ewslive.in/ പാര്‍ലമെന്റിന്റെ ബജറ്റ് സമ്മേളനത്തിന് ഇന്ന് തുടക്കമാകും. നാളെയാണ് പൊതു ബജറ്റ്. തുടര്‍ച്ചയായ എട്ടാമത്തെ ബജറ്റാണ് ധനമന്ത്രി നിര്‍മ്മല സീതാരാമന്‍ അവതരിപ്പിക്കുന്നത്. സാമ്പത്തിക പ്രതിസന്ധി മറികടക്കാനും വിലക്കയറ്റം പിടിച്ചു നിര്‍ത്താനും നികുതിയിലുമൊക്കെ എന്തൊക്കെ പ്രഖ്യാപനങ്ങളുണ്ടാകുമെന്ന് രാജ്യം ഉറ്റുനോക്കുകയാണ്. അതേസമയം പ്രധാനമന്ത്രി നരേന്ദ്ര മോദി ഇന്ന് പത്ത് മണിക്ക് മാധ്യമങ്ങളെ കാണുമെന്നാണ് റിപ്പോര്‍ട്ടുകള്‍.
◾https://dailynewslive.in/ സഹകരണ സ്ഥാപനങ്ങളില്‍ വലിയ തോതിലുള്ള കള്ളപ്പണമിടപാട് നടക്കുന്നുവെന്ന് എന്‍ഫോഴ്‌സ്‌മെന്റ് ഡയറക്ടറേറ്റ്. വായ്പാ തിരിച്ചടവ് മുടങ്ങിയവര്‍ക്കെതിരേ നടപടി എടുക്കുന്നില്ലെന്നും അനധികൃതമായി വായ്പ് അനുവദിക്കുന്നുവെന്നും ഇ.ഡി ഡെപ്യൂട്ടി ഡയറക്ടര്‍ ഹൈക്കോടതിയില്‍ നല്‍കിയ സത്യവാങ്മൂലത്തില്‍ പറയുന്നു. സംസ്ഥാനത്തെ സഹകരണബാങ്കുകളില്‍ നടക്കുന്ന അന്വേഷണത്തെക്കുറിച്ച് ഇ.ഡിയോട് ഹൈക്കോടതി റിപ്പോര്‍ട്ട് ആവശ്യപ്പെട്ടത് പ്രകാരമാണ് ഇ.ഡി സത്യവാങ്മൂലം നല്‍കിയത്.
*കെ.എസ്.എഫ്.ഇ*
*സ്‌ക്രീന്‍ ഷോട്ട് മത്സരം*
സ്‌ക്രീന്‍ ഷോട്ടെടുത്തയക്കൂ; ദിവസേന സമ്മാനം നേടൂ.
ഡെയ്‌ലി ന്യൂസിന്റെ ടെക്സ്റ്റ് /വീഡിയോ വാര്‍ത്തകളില്‍ വരുന്ന കെ.എസ്.എഫ്.ഇ യുടെ പരസ്യത്തിന്റെ സ്‌ക്രീന്‍ ഷോട്ടെടുത്ത് നിങ്ങളുടെ പിന്‍ കോഡടക്കമുള്ള അഡ്രസും ഫോണ്‍ നമ്പറും സഹിതം 9526 133 833 എന്ന നമ്പറിലേക്ക് അയക്കുക. തിരഞ്ഞെടുക്കപ്പെടുന്ന ഒരാള്‍ക്ക് അമൃത് വേണി ഹെയര്‍ എലിക്‌സിറിന്റെ 460 രൂപ വിലയുള്ള 50ml ന്റെ ബോട്ടില്‍ ദിവസേന സമ്മാനമായി ലഭിക്കുന്നതാണ്.
*ജനുവരി 30 ലെ വിജയി : സുബിന്‍ സുകുമാരന്‍, നെടുംകണ്ടം പി ഒ, ഇടുക്കി*
◾https://dailynewslive.in/ ഒരു പാര്‍ട്ടിയുടെ ഭാഗമായി നിന്ന് വിജയിച്ച ശേഷം പൊടുന്നനെ മറ്റൊരു പാര്‍ട്ടിയിലേക്ക് മാറുന്നത് ജനാധിപത്യത്തിലെ ധാര്‍മികതയ്ക്ക് ഉതകുന്നതല്ലെന്നും എന്നാല്‍ അതിനോട് ജനങ്ങള്‍ പ്രതികരിക്കേണ്ടത് ജനാധിപത്യപരമായി അടുത്ത തിരഞ്ഞെടുപ്പിലാണെന്നും അല്ലാതെ ആക്രമിച്ചോ കയ്യാങ്കളിയിലൂടെയോ അല്ലെന്നും ഓര്‍മിപ്പിച്ച് ഹൈക്കോടതി. കൂത്താട്ടുകുളം നഗരസഭയിലെ അവിശ്വാസപ്രമേയവുമായി ബന്ധപ്പെട്ട കാര്യങ്ങള്‍ക്കിടെയുണ്ടായ സംഘര്‍ഷത്തിന്റെ പേരില്‍ പൊലീസ് കേസെടുത്ത യുഡിഎഫ് അംഗങ്ങള്‍ സമര്‍പ്പിച്ച മുന്‍കൂര്‍ ജാമ്യഹര്‍ജി പരിഗണിക്കുമ്പോഴായിരുന്നു ജസ്റ്റിസ് പി.വി.കുഞ്ഞികൃഷ്്ണന്‍ ഇങ്ങനെ നിരീക്ഷിച്ചത്.
◾https://dailynewslive.in/ ഒയാസിസ് മദ്യ കമ്പനിക്ക് വേണ്ടി ഡല്‍ഹി മദ്യനയ കേസിലെ പ്രതി കൂടിയായ തെലങ്കാന മുന്‍ മുഖ്യമന്ത്രി ചന്ദ്രശേഖര റാവുവിന്റെ മകള്‍ കവിത കേരളത്തില്‍ വന്നെന്നും സര്‍ക്കാരുമായി സംസാരിച്ചെന്നും ആരോപിച്ച് പ്രതിപക്ഷ നേതാവ് വി.ഡി.സതീശന്‍. അവര്‍ എവിടെയാണ് താമസിച്ചതെന്ന് മാധ്യമങ്ങള്‍ അന്വേഷിക്കണമെന്ന് പറഞ്ഞ സതീശന്‍ എലപ്പുള്ളി ബ്രൂവറി വിഷയത്തില്‍ ഒരുപാട് ദുരൂഹമായ ഇടപാടുകളാണ് നടന്നതെന്നും ആരോപിച്ചു.
