◾https://dailynewslive.in/ പാക് സൈന്യത്തിന്റ സഹായത്തോടെ ജമ്മുമേഖലയിലേക്ക് ഭീകരര്‍ കടന്നെന്ന് രഹസ്യാന്വേഷണ റിപ്പോര്‍ട്ട്. ഹിരാ നഗര്‍ മേഖലകളിലൂടെയാണ് അന്‍പതിലധികം ഭീകരര്‍ പാക് സൈന്യത്തിന്റെ സഹായത്തോടെ കടന്നതെന്നാണ് റിപ്പോര്‍ട്ട്. ചൈനീസ് അതിര്‍ത്തിയിലെ ഇന്ത്യന്‍ നീരീക്ഷണത്തിന്റെ ശ്രദ്ധതിരിക്കാനാണോ ഈ ശ്രമമെന്നും ഇന്ത്യന്‍ സൈന്യം സംശയിക്കുന്നുണ്ട്. ജമ്മു കശ്മീരിലെ ഡോഡയില്‍ ഭീകരര്‍ക്കായുള്ള തെരച്ചില്‍ തുടരുന്നതിനിടെ ഇന്ന് രണ്ടിടങ്ങളില്‍ കൂടെ ഏറ്റുമുട്ടലുണ്ടായി.
◾https://dailynewslive.in/ സംസ്ഥാനത്ത് അതിതീവ്ര മഴ തുടരും. വയനാട് ഇന്ന് റെഡ് അലര്‍ട്ട് പ്രഖ്യാപിച്ചു. 24 മണിക്കൂറില്‍ 204.4 മില്ലി മീറ്ററില്‍ കൂടുതല്‍ മഴ ലഭിക്കാനുള്ള സാധ്യതയുണ്ടെന്നാണ് മുന്നറിയിപ്പ്. പത്തനംതിട്ട, കോട്ടയം, എറണാകുളം, ഇടുക്കി, മലപ്പുറം, കോഴിക്കോട്, കണ്ണൂര്‍, കാസര്‍കോട് ജില്ലകളില്‍ ഓറഞ്ച് അലര്‍ട്ടും, തിരുവനന്തപുരം, കൊല്ലം, ആലപ്പുഴ, തൃശ്ശൂര്‍, പാലക്കാട് എന്നീ ജില്ലകളില്‍ ഇന്ന് യെല്ലോ അലര്‍ട്ടുമാണ് പ്രഖ്യാപിച്ചിട്ടുള്ളത്.
◾
*ചില ബന്ധങ്ങള്‍ തുടര്‍ന്നുകൊണ്ടേയിരിക്കും*
*പുളിമൂട്ടില്‍ സില്‍ക്‌സില്‍ 100 വര്‍ഷങ്ങളുടെ ആഘോഷം*
മലയാളികളുടെ വിവാഹ സ്വപ്‌നങ്ങള്‍ യാഥാര്‍ത്ഥ്യമാക്കിയ 100 വര്‍ഷങ്ങള്‍. 100 വര്‍ഷത്തെ പട്ടിന്റെ പാരമ്പര്യത്തിലൂടെ മലയാളികളുടെ വിവാഹ സങ്കല്‍പങ്ങള്‍ക്ക് നിറച്ചാര്‍ത്തേകിയ പുളിമൂട്ടില്‍ സില്‍ക്‌സില്‍ ഒരു വര്‍ഷം നീണ്ടു നില്‍ക്കുന്ന 100 വര്‍ഷങ്ങളുടെ ആഘോഷം. പുളിമൂട്ടില്‍ സില്‍ക്‌സിന്റെ തൃശൂര്‍ ഷോറൂമിനോടൊപ്പം തൊടുപുഴ, കോട്ടയം, തിരുവല്ല, കൊല്ലം, പാല എന്നീ ഷോറൂമുകളിലും ഒരു വര്‍ഷം നീണ്ടു നില്‍ക്കുന്ന 100 വര്‍ഷങ്ങളുടെ ആഘോഷം. ഓണ്‍ലൈന്‍ പര്‍ച്ചേസുകള്‍ക്ക് : www.pulimoottilonline.com
