കിയത്. ഗുജറാത്തിലും ഏകീകൃത നിയമനം നടപ്പാക്കുമെന്നു പ്രഖ്യാപിച്ചിരുന്നു.
◾മുന്‍ എംഎല്‍എയും മുസ്ലിം ലീഗ് നേതാവുമായ കെ എം ഷാജി തെരഞ്ഞെടുപ്പ് ഫണ്ടില്‍ വന്‍ ക്രമക്കേടു നടത്തിയെന്ന് വിജിലന്‍സ് തെരഞ്ഞെടുപ്പ് കമ്മീഷനു റിപ്പോര്‍ട്ട് നല്‍കി. സ്വത്തു കേസില്‍ 47 ലക്ഷം രൂപ തിരിച്ചുകിട്ടാന്‍ കെഎം ഷാജി കോടതിയില്‍ സമര്‍പ്പിച്ച രേഖകള്‍ സഹിതമാണ് വിജിലന്‍സ് റിപ്പോര്‍ട്ടു നല്‍കിയത്. തെരഞ്ഞെടുപ്പു കമ്മീഷന് ഷാജി നല്‍കിയ കണക്കില്‍ ആറു ലക്ഷം രൂപയോളം പിരിച്ചെടുത്തെന്നാണു രേഖപ്പെടുത്തിയിരുന്നത്. പക്ഷേ വീട്ടില്‍നിന്നു വിജിലന്‍സ് പിടിച്ചെടുത്തതില്‍ 46 ലക്ഷം രൂപയും തെരഞ്ഞെടുപ്പ് ഫണ്ടെന്നാണ് ഷാജി കോടതിയില്‍ വാദിച്ചത്.
◾ആലപ്പുഴ അരൂരില്‍ നിര്‍ത്തിയിട്ടിരുന്ന ബസിനു പിറകില്‍ ബൈക്കിടിച്ച് മൂന്നു യുവാക്കള്‍ മരിച്ചു. അരൂര്‍ സ്വദേശികളായ അഭിജിത്ത്(23), ആല്‍വിന്‍(23), വിജോയ് വര്‍ഗീസ് (23) എന്നിവരാണ് മരിച്ചത്. പുലര്‍ച്ചെ മൂന്നിനായിരുന്നു അപകടം.
*നാടിനും നഗരത്തിനും കെ.എസ്.എഫ്.ഇ. ഭദ്രത സ്മാര്‍ട്ട് ചിട്ടികള്‍*
നിരവധി സമ്മാനപദ്ധതികള്‍ കോര്‍ത്തിണക്കി കൊണ്ട് ആവിഷ്‌ക്കരിച്ച ചിട്ടി പദ്ധതിയാണ് കെ.എസ്.എഫ്.ഇ. ഭദ്രത സ്മാര്‍ട്ട് ചിട്ടികള്‍ 2022. ബംബര്‍ സമ്മാനമായി 1 കോടി വിലയുള്ള ഫ്‌ലാറ്റ്/ വില്ല അല്ലെങ്കില്‍ 1കോടി രൂപ ഒരാള്‍ക്ക് സമ്മാനമായി നല്‍കുന്നു. മേഖലാ തല സമ്മാനങ്ങളായി 70ഇലക്ട്രിക് കാറുകള്‍ (Tata Tigor EV XE)അല്ലെങ്കില്‍ പരമാവധി 12.50ലക്ഷം രൂപ വീതം 70പേര്‍ക്കും കൂടാതെ 100ഹോണ്ട ഇലക്ട്രിക് സ്‌ക്കൂട്ടറുകള്‍ അല്ലെങ്കില്‍ പരമാവധി 75000/-രൂപ വീതം 100 പേര്‍ക്കും ലഭിക്കുന്നതാണ്.
ഉടന്‍ തന്നെ അടുത്തുള്ള കെ.എസ്.എഫ്.ഇ. ശാഖ സന്ദര്‍ശിക്കൂ. ചിട്ടിയില്‍ അംഗമാകൂ.
*ksfe.com/offers/ksfe-bhadratha-smart-chits-2022*
◾കള്ളക്കടത്തുകാരനെന്നു തെറ്റിദ്ധരിച്ച് അബ്ദുല്‍ വഹാബ് എംപിയുടെ മകന്‍ ജാവിദ് അബ്ദുല്‍ വഹാബിനെ വസ്ത്രമഴിച്ച് പരിശോധിച്ചു. തിരുവനന്തപുരം അന്താരാഷ്ട്ര വിമാനത്താവളത്തിലെ കസ്റ്റംസുകാരുടെ നടപടിക്കെതിരേ അബ്ദുല്‍ വഹാബ് എംപി കേന്ദ്ര സര്‍ക്കാരിനും കസ്റ്റംസ് കമീഷണര്‍ക്കും പരാതി നല്‍കി. മജിസ്ട്രേട്ടിന്റെ അനുമതിയില്ലാതെ ആശുപത്രിയില്‍ കൊണ്ടുപോയി എക്സ്റേ പരിശോധനയും നടത്തി.