◾https://dailynewslive.in/ ബാലരാമപുരത്ത് അമ്മാവന്‍ കൊലപ്പെടുത്തിയ രണ്ടു വയസുകാരി ദേവേന്ദുവിന്റെ പോസ്റ്റുമോര്‍ട്ടം റിപ്പോര്‍ട്ട് പുറത്തുവന്നു. കുഞ്ഞിനെ ജീവനോടെ കിണറ്റിലെറിഞ്ഞതാണെന്ന് റിപ്പോര്‍ട്ടില്‍ സ്ഥിരീകരിച്ചു. മുങ്ങി മരണമെന്നാണ് പോസ്റ്റുമോര്‍ട്ടം റിപ്പോര്‍ട്ട്. എന്നാല്‍ കുട്ടിയുടെ ശരീരത്തില്‍ മറ്റ് മുറിവുകളില്ലെന്നും റിപ്പോര്‍ട്ടില്‍ പറയുന്നു. ഇന്നലെ രാവിലെയാണ് വീട്ടില്‍ നിന്നും കാണാതായ കുഞ്ഞിനെ വീട്ടുമുറ്റത്തെ കിണറ്റില്‍ മരിച്ച നിലയില്‍ കണ്ടെത്തിയത്. ഹരികുമാറിന് സഹോദരിയോടുള്ള വൈരാഗ്യമാണ് കുഞ്ഞിന്റെ ജീവനെടുക്കാനുള്ള കാരണമെന്നാണ് സൂചന. ഹരികുമാര്‍ ആവശ്യപ്പെട്ട ചില കാര്യങ്ങള്‍ ശ്രീതു ചെയ്തുകൊടുക്കാതിരുന്നതാണ് വൈരാഗ്യത്തിനു കാരണമെന്നും പോലിസ് സൂചിപ്പിക്കുന്നു.
*Unskippable കളക്ഷനുമായി പുളിമൂട്ടില്‍ സില്‍ക്‌സിന്റെ X’mas, New Year Celebrations*
പുളിമൂട്ടില്‍ സില്‍ക്‌സിന്റെ നൂറാം ക്രിസ്തുമസ്, പുതുവത്സര ആഘോഷങ്ങള്‍ നിങ്ങള്‍ക്കൊരിക്കലും സ്‌കിപ്പ് ചെയ്യാനാകില്ല. കാരണം ഏറ്റവും വലിയ ക്രിസ്തുമസ് കളക്ഷനുകളും കിടിലന്‍ പുതുവത്സര കളക്ഷനുകളും ട്രെന്‍ഡിംഗ്‌ വെഡ്ഡിംഗ് കളക്ഷനുകളും പുളിമൂട്ടിൽ സിൽക്‌സിൽ മാത്രം. നിങ്ങള്‍ ആഗ്രഹിച്ചത് എന്തും ഇവിടെ ഉണ്ട്. വരൂ, നമുക്ക് ആഘോഷങ്ങള്‍ കളറാക്കാം.
*പുളിമൂട്ടില്‍ സില്‍ക്‌സ്*
*നൂറിന്റെ നിറവിന്റെ വിശ്വാസ്യത*
◾https://dailynewslive.in/ ബാലരാമപുരത്ത് രണ്ടരവയസുകാരിയെ കൊലപ്പെടുത്തിയ സംഭവത്തില്‍ അമ്മാവന്‍ ഹരികുമാറിന്റെ അറസ്റ്റ് രേഖപ്പെടുത്തി. പ്രതിയെ ഇന്ന് കോടതിയില്‍ ഹാജരാക്കും. അതേസമയം, കുട്ടിയുടെ അമ്മ ശ്രീതുവിനെ മഹിളാമന്ദിരത്തിലേക്ക് മാറ്റി. ഏറ്റെടുക്കാന്‍ ആരുമില്ലാത്തതിനാലാണ് പൂജപ്പുര മഹിള മന്ദിരത്തിലേക്ക് മാറ്റാന്‍ തീരുമാനിച്ചത്.
◾https://dailynewslive.in/ പിണറായി പഞ്ചായത്തില്‍ അനധികൃതമായി സ്ഥാപിച്ചിരുന്ന ഫ്‌ളെക്‌സ് നീക്കാന്‍ ചെന്ന ഉദ്യോഗസ്ഥരെ സി.പി.എം.നേതാക്കള്‍ ഭീഷണിപ്പെടുത്തിയതായുള്ള ആരോപണം അന്വേഷിക്കാന്‍ ഹൈക്കോടതി നിര്‍ദേശം. എസ്.പി. റാങ്കില്‍ കുറയാതെയുള്ള ഉദ്യോഗസ്ഥരെക്കൊണ്ട് അന്വേഷണം നടത്തി സംഭവത്തിന്റെ നിജസ്ഥിതി അറിയിക്കണമെന്നാണ് സംസ്ഥാന പോലീസ് മേധാവിയോട് കോടതി നിര്‍ദേശിച്ചിരിക്കുന്നത്.
◾https://dailynewslive.in/ കേരളത്തിലെ ചെറുപ്പക്കാരുടെ നൈപുണ്യശേഷിയ്ക്ക് അനുയോജ്യമായ വ്യവസായങ്ങള്‍ തുടങ്ങാന്‍ നിക്ഷേപകര്‍ തയ്യാറാകണമെന്ന് വ്യവസായ മന്ത്രി പി രാജീവ് . ഇന്‍വെസ്റ്റ് കേരള ആഗോള നിക്ഷേപ ഉച്ചകോടിയുടെ ഭാഗമായി സംസ്ഥാന വ്യവസായവകുപ്പ് നടത്തുന്ന മലബാര്‍ കോണ്‍ക്ലേവ് കണ്ണൂരില്‍ ഉദ്ഘാടനം ചെയ്യുകയായിരുന്നു അദ്ദേഹം. കേരളത്തിലെ അഭ്യസ്തവിദ്യരും നൈപുണ്യ ശേഷിയുമുള്ള ചെറുപ്പക്കാര്‍ക്ക് അനുയോജ്യമായ വ്യവസായം വന്നാല്‍ കൂടുതല്‍ ശോഭനമായ തൊഴില്‍ സാധ്യത ഇവിടെ തന്നെ രൂപപ്പെടുമെന്ന് മന്ത്രി പറഞ്ഞു.