◾https://dailynewslive.in/ വയനാട് പൂക്കോട് വെറ്ററിനറി സര്‍വകലാശാലയിലെ സിദ്ധാര്‍ത്ഥന്റെ മരണവുമായി ബന്ധപ്പെട്ട് വയനാട് മുന്‍ വിസി എം ആര്‍ ശശീന്ദ്രനാഥിന് വീഴ്ച പറ്റിയെന്ന് കണ്ടെത്തല്‍. സമയബന്ധിതമായി നടപടി എടുത്തില്ലെന്നാണ് ജുഡീഷ്യല്‍ അന്വേഷണ കമ്മീഷന്‍ കണ്ടെത്തിയിരിക്കുന്നത്. ശശീന്ദ്രനാഥിനെ ഗവര്‍ണര്‍ നേരത്തെ പുറത്താക്കിയിരുന്നു. സര്‍വ്വകലാശാല വൈസ് ചാന്‍സിലര്‍, അസിസ്റ്റന്റ് വാര്‍ഡന്‍, ഡീന്‍, ആംബുലന്‍സ് ഡ്രൈവര്‍ മുതല്‍ സിദ്ധാര്‍ത്ഥന്റെ അച്ഛനമ്മമാര്‍, അധ്യാപകര്‍, സുഹൃത്തുക്കളും ഉള്‍പ്പെടെ 28 പേരില്‍ നിന്ന് മൊഴിയെടുത്താണ് കമ്മീഷന്‍ റിപ്പോര്‍ട്ട് തയ്യാറാക്കിയത്.
◾https://dailynewslive.in/ തിരുവനന്തപുരത്തെ ആമയിഴഞ്ചാന്‍ തോട് വൃത്തിയാക്കുന്നതിനിടയില്‍ ഒഴുക്കില്‍പ്പെട്ട് മരിച്ച ശുചീകരണ തൊഴിലാളി ജോയിയുടെ കുടുംബത്തിന് പത്ത് ലക്ഷം രൂപ ധനസഹായം പ്രഖ്യാപിച്ചു. മുഖ്യമന്ത്രിയുടെ ദുരിതാശ്വാസനിധിയില്‍ നിന്ന് ജോയിയുടെ അമ്മയ്ക്ക് 10 ലക്ഷം രൂപ അനുവദിക്കാനാണ് മന്ത്രിസഭായോഗം തീരുമാനിച്ചത്. ജോയിയുടെ അമ്മയ്ക്ക് വീടുവച്ച് നല്‍കുമെന്ന് തിരുവനന്തപുരം മേയര്‍ ആര്യാ രാജേന്ദ്രനും പറഞ്ഞു. 48 മണിക്കൂര്‍ നീണ്ട തിരച്ചിലിനൊടുവില്‍ തകരപ്പറമ്പ് വഞ്ചിയൂര്‍ റോഡിലെ കനാലില്‍ നിന്നാണ് ജോയിയുടെ മൃതദേഹം കണ്ടെത്തിയത്.
◾https://dailynewslive.in/ ആമയിഴഞ്ചാന്‍ തോട് വൃത്തിയാക്കുന്നതിനിടയില്‍ ഒഴുക്കില്‍പ്പെട്ട് ജീവന്‍ നഷ്ടപ്പെട്ട ജോയിയുടെ മരണത്തില്‍ പ്രതിഷേധിച്ച് തിരുവനന്തപുരം നഗരസഭയിലേക്ക് യൂത്ത് കോണ്‍ഗ്രസ് നടത്തിയ മാര്‍ച്ച് അക്രമാസക്തമായി. പ്രതിഷേധക്കാര്‍ ബാരിക്കേഡ് മറിച്ചിടാന്‍ ശ്രമം നടത്തിയതോടെ പൊലീസ് ജലപീരങ്കി പ്രയോഗിച്ചു. നഗരസഭയുടെ പിന്നിലെ ഗേറ്റ് വഴി അകത്ത് കയറാന്‍ ശ്രമം നടത്തിയതോടെ ഇതും പൊലീസ് തടഞ്ഞു.