◾നിയമനത്തട്ടിപ്പു കത്ത് വിഷയത്തില്‍ അടിയന്തര യോഗം വിളിച്ച് സിപിഎം. ജില്ലാ കമ്മിറ്റി, ജില്ലാ സെക്രട്ടേറിയറ്റ് യോഗങ്ങളാണ് വിളിച്ചത്. നാളെ യോഗം ചേരും. കത്ത് പുറത്തുവിട്ട സംഭവത്തില്‍ നടപടി ഉണ്ടായേക്കുമെന്നാണ് സൂചന. അതേസമയം കത്ത് വിവാദത്തില്‍ മേയര്‍ രാജിവയ്ക്കേണ്ടെന്ന് തിരുവനന്തപുരം ജില്ലാ സെക്രട്ടറി ആനാവൂര്‍ നാഗപ്പന്‍ പറഞ്ഞു.
◾നിയമനത്തട്ടിപ്പു കത്ത് വ്യാജമെന്നു തിരുവനന്തപുരം മേയര്‍ പോലീസില്‍ പരാതി നല്‍കുന്നത് പാര്‍ട്ടി നിര്‍ദേശ പ്രകാരമാണെന്ന് സിപിഎം ജില്ലാ സെക്രട്ടറി ആനാവൂര്‍ നാഗപ്പന്‍. കത്ത് ചോര്‍ച്ചയെക്കുറിച്ച് പാര്‍ട്ടിയില്‍ അന്വേഷണത്തിന്റെ കാര്യമില്ല. പാര്‍ട്ടിയിലെ വിഭാഗീയത മാധ്യമങ്ങളുടെ സൃഷ്ടിയാണെന്നും അദ്ദേഹം പറഞ്ഞു.
*ജോയ്ആലുക്കാസ് വിശേഷങ്ങള്‍*
ജോയ്ആലുക്കാസിലെ എല്ലാ സ്വര്‍ണാഭരണങ്ങള്‍ക്കും ഇപ്പോള്‍ പണിക്കൂലിയില്‍ വന്‍ ഇളവ്. സ്വര്‍ണം, ഡയമണ്ട്, മറ്റു ജ്വല്ലറി കളക്ഷനുകളെല്ലാം സ്വര്‍ണ വിപണിയിലെ തന്നെ ഏറ്റവും കുറഞ്ഞ പണിക്കൂലിയിലാണ് ലഭ്യമാക്കുന്നത്. ജോയ്ആലുക്കാസില്‍ നിന്ന് പര്‍ച്ചേയ്സ് ചെയ്യുന്ന ആഭരണങ്ങള്‍ക്ക് ഒരു വര്‍ഷത്തേക്ക് സൗജന്യ ഇന്‍ഷുഷറന്‍സും ലൈഫ്ടൈം ഫ്രീ മെയിന്റനന്‍സും ലഭിക്കുന്നതാണ്. ഒപ്പം എക്സ്ചേഞ്ച് ഓഫറും പ്രയോജനപ്പെടുത്താവുന്നതാണ്.
➖➖
◾നിയമനക്കത്ത് ഇടപാടില്‍ ഗവര്‍ണറുടെ നടപടി ആവശ്യപ്പെട്ട് ബിജെപി. തിരുവനന്തപുരം കോര്‍പറേഷനിലെ 35 ബിജെപി കൗണ്‍സിലര്‍മാര്‍ നാളെ ഗവര്‍ണറെ കാണും.
◾വിഴിഞ്ഞം തുറമുഖ നിര്‍മാണം മൂലമുണ്ടായ തീരശോഷണത്തില്‍ വീട് നഷ്ടപ്പെട്ടവരുടെ പുനരധിവാസത്തിന് സാമൂഹ്യ ക്ഷേമ നിധി (സിഎസ്ആര്‍) വാഗ്ദാനം ചെയ്ത് അദാനി ഗ്രൂപ്പ്. സര്‍ക്കാര്‍ നിയോഗിച്ച മധ്യസ്ഥരുമായുള്ള ചര്‍ച്ചയിലാണ് അദാനി ഗ്രൂപ്പ് ഈ നിര്‍ദ്ദേശം മുന്നോട്ടുവച്ചത്. എന്നാല്‍ ഈ നിര്‍ദേശത്തോട് സമരക്കാര്‍ അനുകൂല നിലപാട് സ്വീകരിച്ചിട്ടില്ല. സമരക്കാരുമായുള്ള സര്‍ക്കാരിന്റെ ഔദ്യോഗിക ചര്‍ച്ചകള്‍ വഴിമുട്ടിയതോടെയാണ് അനൗദ്യോഗിക പരിഹാര ശ്രമങ്ങള്‍.