*കെ.എസ്.എഫ്.ഇ ഗാലക്‌സി ചിട്ടികളില്‍ ചേരൂ, ജീവിതം അടിപൊളിയാക്കൂ..*
2024 ഏപ്രില്‍ 1 മുതല്‍ 2025 ഫെബ്രുവരി 28 വരെ ◼️
*കെ.എസ്.എഫ്.ഇ ഗാലക്‌സി ചിട്ടികള്‍ (സീരീസ് 3):*
2024 നവംബര്‍ 1 മുതല്‍ 2025 ഫെബ്രുവരി 28 വരെ ◼️ശാഖാതല സമ്മാനങ്ങള്‍ : 5,000 ഗിഫ്റ്റ് കാര്‍ഡുകള്‍ ◼️ ഓരോ ചിട്ടിയിലും ഒരാള്‍ക്ക് വീതം.
*ടോള്‍ ഫ്രീ ഹെല്‍പ്പ് ലൈന്‍ നമ്പര്‍ : 1800-425-3455*
◾https://dailynewslive.in/ യൂസ്ഡ് കാര്‍ വില്‍ക്കുന്ന ഷോറൂമുകള്‍ക്ക് കേന്ദ്ര മോട്ടോര്‍ വാഹന ചട്ടം 55 എ പ്രകാരം ഓതറൈസേഷന്‍ സര്‍ട്ടിഫിക്കറ്റ് നിര്‍ബന്ധമാക്കി. എല്ലാ യുസ്ഡ് കാര്‍ ഷോറും ഉടമകളും അടിയന്തരമായി നിയമപ്രകാരമുള്ള ഓതറൈസേഷന്‍ സര്‍ട്ടിഫിക്കറ്റ് നേടണം. അനധികൃതമായി പ്രവര്‍ത്തിക്കുന്ന യൂസ്ഡ് കാര്‍ ഷോറൂമുകള്‍ക്ക് സംസ്ഥാനത്ത് പ്രവര്‍ത്തിക്കാന്‍ കഴിയില്ലെന്നും ട്രാന്‍സ്പോര്‍ട്ട് കമ്മീഷണര്‍ സര്‍ക്കുലറില്‍ അറിയിച്ചു.
◾https://dailynewslive.in/ മുസ്ലിം വിദ്വേഷ പരാമര്‍ശ കേസില്‍ പി സി ജോര്‍ജിന്റെ മുന്‍കൂര്‍ ജാമ്യാപേക്ഷ പരിഗണിക്കുന്നത് വീണ്ടും മാറ്റി. അടുത്ത മാസം അഞ്ചിന് ഹര്‍ജി പരിഗണിക്കും. നാലാം തവണയാണ് കോട്ടയം അഡീഷണല്‍ സെഷന്‍സ് കോടതി ഹര്‍ജി പരിഗണിക്കുന്നത് മാറ്റിവെക്കുന്നത്. ഹര്‍ജിയില്‍ തീരുമാനമാകുന്നതുവരെ അറസ്റ്റ് പാടില്ലെന്നാണ് കോടതി നിര്‍ദേശം.
◾https://dailynewslive.in/ മലപ്പുറം മഞ്ചേരി പുല്‍പ്പറ്റ ഒളമതിലില്‍ മൂന്ന് മാസം പ്രായമായ കുഞ്ഞിനെ ബക്കറ്റിലെ വെള്ളത്തില്‍ മുക്കി കൊലപ്പെടുത്തിയശേഷം അമ്മ ആത്മഹത്യ ചെയ്ത സംഭവത്തില്‍ കൂടുതല്‍ വിവരങ്ങള്‍ പുറത്ത്. ഒളമതില്‍ ആലുങ്ങാ പറമ്പില്‍ മിനിമോളും (42) ഇവരുടെ മൂന്ന് മാസം പ്രായമായ ആണ് കുഞ്ഞുമാണ് മരിച്ചത്. കാഴ്ച കുറയുന്നതിലുള്ള മനോവിഷമത്തിലാണ് ആത്മഹത്യ എന്നാണ് പ്രാഥമിക നിഗമനം.
◾https://dailynewslive.in/ തൃപ്പൂണിത്തുറയില്‍ 15 വയസ്സുകാരന്‍ ഫ്ലാറ്റിന് മുകളില്‍ നിന്ന് ചാടി മരിച്ച സംഭവത്തില്‍ സംസ്ഥാന പൊലീസ് മേധാവിക്ക് കുടുംബം പരാതി നല്‍കി. സ്‌കൂളില്‍ മകന്‍ ക്രൂരമായ ശാരീരിക മാനസിക പീഡനത്തിന് ഇരയായെന്ന് കാട്ടി അമ്മയാണ് പരാതി നല്‍കിയത്. ചില വിദ്യാര്‍ത്ഥികളില്‍ നിന്ന് ക്രൂരമായ റാഗിങ്ങിന് മകന്‍ വിധേയനായെന്നും കുടുംബം ആരോപിക്കുന്നു.
◾https://dailynewslive.in/ സ്ത്രീത്വത്തെ അപമാനിക്കുന്ന രീതിയില്‍ രാഹുല്‍ ഈശ്വര്‍ പെരുമാറിയെന്ന മലയാള ചലച്ചിത്ര നടിയുടെ പരാതിയില്‍ രാഹുല്‍ ഈശ്വറിനെതിരെ കേസ് എടുത്തു. കൊച്ചി സെന്‍ട്രല്‍ പൊലീസ് ആണ് കേസെടുത്തത്.
◾https://dailynewslive.in/ ആം ആദ്മി പാര്‍ട്ടി ദേശീയ കണ്‍വീനറും ദില്ലി മുന്‍ മുഖ്യമന്ത്രിയുമായ അരവിന്ദ് കെജ്രിവാളിനെതിരെ രൂക്ഷവിമര്‍ശനവുമായി അണ്ണാ ഹസാരെ. കെജ്രിവാള്‍ തന്റെ നിര്‍ദ്ദേശങ്ങള്‍ മറന്നെന്നും പണത്തിന് പിന്നാലെ പോയെന്നും അണ്ണാ ഹസാരെ വിമര്‍ശിച്ചു. കെജ്രിവാളിനെതിരായ അഴിമതി ആരോപണങ്ങളെക്കുറിച്ച് പ്രതികരിക്കവെയായിരുന്നു അണ്ണാ ഹസാരെയുടെ വിമര്‍ശനം.