◾
◾https://dailynewslive.in/ ആലപ്പുഴയില്‍ എസ്എന്‍ഡിപി ജനറല്‍ സെക്രട്ടറി വെള്ളാപ്പള്ളി നടേശന്റെ ഭാര്യ നേരിട്ട് ബിജെപിക്കായി പ്രചരണം നടത്തിയെന്ന് എം വി ഗോവിന്ദന്‍. എസ്എന്‍ഡിപി യുടെ വര്‍ഗീയ നിലപാടിനെ ചെറുത്തു തോല്‍പിക്കണമെന്നും, വര്‍ണ്ണമില്ലാത്ത എസ്എന്‍ഡിപി പ്രസ്ഥാനത്തെ ഹിന്ദുത്വ രാഷ്ട്രീയത്തിലേക്ക് കൊണ്ടുപോവുകയാണെന്നും അദ്ദേഹം പറഞ്ഞു. തെറ്റെല്ലാം തിരുത്തി മുന്നോട്ട് പോകുന്ന പ്രസ്ഥാനം തന്നെയാണ് സിപിഎം എന്നും എം വി ഗോവിന്ദന്‍ പറഞ്ഞു.
◾https://dailynewslive.in/ നടന്‍ ആസിഫ് അലിയെ അപമാനിച്ച സംഭവത്തില്‍ സംഗീതഞ്ജന്‍ രമേഷ് നാരായണനോട് ഫെഫ്ക മ്യൂസിക് യൂണിയന്‍ വിശദീകരണം തേടി. ആസിഫ് അലിയെ കരുതിക്കൂട്ടി അപമാനിച്ചിട്ടില്ലെന്നായിരുന്നു കഴിഞ്ഞ ദിവസം മാധ്യമങ്ങളോട് രമേഷ് നാരായണ്‍ പറഞ്ഞത്. ഇതേകാര്യങ്ങള്‍ തന്നെയാണ് വിശദീകരണ കുറിപ്പില്‍ രമേഷ് അറിയിച്ചതെന്ന് ഭാരവാഹികള്‍ അറിയിച്ചു. ഇപ്പോള്‍ പ്രചരിക്കുന്ന ദൃശ്യങ്ങളില്‍ അങ്ങനെ തോന്നിയെങ്കില്‍ താന്‍ ക്ഷമ ചോദിക്കുന്നുവെന്നും, ആസിഫിനെ വിളിച്ചു സംസാരിക്കുമെന്നും താന്‍ ഏറെ ബഹുമാനിക്കുന്ന നടനാണ് ആസിഫ് അലിയെന്നും രമേഷ് നാരായണന്‍ വാര്‍ത്ത സമ്മേളനത്തില്‍ പറഞ്ഞിരുന്നു.
◾https://dailynewslive.in/ ഹൈറിച്ച് സാമ്പത്തിക തട്ടിപ്പ് കേസുമായി ബന്ധപ്പെട്ട് ഹൈറിച്ച് കമ്പനി ഡയറക്ടര്‍ കെഡി പ്രതാപനെ എന്‍ഫോഴ്സ്മെന്റ് ഡയറക്ടറേറ്റിന്റെ കസ്റ്റഡിയില്‍ വിട്ടു. പ്രതിയെ ഇന്നും നാളെയും കസ്റ്റഡിയില്‍ വേണമെന്ന ഇഡിയുടെ ആവശ്യത്തെ തുടര്‍ന്ന് സാമ്പത്തിക കുറ്റകൃത്യങ്ങള്‍ പരിഗണിക്കുന്ന കൊച്ചിയിലെ പ്രത്യേക കോടതിയാണ് കെ ഡി പ്രതാപനെ ഒരു ദിവസത്തേക്ക് ഇ ഡി കസ്റ്റഡിയില്‍ വിട്ടത്. നിലവില്‍ എറണാകുളം ജില്ലാ ജയിലില്‍ റിമാന്‍ഡിലാണ് പ്രതാപന്‍.