◾വനിതാ ഗ്രാമപഞ്ചായത്ത് അംഗത്തെ പീഡിപ്പിച്ച കേസില്‍ സിപിഎം നേതാവ് പിടിയില്‍. താനാളൂര്‍ തയ്യില്‍പറമ്പില്‍ പ്രമിത്ത് (32) ആണ് കോട്ടയ്ക്കല്‍ പൊലീസിന്റെ പിടിയിലായത്. ഇക്കഴിഞ്ഞ ജൂലൈ 14, സെപ്റ്റംബര്‍ 17 തീയതികളില്‍ പീഡിപ്പിച്ചെന്നാണു പരാതി.
◾കോഴിക്കോട് പുള്ളാവൂര്‍ പുഴയില്‍ സ്ഥാപിച്ച ലയണല്‍ മെസിയുടെ 30 അടി ഉയരവും നെയ്മറുടെ 40 അടി ഉയരവുമുള്ള കട്ടൗട്ടുകള്‍ നീക്കം ചെയ്യാന്‍ ആവശ്യപ്പെട്ടിട്ടില്ലെന്ന് കൊടുവള്ളി നഗരസഭ. രാത്രിയിലും കാണാന്‍ സാധിക്കുന്ന വിധത്തില്‍ വെളിച്ച സംവിധാനങ്ങളോടെയാണ് കട്ടൗട്ട് സ്ഥാപിച്ചത്.
◾
◾പൂജപ്പുര നിര്‍ഭയ ഹോമില്‍നിന്നു ചാടിപ്പോയ പതിനഞ്ചുകാരിയെ പോലീസ് ചമഞ്ഞു പീഡിപ്പിച്ച വിരുതനെ അറസ്റ്റു ചെയ്തു. പുത്തന്‍പാലം സ്വദേശി വിഷ്ണു എന്ന 32 കാരനും ലോഡ്ജ് ഉടമ ബിനുവുമാണ് അറസ്റ്റിലായത്.
◾കടലില്‍ കുളിക്കവെ തിരയില്‍പെട്ട സ്വകാര്യ ഹോട്ടലിലെ ലൈഫ് ഗാര്‍ഡിനെ തീരദേശ പൊലീസ് രക്ഷപ്പെടുത്തി. അടിമലത്തുറ സ്വദേശി സേവ്യര്‍ (33) നെയാണ് വിഴിഞ്ഞം തീരദേശ പൊലീസും മത്സ്യതൊഴിലാളികളും ചേര്‍ന്ന് രക്ഷപ്പെടുത്തിയത്.
◾ആരോഗ്യ പ്രവര്‍ത്തകന്‍ ചമഞ്ഞ് വിദ്യാര്‍ത്ഥിനിയെ പീഡിപ്പിക്കാന്‍ ശ്രമിച്ച യുവാവ് പിടിയില്‍. കന്യാകുമാരി അടയ്ക്കാക്കുഴി മങ്കുഴി പുത്തന്‍ വീട്ടില്‍ ആഭിലാഷ് ബെര്‍ലിന്‍ (39)നെയാണ് പിടികൂടിയത്.
◾തിരുവനന്തപുരം മ്യൂസിയം പരിസരത്ത് വനിതാ ഡോക്ടര്‍ക്കെതിരെ ലൈംഗികാതിക്രമം നടത്തിയ പ്രതി സന്തോഷ് തൊടുപുഴയില്‍ വനിതാ ഡോക്ടറെ ആക്രമിച്ചെന്നും പൊലീസിനു സംശയം. വിഷയത്തില്‍ കേസെടുത്തിരുന്ന തൊടുപുഴ പൊലിസ് പ്രതി സന്തോഷിന്റെ വിവരങ്ങള്‍ തേടി മ്യൂസിയം പൊലിസുമായി ബന്ധപ്പെട്ടു. മ്യൂസിയം പൊലിസ് ഇയാളുടെ ചിത്രങ്ങള്‍ കൈമാറി.