◾https://dailynewslive.in/ കോണ്‍ഗ്രസ് എംപി രാകേഷ് റാത്തോഡ് ബലാത്സംഗക്കേസില്‍ അറസ്റ്റില്‍. ഉത്തര്‍പ്രദേശിലെ സീതാപൂരില്‍ വാര്‍ത്താസമ്മേളനം നടത്തുന്നതിനിടെയാണ് രാകേഷ് റാത്തോഡ് അറസ്റ്റിലായത്. 45കാരി നല്‍കിയ പരാതിയില്‍ രണ്ടാഴ്ചയോളം നീണ്ട അന്വേഷണത്തിനൊടുവിലാണ് കോണ്‍ഗ്രസ് എംപിയുടെ അറസ്റ്റ് രേഖപ്പെടുത്തിയത്. വിവാഹം കഴിക്കാമെന്നും രാഷ്ട്രീയ ജീവിതം കെട്ടിപ്പടുക്കാമെന്നും വാഗ്ദാനം നല്‍കി ബലാത്സംഗം ചെയ്യുകയായിരുന്നുവെന്നാണ് പരാതി.
◾https://dailynewslive.in/ മഹാകുംഭമേളയിലെ അപകടത്തില്‍പ്പെട്ട് മരിച്ച കര്‍ണാടക സ്വദേശികളുടെ കുടുംബങ്ങള്‍ക്ക് ധനസഹായം പ്രഖ്യാപിച്ച് മുഖ്യമന്ത്രി സിദ്ധരാമയ്യ. മരിച്ച നാല് പേരുടെ വീട്ടുകാര്‍ക്ക് എത്രയും വേഗം സഹായം ഉറപ്പാക്കും. മരിച്ചവരുടെ മൃതദേഹങ്ങള്‍ നാട്ടിലേക്ക് എത്തിക്കാന്‍ എയര്‍ ആംബുലന്‍സ് ഉള്‍പ്പെടെ സൗകര്യങ്ങള്‍ ഒരുക്കുന്നുണ്ടെന്നും സംസ്ഥാനത്ത് നിന്നും കാണാതായ മറ്റ് 8 പേരുടെ വിവരങ്ങള്‍ ഇതുവരെ ലഭിച്ചിട്ടില്ലെന്നും സിദ്ധരാമയ്യ പറഞ്ഞു.
◾https://dailynewslive.in/ ഉത്തര്‍പ്രദേശ് പ്രയാഗ് രാജിലെ കുംഭമേളക്കിടെ വീണ്ടും തീപിടിത്തം. ഇന്നലെ വൈകിട്ടാണ് സന്യാസിമാരുടെ കൂട്ടായ്മകള്‍ താമസിക്കുന്ന ടെന്റുകള്‍ക്ക് തീപിടിച്ചത്. സെക്ടര്‍ 22 ല്‍ 15 ടെന്റുകള്‍ കത്തിനശിച്ചു. തീപിടുത്തത്തില്‍ ആര്‍ക്കും പരിക്കില്ലെന്നാണ് വിവരം. സെക്ടര്‍,19ലും 20ലും ആഴ്ച്ചകള്‍ക്ക് മുമ്പ് തീപിടിച്ചിരുന്നു.
◾https://dailynewslive.in/ ലിവിങ് ടുഗെദര്‍ ബന്ധങ്ങള്‍ രജിസ്റ്റര്‍ ചെയ്യുന്നതിനായി ഒരു വെബ് പോര്‍ട്ടല്‍ ആരംഭിക്കാന്‍ രാജസ്ഥാന്‍ ഹൈക്കോടതിയുടെ സിംഗിള്‍ ബെഞ്ച് ജഡ്ജി സംസ്ഥാന സര്‍ക്കാരിനോട് നിര്‍ദ്ദേശിച്ചു. സംരക്ഷണം ആവശ്യപ്പെട്ട് ലിവ്-ഇന്‍ ടുഗെദറിലുള്ള ദമ്പതികള്‍ സമര്‍പ്പിച്ച ഹര്‍ജികള്‍ പരിഗണിക്കുകയായിരുന്നു കോടതി. അത്തരമൊരു നിയമം നടപ്പാക്കുന്നത് വരെ, ബന്ധപ്പെട്ട അധികൃതര്‍ ലിവ് ഇന്‍ റിലേഷന്‍ഷിപ്പുകള്‍ രജിസ്റ്റര്‍ ചെയ്യണമെന്ന് കോടതി വ്യക്തമാക്കി.
◾https://dailynewslive.in/ തമിഴ്നാട് പൊലീസിനെതിരെ സുപ്രീംകോടതി ചീഫ് ജസ്റ്റിസിന് കത്ത് നല്‍കി തമിഴ് മാധ്യമപ്രവര്‍ത്തകരുടെ സംഘടന. അണ്ണാ സര്‍വകലാശാല ബലാത്സംഗ കേസുമായി ബന്ധപ്പെട്ട അന്വേഷണത്തിന്റെ പേരില്‍ മാധ്യമപ്രവര്‍ത്തകരുടെ ഫോണുകള്‍ പോലീസ് പിടിച്ചെടുത്തതിനെതിരെയാണ് പരാതി. മാധ്യമങ്ങള്‍ക്ക് ഭരണഘടന നല്‍കുന്ന അവകാശത്തിന് മേല്‍ പൊലീസ് കടന്നുകയറ്റം നടത്തുന്നുവെന്നാണ് പരാതി. വിഷയത്തില്‍ സുപ്രീംകോടതി സ്വമേധയാ കേസെടുക്കണമെന്നാണ് ആവശ്യം.