◾https://dailynewslive.in/ കോട്ടയം വെച്ചൂര്‍ പഞ്ചായത്തില്‍ പക്ഷിപ്പനി സ്ഥിരീകരിച്ചു. ഇനി ഒരു അറിയിപ്പ് ഉണ്ടാകും വരെ പഞ്ചായത്തില്‍ പക്ഷികളുടെ വില്‍പന നിരോധിച്ചു. അതേസമയം പക്ഷിപ്പനിയുടെ പശ്ചാത്തലത്തില്‍ ആലപ്പുഴയില്‍ കോഴി, താറാവ് വിപണനത്തിന് എട്ട് മാസത്തേക്ക് കൂടി നിരോധനം ഏര്‍പ്പെടുത്തുന്നത് അംഗീകരിക്കാനാകില്ലെന്ന് അറിയിച്ച് കോഴി, താറാവ് കര്‍ഷകര്‍ ഇന്നലെ രംഗത്തെത്തിയിരുന്നു. കള്ളിങ് നടത്തിയതിന്റെ നഷ്ടപരിഹാരം ഇതുവരെ ലഭിച്ചിട്ടില്ലെന്നും കടക്കെണിയിലാണെന്നും മന്ത്രി ചര്‍ച്ച നടത്താന്‍ തയ്യാറാകണമെന്നും കര്‍ഷകര്‍ ആവശ്യപ്പെട്ടു.
◾https://dailynewslive.in/ ലേബര്‍ കമ്മിഷണര്‍ ആയിരുന്ന അര്‍ജുന്‍ പാണ്ഡ്യനെ തൃശൂര്‍ കലക്ടറായി നിയമിച്ചു. ലേബര്‍ കമ്മിഷണറുടെ അധികചുമതല വീണാ മാധവനു നല്‍കി. തൃശൂര്‍ കലക്ടറായിരുന്ന വി.ആര്‍.കൃഷ്ണ തേജ കേരള കേഡറില്‍നിന്ന് ആന്ധ്രാ കേഡറിലേക്കു മാറിയതോടെയാണു പുതിയ കലക്ടറായി അര്‍ജുന്‍ പാണ്ഡ്യന്റെ നിയമനം.
◾https://dailynewslive.in/ ഇടുക്കി ചിന്നക്കനാലില്‍ ചക്കകൊമ്പന്‍ എന്ന കാട്ടാന കാര്‍ തകര്‍ത്തു. ചിന്നക്കനാല്‍ സ്‌കൂളിന്റെ ഗേറ്റ് തകര്‍ത്ത് കോമ്പൗണ്ടില്‍ കയറിയ ആന സ്‌കൂള്‍ പരിസരത്ത് നിര്‍ത്തിയിട്ടിരുന്ന വാഹനമാണ് ആക്രമിച്ചത്. ചിന്നക്കനാല്‍ സ്വദേശി മണിയുടെ ഉടമസ്ഥതയില്‍ ഉള്ള ടാക്സി കാറാണ് ആക്രമിച്ചത്. റോഡിലൂടെ ആന നടന്നു വരുന്നത് നാട്ടുകാര്‍ അറിയിച്ചതിനെ തുടര്‍ന്ന് ആര്‍ആര്‍ടിയെത്തി ആനയെ വേസ്റ്റുകുഴി ഭാഗത്തേക്ക് തുരത്തിയോടിച്ചു.