◾മൈസൂരുവിലെ മുന്‍ രഹസ്യാന്വേഷണ ഉദ്യോഗസ്ഥന്‍ ആര്‍.എന്‍ കുല്‍ക്കര്‍ണിയുടെ മരണം കൊലപാതകം. കാറിടിച്ച് മരിച്ചെന്നാണ് ആദ്യം കരുതിയതെങ്കിലും കൊല്ലണമെന്ന ഉദ്ദേശത്തോടെ കാറടിച്ച് വീഴ്ത്തിയതാണെന്നു പൊലീസ്. സിസിടിവി ദൃശ്യങ്ങള്‍ പോലീസ് പരിശോധിച്ചു. വെള്ളിയാഴ്ചയാണ് ഇദ്ദേഹം കാറിടിച്ചു മരിച്ചത്.
◾ബിജെപി ബംഗാള്‍ നിയമവിഭാഗം അധ്യക്ഷന്‍ ലോകേനാഥ് ചാറ്റര്‍ജിക്കെതിരെ ലൈംഗിക പീഡന പരാതിയുമായി ബിജെപി ഐടി സെല്‍ അംഗമായ മനീഷ് ബിസ്സ. സിക്കിം യാത്രക്കിടെ ലോകേനാഥ് ചാറ്റര്‍ജി തന്നെ ലൈംഗികമായി പീഡിപ്പിച്ചെന്ന് മനീഷ് ബിസ്സ പൊലീസിനു നല്‍കിയ പരാതിയില്‍ പറയുന്നു.
◾ആഫ്രിക്കയിലെ നമീബിയയില്‍നിന്ന് കൊണ്ടുവന്ന ചീറ്റപ്പുലികളില്‍ രണ്ടെണ്ണത്തിനെ ക്വാറന്റീനു ശേഷം വിശാലമായ സ്ഥലത്തേക്കു തുറന്നുവിട്ടു. പ്രധാനമന്ത്രി നരേന്ദ്രമോദിയാണ് ഇക്കാര്യം ട്വിറ്ററിലൂടെ അറിയിച്ചത്. അതേസമയം ചീറ്റകളില്‍ ഒന്നായ ആശയുടെ ഗര്‍ഭം അലസിയതായി റിപ്പോര്‍ട്ടുകളുണ്ട്.
◾അക്രമത്തെയും തിന്മയേയും സ്നേഹത്തിലൂടെ ചെറുക്കണമെന്ന് ഫ്രാന്‍സിസ് മാര്‍പാപ്പ. ബഹറിന്‍ നാഷണല്‍ സ്റ്റേഡിയത്തിലെ കുര്‍ബാനമധ്യേ സംസാരിക്കുകയായിരുന്നു അദ്ദേഹം. 111 രാജ്യങ്ങളില്‍ നിന്നുള്ളവര്‍ കുര്‍ബാനയില്‍ പങ്കെടുത്തു. പങ്കെടുക്കാന്‍ തലേന്നു രാത്രി തന്നെ ജനങ്ങള്‍ എത്തിത്തുടങ്ങിയിരുന്നു. മുപ്പതിനായിരത്തിലേറെപേരാണ് മാര്‍പാപ്പയെ കാണാനും കുര്‍ബാനയില്‍ പങ്കെടുക്കാനും എത്തിയത്.
◾പൊലീസുകാരനെന്ന വ്യാജേന യുവതിയെ തട്ടിക്കൊണ്ടുപോയി ബലാത്സംഗം ചെയ്ത 34 വയസുകാരന് ബഹറിനില്‍ 20 വര്‍ഷം തടവ്. കഴിഞ്ഞ വര്‍ഷം ഓഗസ്റ്റ് ഒന്‍പതിനാണ് കേസിന് ആസ്പദമായ സംഭവം നടന്നത്. പീഡനത്തിനിരയായ യുവതിയെയും കാമുകനെയും മനാമയില്‍ ഒരു വാഹനത്തില്‍ വച്ച് കണ്ട പ്രതി ഇവരെ പിന്തുടരുകയായിരുന്നു.
◾ദക്ഷിണാഫ്രിക്ക വീണ്ടും പടിക്കല്‍ കലമുടച്ചു. ട്വന്റി20 ലോകകപ്പിലെ സൂപ്പര്‍ 12 പോരാട്ടത്തില്‍ നെതര്‍ലന്‍ഡ്സിനെതിരെ അവിശ്വസനീയ തോല്‍വി ഏറ്റു വാങ്ങി ദക്ഷിണാഫ്രിക്ക സെമി ഫൈനലിലെത്താതെ പുറത്തായി. നെതര്‍ലന്‍ഡ്സിനെതിരെ ജയിച്ചാല്‍ സെമി ഉറപ്പിക്കാമായിരുന്ന മത്സരത്തില്‍ 13 റണ്‍സിനാണ് ദക്ഷിണാഫ്രിക്ക തോറ്റത്. നെതര്‍ലന്‍ഡ്സ് ഉയര്‍ത്തിയ 159 റണ്‍സ് വിജയലക്ഷ്യം പിന്തുടര്‍ന്ന ദക്ഷിണാഫ്രിക്കയ്ക്ക് 20 ഓവറില്‍ 8 വിക്കറ്റിന് 145 റണ്‍സെടുക്കാനേ കഴിഞ്ഞുള്ളൂ. ദക്ഷിണാഫ്രിക്ക പുറത്തായതോടെ ഇന്ത്യ സെമിയിലെത്തി.