◾https://dailynewslive.in/ അത്യാധുനിക എഐ മോഡല്‍ വികസിപ്പിക്കുന്നതിന് കേന്ദ്ര സര്‍ക്കാര്‍ സ്റ്റാര്‍ട്ടപ്പുകള്‍, ഗവേഷകര്‍, സംരംഭകര്‍ എന്നിവരില്‍ നിന്ന് പ്രൊപ്പോസലുകള്‍ ക്ഷണിച്ചു. കേന്ദ്ര ഐടി വകുപ്പിന്റെ യൂണിറ്റായ ഇന്ത്യഎഐയാണ് ഇതിനായി വിജ്ഞാപനം പുറപ്പെടുവിച്ചത്. ഇന്ത്യ സ്വന്തമായി ലാര്‍ജ് ലാംഗ്വേജ് മോഡല്‍ വികസിപ്പിച്ചുകൊണ്ട് നിര്‍മ്മിതബുദ്ധി മേഖലയില്‍ വലിയ മുന്നേറ്റത്തിനൊരുങ്ങുകയാണെന്ന് കേന്ദ്ര ഐ.ടി. മന്ത്രി അശ്വിനി വൈഷ്ണവ് നേരത്തെ സൂചിപ്പിച്ചിരുന്നു. പത്ത് മാസത്തിനകം ചാറ്റ് ജി.പി.ടിക്കും ഡീപ്‌സീക്കിനും സമാനമായ ഇന്ത്യയുടെ എ.ഐ. എല്‍.എല്‍.എം. അവതരിക്കുമെന്നും എ.ഐ. മേഖലയിലെ സ്വയംപര്യാപ്തത എന്ന ലക്ഷ്യത്തിലേക്കുള്ള യാത്രയില്‍ വലിയൊരു നാഴികക്കല്ലാകും ഇതെന്നും മന്ത്രി കൂട്ടിച്ചേര്‍ത്തിരുന്നു.
◾https://dailynewslive.in/ ചൈനീസ് എ.ഐ. ലാംഗ്വേജ് മോഡലായ ഡീപ്‌സീക്കിനെതിരെ ഗുരുതര ആരോപണവുമായി ചാറ്റ് ജി.പി.ടിയുടെ സ്രഷ്ടാക്കളായ ഓപ്പണ്‍ എ.ഐ. ചാറ്റ് ജി.പി.ടിയുടെ വിവരങ്ങള്‍ ഡീപ്‌സീക് എ.ഐ മോഡലിനെ പരിശീലിപ്പിക്കാനായി മോഷ്ടിച്ചുവെന്നാണ് ഓപ്പണ്‍ എ.ഐയുടെ ആരോപണം. വിഷയത്തില്‍ ഓപ്പണ്‍ എ.ഐയും പങ്കാളിയായ മൈക്രോസോഫ്റ്റും അന്വേഷണം ആരംഭിച്ചുകഴിഞ്ഞു.
◾https://dailynewslive.in/ വെടിനിര്‍ത്തല്‍ കരാറിന്റെ ഭാഗമായി എട്ട് തടവുകാരെക്കൂടി വിട്ടയച്ച് ഹമാസ്. 2023 ഒക്ടോബര്‍ 7-ന് ഇസ്രായേലിനെതിരായ ആക്രമണത്തിന്റെ സമയത്ത് പിടികൂടിയ മൂന്ന് ഇസ്രായേലി ബന്ദികളെയും അഞ്ച് വിദേശികളെയുമാണ് ഇന്നലെ ഹമാസ് മോചിപ്പിച്ചത്. ഇതിനു പകരമായി ഇസ്രയേല്‍ 110 പലസ്തീന്‍ തടവുകാരെയും മോചിപ്പിക്കുമെന്നാണ് വിവരം.
◾https://dailynewslive.in/ അമേരിക്കയിലെ വാഷിങ്ടണില്‍ റീഗന്‍ നാഷണല്‍ എയര്‍പോര്‍ട്ടിന് സമീപം വിമാനവും സൈനിക ഹെലികോപ്റ്ററും കൂട്ടിയിടിച്ചുണ്ടായ അപകടത്തില്‍ എല്ലാവരും കൊല്ലപ്പെട്ടതായി റിപ്പോര്‍ട്ട്. അപകടത്തില്‍ ആരെങ്കിലും രക്ഷപ്പെട്ടതായി വിശ്വസിക്കുന്നില്ലെന്ന് വാര്‍ത്താ ഏജന്‍സിയായ റോയിട്ടേഴ്‌സ് റിപ്പോര്‍ട്ട് ചെയ്തു. 27 പേരുടെ മൃതദേഹം വിമാനത്തില്‍ നിന്നും ഒരാളുടേത് ഹെലികോപ്റ്ററില്‍ നിന്നും കണ്ടെടുത്തിട്ടുണ്ട്. വിമാനത്തില്‍ ജീവനക്കാരടക്കം 64 പേരും സൈനിക ഹെലികോപ്റ്ററില്‍ 3 പേരുമാണ് ഉണ്ടായിരുന്നത്.
◾https://dailynewslive.in/ അനധികൃത കുടിയേറ്റക്കാരെ കുപ്രസിദ്ധമായ ഗ്വാണ്ടനാമോ തടവറയിലേക്ക് മാറ്റുമെന്ന് അമേരിക്കന്‍ പ്രസിഡന്റ് ഡൊണള്‍ഡ് ട്രംപ്. ക്യൂബയിലെ അമേരിക്കന്‍ നാവികസേനയുടെ അധീനതയിലുള്ള ഗ്വാണ്ടനാമോ സൈനികകേന്ദ്രം നിയമവിരുദ്ധ തടവിനും മനുഷ്യാവകാശ ലംഘനങ്ങള്‍ക്കും ലോകമാകെ കുപ്രസിദ്ധിയാര്‍ജ്ജിച്ച സ്ഥലമാണ്. ഇവിടെ 30,000 പേരെ പാര്‍പ്പിക്കാനുള്ള സൗകര്യങ്ങളുണ്ടാക്കുമെന്നാണ് ട്രംപ് പറയുന്നത്.
◾https://dailynewslive.in/ ദേശീയ ഗെയിംസ് പുരുഷ ഫുട്‌ബോളില്‍ കേരളത്തിന് ആദ്യമത്സരത്തില്‍ ജയം. മണിപ്പുരിനെതിരേ ഏകപക്ഷീയമായ ഒരു ഗോളിനാണ് കേരളം ജയിച്ചത്. 54-ാം മിനിറ്റില്‍ ബിബിന്‍ ബോബനാണ് കേരളത്തിനായി സ്‌കോര്‍ ചെയ്തത്.