◾https://dailynewslive.in/ കാട്ടാന ആക്രമണത്തില്‍ കൊല്ലപ്പെട്ട രാജുവിന്റെ കുടുംബത്തെ സംരക്ഷിക്കണമെന്ന് ആവശ്യപ്പെട്ട് വയനാട് ജില്ലയിലെ കല്ലൂരില്‍ നടന്ന സമരം അവസാനിപ്പിച്ചു. സര്‍വകക്ഷി യോഗത്തിലെ തീരുമാനം പ്രകാരമാണ് സമരം അവസാനിപ്പിച്ചത്. രാജുവിന്റെ കുടുംബത്തിന് 10 ലക്ഷം രൂപ ധനസഹായവും ഒരു ലക്ഷം രൂപ ഇതിന് പുറമെ ഇന്‍ഷുറന്‍സായും നല്‍കാന്‍ യോഗത്തില്‍ തീരുമാനമായി. ഇതിനെല്ലാം പുറമെ കുടുംബത്തിന് 50 ലക്ഷം രൂപ ധനസഹായം നല്‍കണമെന്ന് സര്‍ക്കാരിനോട് ശുപാര്‍ശ ചെയ്യുമെന്നും തീരുമാനമായി.
◾https://dailynewslive.in/ 2026 മുതല്‍ സിബിഎസ്ഇ പന്ത്രണ്ടാം ക്ലാസ് ബോര്‍ഡ് പരീക്ഷ രണ്ടു തവണ നടത്തുമെന്ന് സൂചന. പരീക്ഷകള്‍ വിദ്യാര്‍ത്ഥികളിലുണ്ടാക്കുന്ന സമ്മര്‍ദം ലഘൂകരിക്കുകയെന്ന ലക്ഷ്യത്തോടെ മാര്‍ച്ചിന് പുറമെ ജൂണിലും പരീക്ഷ നടത്താനാണ് ആലോചന. ഇതോടെ മികച്ച മാര്‍ക്ക് ഏതാണോ അത് വിദ്യാര്‍ത്ഥികള്‍ക്ക് സ്വീകരിക്കാന്‍ കഴിയും. നാഷണല്‍ കരിക്കുലം ഫ്രെയിംവര്‍ക്ക് ഫോര്‍ സ്‌കൂള്‍ എജ്യുക്കേഷന്‍ ആണ് ഇതു സംബന്ധിച്ച ശുപാര്‍ശ നല്‍കിയത്.
◾https://dailynewslive.in/ മലപ്പുറത്ത് നാല് പേര്‍ക്ക് മലമ്പനി സ്ഥിരീകരിച്ചു. നിലമ്പൂരില്‍ ഒരാള്‍ക്കും പൊന്നാനിയില്‍ 3 പേര്‍ക്കുമാണ് രോഗം സ്ഥിരീകരിച്ചത്. പൊന്നാനിയില്‍ 1200 പേരുടെ രക്തസാമ്പിളുകള്‍ പരിശോധിച്ചതില്‍ നിന്നാണ് മൂന്ന് പേര്‍ക്ക് രോഗം സ്ഥിരീകരിച്ചത്. മൂന്ന് സ്ത്രീകള്‍ക്കാണ് ഇവിടെ രോഗം ബാധിച്ചത്. നിലമ്പൂരില്‍ അതിഥി തൊഴിലാളിക്കാണ് രോഗബാധ. ഒഡീഷ സ്വദേശിയാണ് ചികിത്സയിലുളളത്.