◾ട്വന്റി20 ലോകകപ്പിന്റെ സെമി ഫൈനലില്‍ ഇന്ത്യക്ക് പിന്നാലെ പാകിസ്ഥാനും. ബംഗ്ലാദേശിനെ അഞ്ച് വിക്കറ്റിന് തോല്‍പ്പിച്ചാണ് പാകിസ്ഥാന്‍ സെമിയിലെത്തിയത്. ബംഗ്ലാദേശ് ഉയര്‍ത്തിയ 128 റണ്‍സ് ലക്ഷ്യം 18.1 ഓവറിലാണ് പാകിസ്ഥാന്‍ മറികടന്നത്.
◾ദക്ഷിണാഫ്രിക്കയുടെ അപ്രതീക്ഷിത തോല്‍വിയോടെ ട്വന്റി20 ലോകകപ്പിന്റെ സെമി ഫൈനലില്‍ പ്രവേശിച്ച ഇന്ത്യ സൂപ്പര്‍ 12 ലെ അവസാന മത്സരത്തില്‍ സിംബാബ്വേയെ നേരിടുന്നു. ടോസ് നേടി ബാറ്റിംഗ് തിരഞ്ഞെടുത്ത ഇന്ത്യക്ക് മികച്ച തുടക്കം. ഇന്ന് സിംബാബ്വെയെ തോല്‍പ്പിച്ചാല്‍ ഗ്രൂപ്പിലെ ഒന്നാം സ്ഥാനം നിലനിര്‍ത്തി സെമിയില്‍ ഇന്ത്യക്ക് ഇംഗ്ലണ്ടിനെ നേരിടാം.
◾കൊച്ചി കപ്പല്‍ശാലയുടെ (കൊച്ചിന്‍ ഷിപ്പ്യാര്‍ഡ്) ഓഹരികള്‍ കഴിഞ്ഞവാരം വ്യാപാരത്തിനിടെ എക്കാലത്തെയും ഉയരമായ 610.75 രൂപയിലെത്തി. 5 ശതമാനം വരെ മുന്നേറ്റമാണ് കമ്പനി ഓഹരികള്‍ വ്യാഴാഴ്ച നടത്തിയത്. കഴിഞ്ഞ ബുധന്‍, വ്യാഴം സെഷനുകളിലായി മാത്രം ഓഹരിവില 12 ശതമാനം വരെ മുന്നേറി. വെള്ളിയാഴ്ച ഓഹരിയുള്ളത് 2.42 ശതമാനം നേട്ടവുമായി 604.45ലാണ്. ഇത് റെക്കാഡ് ക്ളോസിംഗ് പോയിന്റാണ്. 2017 ആഗസ്റ്റ് 11നാണ് കമ്പനി ഓഹരിവിപണിയില്‍ ലിസ്റ്റ് ചെയ്തത്. അന്ന് വില 432 രൂപയായിരുന്നു. 2017 നവംബര്‍ 24ലെ 598.60 രൂപയായിരുന്നു ഇതിനുമുമ്പ് കപ്പല്‍ശാലാ ഓഹരിവില കുറിച്ച എക്കാലത്തെയും ഉയരം. കഴിഞ്ഞ 4 മാസത്തിനിടെ ഓഹരിവില കുതിച്ചത് 96 ശതമാനമാണ്. കേന്ദ്രസര്‍ക്കാരിന് 72.86 ശതമാനം ഓഹരി പങ്കാളിത്തമാണ് കമ്പനിയിലുള്ളത്.