◾https://dailynewslive.in/ ഐഎസ്എല്ലില്‍ ചെന്നൈയിന്‍ എഫ് സിയെ ഒന്നിനെതിരെ മൂന്ന് ഗോളുകള്‍ക്ക് വീഴ്ത്തി കേരളാ ബ്ലാസ്റ്റേഴ്സ് വീണ്ടും വിജയവഴിയില്‍. ചെന്നൈയിന്റെ ഹോം ഗ്രൗണ്ടില്‍ ബ്ലാസ്റ്റേഴ്സിന്റെ ആദ്യജയമാണിത്. 37-ാം മിനിറ്റില്‍ വില്‍മാര്‍ ജോര്‍ദ്ദാന്‍ ചുവപ്പുകാര്‍ഡ് കണ്ട് പുറത്തുപോയതിനെത്തുടര്‍ന്ന് 10 പേരുമായാണ് ചെന്നൈയിന്‍ പിന്നീടുള്ള സമയം കളിച്ചത്.
◾https://dailynewslive.in/ ’96 ഡെബിറ്റ് കാര്‍ഡ് ഓഫറുകള്‍’ ക്യാംപെയിന്‍ അവതരിപ്പിച്ച് സൗത്ത് ഇന്ത്യന്‍ ബാങ്ക്. ബാങ്കിന്റെ 96-ാം വാര്‍ഷികത്തോടനുബന്ധിച്ചാണ് ക്യാംപെയിന്‍. ഇതിന്റെ ഭാഗമായി ആമസോണ്‍, സൊമാറ്റോ, മേക്ക് മൈ ട്രിപ്, ക്രോമ, ലുലു, ഈസിഡിന്നര്‍, ബുക്ക് മൈ ഷോ തുടങ്ങിയ ഓണ്‍ലൈന്‍ പ്ലാറ്റുഫോമുകളില്‍ നിന്ന് ഡെബിറ്റ് കാര്‍ഡ് ഉപയോഗിച്ച് പര്‍ച്ചേസ് നടത്തുന്ന ഉപഭോക്താക്കള്‍ക്ക് ഓഫറുകള്‍ ഉണ്ടാകും. ഓഫറിനെക്കുറിച്ചുള്ള കൂടുതല്‍ വിവരങ്ങള്‍ അടുത്തുള്ള ശാഖയിലും ബാങ്കിന്റെ ഔദ്യോഗിക വെബ്സൈറ്റിലും ലഭ്യമാണ്. ഉപഭോക്താക്കള്‍ സൗത്ത് ഇന്ത്യന്‍ ബാങ്കില്‍ അര്‍പ്പിച്ച വിശ്വാസത്തിന് നന്ദി പറയുന്നതായി ബാങ്കിന്റെ സിജിഎമ്മും റീട്ടെയില്‍ അസറ്റ്സ് മേധാവിയുമായ സഞ്ചയ് സിന്‍ഹ പറഞ്ഞു. അടിസ്ഥാന മൂല്യങ്ങളില്‍ നിന്ന് വ്യതിചലിക്കാതെ നവീന ബാങ്കിങ് സേവനങ്ങള്‍ ഉറപ്പാക്കാന്‍ സൗത്ത് ഇന്ത്യന്‍ ബാങ്കിന് സാധിച്ചു. 1929 ല്‍ തൃശൂരിലാണ് ബാങ്ക് ആരംഭിക്കുന്നത്.
◾https://dailynewslive.in/ മഹാ കുംഭമേളയ്ക്കിടെ സോഷ്യല്‍ മീഡിയയില്‍ വൈറലായ മൊണാലിസ എന്ന മോനി ബോന്‍സ്ലെ ഇനി ബിഗ് സ്‌ക്രീനിലേക്ക്. ബോളിവുഡ് സംവിധായകന്‍ സനോജ് മിശ്രയുടെ സിനിമയിലൂടെയാണ് മോനി അഭിനയരംഗത്തേക്ക് കടക്കുന്നത്. ‘ഡയറി ഓഫ് മണിപ്പൂര്‍’ എന്ന സിനിമയിലൂടെയാകും മൊണാലിസ എത്തുക. ഈ സിനിമയുമായി ബന്ധപ്പെട്ടപ്പെട്ട് മൊണാലിസയുമായി സംവിധായകന്‍ സംസാരിച്ചു എന്നാണ് പുറത്തുവരുന്ന റിപ്പോര്‍ട്ടുകള്‍. മൊണാലിസയുടെ വീട്ടിലെത്തിയാണ് ചിത്രവുമായി ബന്ധപ്പെട്ട കരാറില്‍ ഒപ്പുവച്ചത് എന്നാണ് റിപ്പോര്‍ട്ട്. സിനിമയുടെ ചിത്രീകരണം ഉടന്‍ ആരംഭിക്കും റിപ്പോര്‍ട്ടുകളുണ്ട്. എന്നാല്‍ ഇത് സംബന്ധിച്ച് കൂടുതല്‍ വിവരങ്ങള്‍ പുറത്തുവിട്ടിട്ടില്ല. ഇന്‍സ്റ്റഗ്രാമില്‍ ഇരുവരുടേയും ചിത്രം സനോജ് മിശ്ര പങ്കുവെച്ചിട്ടുണ്ട്. ‘രാമജന്മഭൂമി’, ‘ദ് ഡയറി ഓഫ് വെസ്റ്റ് ബംഗാള്‍’, ‘കാശി ടു കശ്മീര്‍’ എന്നീ ചിത്രങ്ങളുടെ സംവിധായകനാണ് സനോജ് മിശ്ര. അതേസമയം, കുടുംബം അനുവദിക്കുകയാണെങ്കില്‍ സിനിമയില്‍ അഭിനയിക്കുമെന്ന് മൊണാലിസ നേരത്തെ വ്യക്തമാക്കിയിരുന്നു. കുംഭ മേളയ്ക്കിടെ മാല വില്പനയ്ക്കെത്തിയ മൊണാലിസയുടെ വിഡിയോ സോഷ്യല്‍ മീഡിയയില്‍ വൈറലായിരുന്നു.