◾https://dailynewslive.in/ വ്യാജ രേഖയുണ്ടാക്കി ഭര്‍ത്താവിന്റെ പേരിലുള്ള ഭൂമി തട്ടിയെടുത്തെന്ന പരാതിയുമായി ദേശീയ അവാര്‍ഡ് ജേതാവായ നഞ്ചിയമ്മ. ഇതേ തുടര്‍ന്ന് കയ്യേറ്റ ഭൂമിയില്‍ കൃഷിയിറക്കല്‍ സമരം നടത്തുകയാണ് നഞ്ചിയമ്മ. തര്‍ക്ക ഭൂമിയില്‍ കൃഷിയിറക്കാനെത്തിയ നഞ്ചിയമ്മയെയും ബന്ധുക്കളെയും ഇന്നലെ പൊലീസും റവന്യൂ ഉദ്യോഗസ്ഥരും ചേര്‍ന്ന് തടഞ്ഞിരുന്നു. അഗളിയിലെ സ്വകാര്യവ്യക്തിയാണ് വ്യാജ നികുതി രസീത് സംഘടിപ്പിച്ച് ഭൂമി സ്വന്തം പേരിലാക്കിയതെന്നാണ് നഞ്ചിയമ്മ ആരോപിക്കുന്നത്. അതേസമയം, സ്വകാര്യവ്യക്തി ഭൂമി കൈമാറ്റത്തിന് ഉപയോഗിച്ചത് വ്യാജ രേഖയെന്ന് വില്ലേജ് ഓഫീസറും സ്ഥിരീകരിച്ചു.
◾https://dailynewslive.in/ മഴയില്‍ സ്‌കൂട്ടറില്‍ നിന്നിറങ്ങി വഴിയോരത്ത് നില്‍ക്കവെ കൂറ്റന്‍ മരം വീണ് പരിക്കേറ്റ ദമ്പതികളില്‍ ഒരാള്‍ മരിച്ചു. ആലപ്പുഴ പവര്‍ഹൗസ് വാര്‍ഡ് സിയ മന്‍സിലില്‍ ഉനൈസാണ് മരിച്ചത്. ഈ ആഴ്ച വിദേശത്ത് പോകുന്നതുമായി ബന്ധപ്പെട്ട പേപ്പറുകള്‍ ശരിയാക്കാന്‍ അക്ഷയ കേന്ദ്രത്തിലേക്ക് ഭാര്യ അലീഷയുമായി സ്‌കൂട്ടറില്‍ പോയതിന് പിന്നാലെയായിരുന്നു അപകടം.
◾https://dailynewslive.in/ നന്ദിയോട് പടക്ക വില്‍പനശാലക്ക് തീ പിടിച്ചുണ്ടായ അപകടത്തില്‍ ഉടമക്ക് ഗുരുതര പരിക്ക്. ആലംപാറയില്‍ പ്രവര്‍ത്തിക്കുന്ന ശ്രീമുരുക പടക്ക വില്‍പ്പന ശാലയിലാണ് തീ പിടിച്ചത്. ഉടമസ്ഥന്‍ ഷിബുവിനാണ് പൊള്ളലേറ്റത്. വീടിന് അല്‍പ്പം അകലെയാണ് ഗോഡൗണ്‍ പ്രവര്‍ത്തിച്ചിരുന്നത്. ഗുരുതരമായി പരിക്കേറ്റ ഷിബുവിനെ മെഡിക്കല്‍ കോളേജ് ആശുപത്രിയില്‍ കൊണ്ടു പോയി.
◾https://dailynewslive.in/ സിനിമാ ചിത്രീകരണത്തിനിടെ സ്റ്റണ്ട്മാന് ദാരുണാന്ത്യം. മിസ് മിത്രന്‍ സംവിധാനം ചെയ്ത് കാര്‍ത്തി നായകനാകുന്ന സിനിമയിലെ സ്റ്റണ്ട്മാന് ഏഴുമലയാണ് അപകടത്തില്‍പ്പെട്ട് മരിച്ചത്. നിര്‍ണായകമായ ഒരു സംഘട്ടന രംഗം ചിത്രീകരിക്കുന്നതിനിടെ 20 അടി ഉയരത്തില്‍ നിന്ന് എഴുമല വീഴുകയായിരുന്നുവെന്നാണ് റിപ്പോര്‍ട്ട്.