◾ട്വിറ്ററില്‍ പുതിയൊരു മാറ്റം പ്രഖ്യാപിച്ച് ഇലോണ്‍ മസ്‌ക് രംഗത്തെത്തി. ചെറു കുറിപ്പുകള്‍ക്ക് പകരം ഇനി മുതല്‍ ട്വിറ്ററില്‍ ദൈര്‍ഘ്യമേറിയ കുറിപ്പുകള്‍ പങ്കുവെക്കാന്‍ സാധിക്കും. ‘നോട്ട്പാഡ് സ്‌ക്രീന്‍ ഷോട്ടുകള്‍ ചേര്‍ക്കുന്ന അസംബന്ധം അവസാനിപ്പിച്ച് ട്വീറ്റുകളിലേക്ക് ദീര്‍ഘമായ ടെക്സ്റ്റ് അറ്റാച്ചുചെയ്യാനുള്ള സംവിധാനം ട്വിറ്റര്‍ ഉടന്‍ ലഭ്യമാക്കും’ -മസ്‌ക് ട്വീറ്റ് ചെയ്തു. നിലവില്‍ ട്വിറ്ററില്‍ ട്വീറ്റ് ചെയ്യാനാവുക പരമാവധി 280 അക്ഷരങ്ങള്‍ ആണ്. ഇതിന്റെ പരിധി ഉയര്‍ത്തുന്നതുമായി ബന്ധപ്പെട്ട് നേരത്തേയും ഉപയോക്താക്കളില്‍ നിന്ന് ആവശ്യം ഉയര്‍ന്നിരുന്നു. എല്ലാതരത്തിലുമുള്ള ഉള്ളടക്കങ്ങള്‍ക്കും പോസ്റ്റ് ചെയ്യുന്നവര്‍ക്ക് വരുമാനം ലഭ്യമാക്കുമെന്നും ഇലോണ്‍ മസ്‌ക് പറഞ്ഞു. ട്വിറ്ററില്‍ ‘സെര്‍ച്ച്’ സംവിധാനം വളരെ മോശമാണെന്നും ഇത് മികച്ചതാക്കും. ഒരുമാസത്തിനുള്ളില്‍ തന്നെ ട്വിറ്റര്‍ ബ്ലൂ ഇന്ത്യയില്‍ ആരംഭിക്കുമെന്നും മസ്‌ക് പറഞ്ഞു.
◾ശ്രീനാഥ് ഭാസി നായകനായി എത്തുന്ന പുതിയ ചിത്രം ‘പടച്ചോനേ ഇങ്ങള് കാത്തോളീ’ ട്രെയിലര്‍ പുറത്തുവിട്ടു. ചിത്രം ഉടന്‍ തിയറ്ററുകളില്‍ എത്തും. ആന്‍ ശീതള്‍, ഗ്രേസ് ആന്റണിയുമാണ് നായികമാര്‍. ഗ്രാമീണ പശ്ചാത്തലത്തില്‍ നര്‍മ്മത്തിനൊപ്പം തന്നെ സംഗീതത്തിനും പ്രണയത്തിനും വളരെയധികം പ്രാധാന്യം നല്‍കുന്ന മുഴുനീള എന്റര്‍ടെയ്‌നറായിട്ടാണ് ചിത്രം ഒരുക്കിയിരിക്കുന്നത്. ഹരീഷ് കണാരന്‍, വിജിലേഷ്, ദിനേശ് പ്രഭാകര്‍, നിര്‍മ്മല്‍ പാലാഴി, അലന്‍സിയര്‍, ജോണി ആന്റണി, മാമുക്കോയ, ഷൈനി സാറ, സുനില്‍ സുഗത, രഞ്ജി കങ്കോല്‍, രസ്ന പവിത്രന്‍, സരസ ബാലുശ്ശേരി, രഞ്ജിത്ത് മണമ്പ്രക്കാട്ട്, നതാനിയല്‍ മഠത്തില്‍, നിഷ മാത്യു, ഉണ്ണിരാജ, രാജേഷ് മാധവന്‍, മൃദുല തുടങ്ങിയവരും ചിത്രത്തില്‍ മറ്റു കഥാപാത്രങ്ങളെ അവതരിപ്പിക്കുന്നു. സണ്ണി വെയ്ന്‍ അതിഥിതാരമായും എത്തുന്നു. ഷാന്‍ റഹ്‌മാന്‍ ആണ് ചിത്രത്തിന് സംഗീതം നല്‍കുന്നത്.