◾https://dailynewslive.in/ മാര്‍ക്കോ എന്ന സൂപ്പര്‍ ഹിറ്റ് ചിത്രത്തിന് ശേഷം ഉണ്ണി മുകുന്ദന്‍ നായകനാകുന്ന പുതിയ സിനിമയുടെ റിലീസ് പ്രഖ്യാപിച്ചു. വിനയ് ഗോവിന്ദ് സംവിധാനം ചെയ്യുന്ന ‘ഗെറ്റ് സെറ്റ് ബേബി’യാണ് ചിത്രം. പടം ഫെബ്രുവരി 21ന് തിയറ്ററുകളില്‍ എത്തും. പുതിയ പോസ്റ്ററും അണിയറ പ്രവര്‍ത്തകര്‍ പുറത്തുവിട്ടു. ഡോക്ടര്‍ വേഷത്തില്‍ ഉണ്ണി മുകുന്ദന്‍ എത്തുന്ന ചിത്രം കേരളത്തില്‍ വിതരണം ചെയ്യുന്നത് ആശിര്‍വാദ് സിനിമാസ് ആണ്. നിഖില വിമല്‍ ആണ് ‘ഗെറ്റ് സെറ്റ് ബേബി’യിലെ നായിക കഥാപാത്രത്തെ അവതരിപ്പിക്കുന്നത്. സ്‌കന്ദ സിനിമാസും കിംഗ്സ്മെന്‍ പ്രൊഡക്ഷന്‍സും സംയുക്തമായി നിര്‍മ്മിക്കുന്ന ചിത്രം കൂടിയാണിത്. സജീവ് സോമന്‍, സുനില്‍ ജയിന്‍, സാം ജോര്‍ജ്ജ് എന്നിവര്‍ നിര്‍മ്മാണ പങ്കാളികളാവുന്ന ആദ്യസംരഭമാണ് ഗെറ്റ് സെറ്റ് ബേബി. ഐവിഎഫ് സ്പെഷ്യലിസ്റ്റ് ആയ ഒരു ഡോക്ടര്‍ നേരിടുന്ന പ്രശ്നങ്ങളും അത് പരിഹരിക്കാന്‍ അയാള്‍ കണ്ടെത്തുന്ന വഴികളും രസകരമായ രീതിയില്‍ പ്രതിപാദിക്കുന്ന ചിത്രമാണ് ഗെറ്റ് സെറ്റ് ബേബി. ചെമ്പന്‍ വിനോദ്, ജോണി അന്റണി, ശ്യാം മോഹന്‍, അഭിരാം, സുരഭി, മുത്തുമണി, സുധീഷ്, പുണ്യ എലിസബത്ത്, ഷിബില ഫറ, ദിനേശ് പ്രഭാകര്‍, ഭഗത് മാനുവല്‍, മീര വാസുദേവ്, വര്‍ഷ രമേഷ്, ജുവല്‍ മേരി തുടങ്ങിയ പ്രമുഖ താരങ്ങളും ഇതില്‍ അണിനിരക്കുന്നു.
◾https://dailynewslive.in/ 2025 സുസുക്കി ആക്‌സസ് 125 മൂന്ന് വേരിയന്റുകളില്‍ അവതരിപ്പിച്ചു . സ്റ്റാന്‍ഡേര്‍ഡ് എഡിഷന്‍, സ്പെഷ്യല്‍ എഡിഷന്‍, റൈഡ് കണക്ട് എഡിഷന്‍ എന്നിങ്ങനെ മൂന്ന് വേരിയന്റുകളില്‍ ഈ സ്‌കൂട്ടര്‍ വരുന്നു. കളര്‍ ഓപ്ഷനുകളെക്കുറിച്ച് പറയുകയാണെങ്കില്‍, ഈ സ്‌കൂട്ടര്‍ അഞ്ച് പുതിയ കളര്‍ ഓപ്ഷനുകളിലാണ് വരുന്നത്. ഇതില്‍ മെറ്റാലിക് മാറ്റ് സ്റ്റെല്ലാര്‍ ബ്ലൂ, പേള്‍ ഗ്രേസ് വൈറ്റ്, മെറ്റാലിക് മാറ്റ് ബ്ലാക്ക് നമ്പര്‍ 1, സോളിഡ് ഐസ് ഗ്രീന്‍, പേള്‍ ഷൈനി സീഡ് എന്നിവ ഉള്‍പ്പെടുന്നു. പുതിയ സുസുക്കി ആക്‌സസ് 125 -ന്റെ സ്റ്റാന്‍ഡേര്‍ഡ് വേരിയന്റ് 81,700 രൂപയ്ക്ക് പുറത്തിറക്കി. അതേസമയം, പ്രത്യേക പതിപ്പിന്റെ വില 88,200 രൂപയാണ്. ഇത് കൂടാതെ 93,300 രൂപയാണ് റൈഡ് കണക്ട് എഡിഷന്റെ വില. ആക്‌സസ് 125 ന് 124 സിസി, സിംഗിള്‍ സിലിണ്ടര്‍, എയര്‍ കൂള്‍ഡ് എഞ്ചിന്‍ ഉണ്ട്, ഇത് 8.4 എച്ച്പി പവറും (6500 ആര്‍പിഎമ്മില്‍) 10.2 എന്‍എം ടോര്‍ക്കും (5000 ആര്‍പിഎമ്മില്‍) സൃഷ്ടിക്കാന്‍ പ്രാപ്തമാണ്. ഇത് സിവിടി ഗിയര്‍ബോക്സുമായി വരുന്നു.
◾https://dailynewslive.in/ ദൈവനാമങ്ങള്‍ ഏകപക്ഷീയമായി ആളി, മതത്തെയും പുരാണങ്ങളെയും പുണ്യപുസ്തകങ്ങളെയും തത്ത്വശാസ്ത്രങ്ങളെയും ഒക്കെ വിദഗ്ധമായി അപഹരിച്ച്, ദൈവങ്ങളായി സ്വയം അവരോധിച്ച്… സഹമനുഷ്യരുടെമേല്‍ സമ്പൂര്‍ണ്ണ ആധിപത്യം സ്ഥാപിച്ച സമകാലങ്ങളിലെ രാഷ്ട്രീയ-സാമൂഹിക ആള്‍ദൈവങ്ങളെ ക്കുറിച്ചാണ് നോവെല്ലയെങ്കില്‍, ദൈവവും മനുഷ്യനും പാപവും പുണ്യവും സത്യവും കള്ളവും മുതലായ മനുഷ്യസങ്കല്പങ്ങ ളിലേക്കുള്ള ഒറ്റതിരിച്ചല്ലാതെയുള്ള ഒരു ചികഞ്ഞുനോട്ടമാണ് കഥകളില്‍ ബ്ലാക് ഹ്യൂമറിന്റെയും ആക്ഷേപഹാസ്യ ത്തിന്റെയും ഇഴകളാല്‍ തുന്നിയിട്ടുള്ള ഈ രചനകളിലാകെ കാതലായ മുന്ന് പ്രതിപാദ്യ ങ്ങളാണ്. ‘ദൈവ’വും… ‘സ്വര്‍ഗ്ഗ’വും… അതുകൊണ്ടുതന്നെ. ഇതു രണ്ടും ചരിത്രാതീതകാലംതൊട്ട് മനസ്സില്‍ ചുമന്ന് നടന്ന് ഭ്രാന്തനായിപ്പോയ മനുഷ്യനും. ‘സൈക്കോട്ടിക് ദൈവം! സൈക്കഡെലിക് സ്വര്‍ഗം! സൈക്യാട്രിക് മനുഷ്യുന്‍!’. മുരളി ഗോപി. ഡിസി ബുക്സ്. വില 142 രൂപ.