◾https://dailynewslive.in/ മുംബൈ വിമാനത്താവളത്തില്‍ 2,216 ഒഴിവുകളിലേക്ക് ഇന്നലെ നടന്ന എയര്‍ ഇന്ത്യയുടെ റിക്രൂട്ട്മെന്റിന് എത്തിയത് 25,000-ത്തിലേറെ പേര്. എയര്‍ ഇന്ത്യ ഉദ്യോഗസ്ഥര്‍ക്ക് നിയന്ത്രിക്കാനാകുന്നതിലുമപ്പുറമായി ജനത്തിരക്ക് മാറി. ഗ്രൗണ്ട് സ്റ്റാഫ് വിഭാഗത്തിലേക്കാണ് റിക്രൂട്ട്മെന്റ് നടന്നത്. അപേക്ഷാ കൗണ്ടറിനരികിലെത്താന്‍ വേണ്ടി യുവാക്കള്‍ തിക്കിത്തിരക്കുന്നതിന്റെ ഭീതിപ്പെടുത്തുന്ന ദൃശ്യങ്ങള്‍ സമൂഹ മാധ്യമങ്ങളില്‍ പ്രചരിക്കുന്നുണ്ട്. മണിക്കൂറുകളോളം വെള്ളമോ ഭക്ഷണമോ കഴിക്കാതെ ജോലിക്ക് അപേക്ഷിക്കാനെത്തിയതുമൂലം പലര്‍ക്കും ദേഹാസ്വസ്ഥ്യം അനുഭവപ്പെട്ടു.
◾https://dailynewslive.in/ കേദാര്‍നാഥ് ക്ഷേത്രത്തില്‍ നിന്ന് 228 കിലോഗ്രാം സ്വര്‍ണം മോഷണം പോയെന്ന ജ്യോതിര്‍മഠത്തിലെ ശങ്കരാചാര്യ സ്വാമി അവിമുക്തേശ്വരാനന്ദ സരസ്വതിയുടെ ആരോപണത്തിന് മറുപടിയുമായി ബദരീനാഥ്-കേദാര്‍നാഥ് ക്ഷേത്ര കമ്മിറ്റി ചെയര്‍മാന്‍ അജേന്ദ്ര അജയ്. സ്വാമി അവിമുക്തേശ്വരാനന്ദ സരസ്വതിയുടെ പ്രസ്താവനകള്‍ ദൗര്‍ഭാഗ്യകരമാന്നെന്നും, ആരോപണത്തില്‍ ഉറച്ചുനില്‍ക്കുന്നുവെങ്കില്‍ തെളിവ് കാണിക്കാനും അദ്ദേഹം ആവശ്യപ്പെട്ടു. കോണ്‍ഗ്രസ് അജണ്ട നടപ്പാക്കാന്‍ വേണ്ടിയാണ് അദ്ദേഹം ഇത്തരമൊരു ആരോപണവുമായി രംഗത്തെത്തിയതെങ്കില്‍ അത് ദൗര്‍ഭാഗ്യകരമാണെന്നും അജേന്ദ്ര അജയ് കൂട്ടിച്ചേര്‍ത്തു.
◾https://dailynewslive.in/ കര്‍ണാടകയില്‍ സ്വകാര്യ തൊഴില്‍ മേഖലയില്‍ കന്നഡ സംവരണം വന്നേക്കും. സ്വകാര്യസ്ഥാപനങ്ങളില്‍ കര്‍ണാടക സ്വദേശികള്‍ക്ക് സംവരണം നല്‍കുന്ന ബില്ലിന് മന്ത്രിസഭ അംഗീകാരം നല്‍കി. കര്‍ണാടകയിലെ വ്യവസായസ്ഥാപനങ്ങളിലും മറ്റ് സ്വകാര്യസ്ഥാപനങ്ങള്‍ക്കുമാണ് സംവരണച്ചട്ടം ബാധകമാകുക. 50% മാനേജ്മെന്റ് പദവികളിലും 75% നോണ്‍ മാനേജ്മെന്റ് ജോലികളിലും കന്നഡ സ്വദേശികളെ നിയമിക്കണമെന്നാണ് ബില്ലിലെ ശുപാര്‍ശ.