◾നിരഞ്ജ് മണിയന്‍ പിള്ളയെ നായകനാക്കി സാജന്‍ ആലുംമൂട്ടില്‍ സംവിധാനം ചെയ്യുന്ന വിവാഹ ആവാഹനം എന്ന ചിത്രത്തിലെ പുതിയ വീഡിയോ ഗാനം അണിയറക്കാര്‍ പുറത്തുവിട്ടു. ‘അകലേ അകലേ’ എന്നാരംഭിക്കുന്ന ഗാനത്തിന് വരികള്‍ എഴുതിയിരിക്കുന്നത് സാം മാത്യു ആണ്. രാഹുല്‍ ആര്‍ ഗോവിന്ദ ഈണമിട്ടിരിക്കുന്ന ഗാനം ആലപിച്ചിരിക്കുന്നത് മത്തായി സുനില്‍ ആണ്. ചില യഥാര്‍ഥ സംഭവങ്ങളെ ആസ്പദമാക്കിയുള്ളതെന്ന് അണിയറക്കാര്‍ പറയുന്ന ചിത്രത്തില്‍ നായികയാവുന്നത് പുതുമുഖ താരം നിതാരയാണ്. അജു വര്‍ഗീസ്, പ്രശാന്ത് അലക്സാണ്ടര്‍, സുധി കോപ്പ, സാബുമോന്‍, സന്തോഷ് കീഴാറ്റൂര്‍, രാജീവ് പിള്ള, ബാലാജി ശര്‍മ, ഷിന്‍സ് ഷാന്‍, ഫ്രാങ്കോ, സ്മൃതി, നന്ദിനി എന്നിവരാണ് ചിത്രത്തിലെ മറ്റ് അഭിനേതാക്കള്‍. സംവിധായകനോടൊപ്പം സംഗീത് സേനനും ചേര്‍ന്ന് സംഭാഷണങ്ങള്‍ ഒരുക്കിയ ചിത്രത്തിന്റെ കഥ, തിരക്കഥ ഒരുക്കിയത് നിതാര ആണ്.
◾റോയല്‍ എന്‍ഫീല്‍ഡ് തങ്ങളുടെ കരുത്തുറ്റ ബൈക്ക് സൂപ്പര്‍ മെറ്റിയര്‍ 650 അവതരിപ്പിക്കാന്‍ ഒരുങ്ങുന്നു. അരങ്ങേറ്റ തീയതിയും ബൈക്കിന്റെ ചില ഭാഗങ്ങളും വെളിപ്പെടുത്തുന്ന ടീസറും കമ്പനി പുറത്തിറക്കിയിട്ടുണ്ട്. റോയല്‍ എന്‍ഫീല്‍ഡ് മെറ്റിയര്‍ 650 രാജ്യത്തെ ബ്രാന്‍ഡില്‍ നിന്നുള്ള മൂന്നാമത്തെ 650 സിസി മോഡലായിരിക്കും. 2022 ഡിസംബറിലോ 2023 ജനുവരിയിലോ ഇത് വിപണിയില്‍ അവതരിപ്പിച്ചേക്കും. എഞ്ചിനെ സംബന്ധിച്ചിടത്തോളം, പുതിയ റോയല്‍ എന്‍ഫീല്‍ഡ് സൂപ്പര്‍ മെറ്റിയര്‍ 650 അതിന്റെ പവര്‍ട്രെയിന്‍ ആര്‍ഇ 650സിസി ഇരട്ടകളുമായി പങ്കിടും. ക്രൂയിസര്‍ ബൈക്കില്‍ 648 സിസി, പാരലല്‍ ട്വിന്‍ സിലിണ്ടര്‍ എഞ്ചിന്‍ ഉപയോഗിക്കും, അതില്‍ ഫ്യൂവല്‍ ഇഞ്ചക്ഷന്‍ സാങ്കേതികവിദ്യ സജ്ജീകരിക്കും. മോട്ടോര്‍ 47പിഎസ് പരമാവധി കരുത്തും 52എന്‍എം ടോര്‍ക്കും പുറപ്പെടുവിക്കുന്നു. ട്രാന്‍സ്മിഷന്‍ ചുമതലകള്‍ 6-സ്പീഡ് ഗിയര്‍ബോക്‌സ് കൈകാര്യം ചെയ്യും. അതില്‍ സ്ലിപ്പറും അസിസ്റ്റ് ക്ലച്ചും നല്‍കും.