◾https://dailynewslive.in/ പാവയ്ക്ക കൊണ്ടും ചായ ഉണ്ടാക്കാം. ഗോഹ്യാ ചായ എന്നും അറിയപ്പെടുന്ന പാവയ്ക്ക ചായയ്ക്ക് നിരവധി ആരോഗ്യഗുണങ്ങളുണ്ട്. പാവയ്ക്ക ചായ പ്രമേഹരോഗികള്‍ക്ക് നല്ലതാണ്. ഇത് രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിനും പ്രമേഹം ക്രമീകരിക്കുന്നതിനും സഹായിക്കുന്നു. പാവയ്ക്കയുടെ ആന്റി-ഇന്‍ഫ്ലമേറ്ററി ഗുണങ്ങള്‍ രക്തത്തിലെ ചീത്ത കോളസ്ട്രോളിന്റെ അളവു കുറയ്ക്കാനും ഹൃദയാരോഗ്യം മെച്ചപ്പെടുത്താനും സഹായിക്കുന്നു. പാവയ്ക്ക ചായ കരളിലെ വിഷാംശം ഇല്ലാതാക്കാനും കുടലുകളെ ശുദ്ധീകരിക്കാനും സഹായിക്കും. ഇത് ദഹന പ്രശ്നങ്ങളെ അകറ്റി നിര്‍ത്തുകയും ചെയ്യുന്നു. പാവയ്ക്കയില്‍ വിറ്റാമിന്‍ സിയുടെ സാന്നിധ്യം അണുബാധകളെ ചെറുക്കാനും രോഗപ്രതിരോധ ശേഷി വര്‍ധിപ്പിക്കാനും സഹായിക്കുന്നു. പാവയ്ക്കയില്‍ അടങ്ങിയ വിറ്റാമിന്‍ എ കാഴ്ച ശക്തി മെച്ചപ്പെടുത്താന്‍ സഹായിക്കും. ധാരാളം ഔഷധ ഗുണങ്ങളുള്ള പാവയ്ക്ക ചായ വീട്ടില്‍ തന്നെ തയ്യാറാക്കാവുന്നതാണ്. പാവയ്ക്ക് ചെറിയ കഷ്ണങ്ങളാക്കിയത് (ഉണങ്ങിയതോ വാട്ടിയതോ ആയ രൂപത്തില്‍), വെള്ളം, തേന്‍ എന്നിവയാണ് പ്രധാന ചേരുവകള്‍. പാവയ്ക്കയ്ക്ക് പകരം പാവയ്ക്കയുടെ ഇല ഉണങ്ങിയതും ഉപയോഗിക്കാവുന്നതാണ്. ഒരു പാത്രത്തില്‍ അല്‍പം വെള്ളം തിളപ്പിച്ച് അതിലേക്ക് പാവയ്ക്ക കഷ്ണങ്ങള്‍ ഇട്ട് ഇടത്തരം ചൂടില്‍ 10 മിനിറ്റ് തിളപ്പിക്കുക. അല്‍പ നേരം വെള്ളം മാറ്റി വെച്ച ശേഷം ഇതില്‍ തേന്‍ ചേര്‍ത്ത് കുടിക്കാവുന്നതാണ്.
*ശുഭദിനം*
കവിത കണ്ണന്‍
ഒരു ദിവസം അയാളുടെ വളര്‍ത്തുപൂച്ചയെ കാണാതായി. ആ പൂച്ച ആയാള്‍ക്ക് വളരെ പ്രിയപ്പെട്ടതായിരുന്നു. അയാള്‍ പരിഭ്രാന്തിയോടെ പൂച്ചയെ അന്വേഷിച്ചിറങ്ങി. പറമ്പിലെ ഒരു മരക്കൊമ്പില്‍ പൂച്ച കുടുങ്ങിക്കിടക്കുന്നത് അയാള്‍ കണ്ടു. അയാള്‍ അതിവേഗം മരത്തിന് മുകളിലേക്ക് കയറി. അയാള്‍ അടുത്തെത്തും മുമ്പേ പൂച്ച താഴേക്ക് ചാടി. തിരിച്ചിറങ്ങാന്‍ തുടങ്ങിയപ്പോഴാണ് താന്‍ വളരെ ഉയരത്തിലാണ് ഇരിക്കുന്നതെന്ന് സത്യം അയാള്‍ തിരിച്ചറിഞ്ഞത്. ഭയന്നുവിറച്ച് അയാള്‍ നിലവിളിക്കാന്‍ തുടങ്ങി. പക്ഷേ, പേടികൊണ്ട് ശബ്ദം പുറത്ത് വന്നതേയില്ല. പൂച്ചയുടെ അസാധാരണായ കരച്ചില്‍ കേട്ടെത്തിയവര്‍ അയാളെ താഴെയിറക്കി. രക്ഷാപ്രവര്‍ത്തനത്തിന് ഇറങ്ങുമ്പോള്‍ സ്വയം നിയന്ത്രണശേഷി ഉണ്ടാകുന്നത് സാഹചര്യങ്ങളെ നിയന്ത്രിക്കാന്‍ നല്ലതാണ്. സ്വന്തം ചുവടുകള്‍ക്ക് ഭീഷണിയാകുന്ന രക്ഷാകര്‍മ്മങ്ങള്‍ അബദ്ധമാണ്. അവ വിജയിക്കുമ്പോള്‍ മഹത്തരമെന്ന് വാഴ്ത്തപ്പെട്ടാലും പരാജയപ്പട്ടാല്‍ വിഢ്ഢിത്തമെന്നേ വിശേഷിപ്പിക്കൂ.. രക്ഷകരാകുന്നത് നല്ലതുതന്നെ, എന്നാല്‍ സ്വയരക്ഷയും അതുപോലെ തന്നെ പ്രധാനമാണ് – ശുഭദിനം.