◾നമ്മുടെ നിയമസംവിധാനങ്ങള്‍ക്ക് യാന്ത്രികമായൊരു മുഖമല്ല ഉള്ളതെന്ന്, മനുഷ്യാവകാശ പക്ഷത്ത് ഉറച്ചു നിന്നുകൊണ്ടുള്ള തന്റെ വിധിന്യായങ്ങളിലൂടെ ആവര്‍ത്തിച്ച് ഉറപ്പിച്ച സ്വരമാണ് ജസ്റ്റിസ് ചന്ദ്രുവിന്റേത്. മദ്രാസ് ഹൈക്കോടതി ജസ്റ്റിസായിരുന്ന അദ്ദേഹത്തിന്റെ കോടതിയനുഭവങ്ങളും ജീവിതവും ഏറെ പ്രസക്തമാകുന്നത് അതിനാലാണ്. രാഷ്ട്രീയപ്രവര്‍ത്തകനായി, അഭിഭാഷകനായി ഒടുവില്‍ ഹൈക്കോടതി ജഡ്ജിയായി നീണ്ട സംഭവബഹുലമായ ചന്ദ്രുവിന്റെ അനുഭവങ്ങള്‍ നമ്മുടെ സമൂഹത്തിനു നേരെയും നീതിന്യായവ്യവസ്ഥയ്ക്ക് നേരെയും തുറന്നുപിടിച്ച ഒരു കണ്ണാടിയാണ്. ഒരു ആത്മകഥയ്ക്ക് വ്യക്തിയുടെ ജീവിതത്തെ അതിവര്‍ത്തിക്കുന്ന ഏറെ മാനങ്ങള്‍ കൈവരിക്കാനാവുമെന്ന് ഈ പുസ്തകം നമ്മോടു പറയുന്നു. ‘ഞാന്‍ എന്ന ജസ്റ്റിസ്’. ജസ്റ്റിസ് കെ.ചന്ദ്രു. ചിന്ത പബ്ളിക്കേഷന്‍സ്. വില 427 രൂപ.
◾നവംബര്‍, ഡിസംബര്‍ മാസങ്ങളില്‍ കാര്‍ബണ്‍ മോണോക്സൈഡ്, നൈട്രജന്‍ ഡയോക്സൈഡ്, പരുക്കന്‍ പൊടിപടലങ്ങള്‍ എന്നിവയുള്‍പ്പെടെയുള്ള അപകടകരമായ വാതകങ്ങള്‍ അടങ്ങിയ മോശം വായുവിന്റെ ഗുണനിലവാരം കാരണം കണ്ണുകള്‍ക്ക് ചുവപ്പ്, വെള്ളം, വ്യത്യസ്ത നേത്ര അലര്‍ജികള്‍ എന്നിവയുള്ള കേസുകളുടെ എണ്ണം വര്‍ദ്ധിച്ചതായാണ് റിപ്പോര്‍ട്ടുകള്‍. കണ്ണിന്റെ വീക്കം,ചുവന്ന കണ്ണുകള്‍, കണ്ണുകളില്‍ ചൊറിച്ചില്‍, നിലവില്‍ പലരിലും കണ്ടുവരുന്ന വായു മലിനീകരണം മൂലമുണ്ടാകുന്ന പ്രശ്നങ്ങളാണ്. കുട്ടികളും മുതിര്‍ന്നവരും കണ്ണില്‍ സൂക്ഷ്മകണികകള്‍ പ്രവേശിച്ചാലും കണ്ണ് തിരുമ്മുന്നത് ഒഴിവാക്കുകയും വെള്ളം ഉപയോഗിച്ച് കണ്ണുകള്‍ നന്നായി കഴുകുകയും വേണം. പുറത്ത് ധാരാളം പുകമഞ്ഞ് ഉള്ളപ്പോള്‍ പ്രത്യേകിച്ച് രാവിലെയും വൈകുന്നേരവും പുറത്തിറങ്ങുന്നത് നിയന്ത്രിക്കാന്‍ ശ്രമിക്കുക. പുറത്തുപോകുന്ന മുതിര്‍ന്നവര്‍ സംരക്ഷണത്തിനായി സണ്‍ഗ്ലാസ് ധരിക്കണം. മുഖംമൂടികള്‍ നമ്മുടെ ശ്വാസകോശത്തിന് സമാനമായി പ്രവര്‍ത്തിക്കുമ്പോള്‍ കണ്ണട നമ്മുടെ കണ്ണുകള്‍ക്ക് വേണ്ടി പ്രവര്‍ത്തിക്കുന്നു. ഒരു ദിവസം 2-3 തവണ ഡോക്ടര്‍ നിര്‍ദ്ദേശിച്ച ഐ ഡ്രോപ്സ് മരുന്ന് ഉപയോഗിച്ച് കണ്ണുകള്‍ ലൂബ്രിക്കേറ്റ് ചെയ്യുക, ഇത് കണ്ണുകളുടെ പേശികളെ വിശ്രമിക്കാന്‍ സഹായിക്കും. ശിശുക്കളും പ്രായമായവരും ധാരാളം വെള്ളം കുടിക്കുക. കാരണം വെള്ളം കഴിക്കുന്നത് ശരീരത്തിനും കണ്ണിനും നല്ലതാണ്. ഇത് നിങ്ങളെ ജലാംശം നിലനിര്‍ത്തുക മാത്രമല്ല, ശരീരത്തില്‍ നിന്ന് ദോഷകരമായ വിഷവസ്തുക്കളെയും മാലിന്യങ്ങളെയും പുറന്തള്ളുകയും ചെയ്യുന്നു.