◾https://dailynewslive.in/ അജിത് പവാറിന്റെ എന്‍.സി.പിയില്‍നിന്ന് നാല് മുതിര്‍ന്ന നേതാക്കള്‍ രാജിവെച്ചു. ഇവര്‍ ശരദ് പവാറിന്റെ എന്‍.സി.പിയില്‍ ചേര്‍ന്നേക്കുമെന്നാണ് സൂചന. ലോക്‌സഭാ തിരഞ്ഞെടുപ്പിലെ മോശം പ്രകടനത്തിന് പിന്നാലെ നാല് നേതാക്കളുടെ രാജി അജിത് പവാറിന് വലിയ തലവേദന സൃഷ്ടിച്ചേക്കും.
◾https://dailynewslive.in/ ഉത്തര്‍ പ്രദേശ് മുഖ്യമന്ത്രി യോഗി ആദിത്യനാഥ് ഉദ്യോഗസ്ഥര്‍ക്ക് അമിതാധികാരം നല്‍കുന്നുവെന്ന് പരാതി. തെരഞ്ഞെടുപ്പ് സമയത്ത് സര്‍ക്കാര്‍ സംവിധാനങ്ങള്‍ പാര്‍ട്ടിക്കെതിരായിരുന്നുവെന്ന വിമര്‍ശനം നേരത്തെ നേതാക്കള്‍ ഉയര്‍ത്തിയിരുന്നു. കേന്ദ്ര നേതൃത്വം യുപിയില്‍ കാര്യമായി ഇടപെടണമെന്ന് ബിജെപി എംഎല്‍എമാരടക്കം ആവശ്യപ്പെടുന്നതായാണ് സൂചന. അമിത ആത്മവിശ്വാസമാണ് ലോക്‌സഭാ തിരഞ്ഞെടുപ്പ് തോല്‍വിക്ക് കാരണമെന്നാണ് യോഗി ആദിത്യനാഥ് പറഞ്ഞത്. എന്നാല്‍ സര്‍ക്കാറിനേക്കാള്‍ വലുത് സംഘടനയാണെന്നായിരുന്നു ഉപമുഖ്യന്ത്രി കേശവ് പ്രസാദ് മൗര്യയുടെ പ്രതികരണം.
◾https://dailynewslive.in/ ഉത്തര്‍പ്രദേശ് ബിജെപിയിലെ തര്‍ക്കത്തെ പരിഹസിച്ച് എസ്പി അധ്യക്ഷനും മുന്‍ മുഖ്യമന്ത്രിയുമായ അഖിലേഷ് യാദവ്. കസേരയ്ക്ക് വേണ്ടിയുള്ള നേതാക്കള്‍ തമ്മിലുളള തര്‍ക്കം സംസ്ഥാനത്തിന്റെ ഭരണത്തെ ബാധിക്കുന്നുവെന്ന് അഖിലേഷ് ആരോപിച്ചു. ബിജെപി ആഭ്യന്തര കലാപത്തിന്റെ ചളിക്കുണ്ടില്‍ മുങ്ങിയിരിക്കുകയാണെന്നും മറ്റ് പാര്‍ട്ടികളെ അട്ടിമറിച്ച ബിജെപിക്കാര്‍ ഇപ്പോള്‍ സ്വന്തം പാര്‍ട്ടിക്കത്ത് അതിന് ശ്രമിക്കുകയാണെന്നും അഖിലേഷ് പരിഹസിച്ചു.
◾https://dailynewslive.in/ പ്രൊബേഷണറി ഐ.എ.എസ്. ഉദ്യോഗസ്ഥയായ പൂജ ഖേദ്കര്‍ സമര്‍പ്പിച്ച റേഷന്‍ കാര്‍ഡ് ഉള്‍പ്പെടെ വ്യാജമായി നിര്‍മിച്ചതാണെന്ന് ആരോപണം. ഭിന്നശേഷിക്കാരിയെന്ന സര്‍ട്ടിഫിക്കറ്റ് ലഭിക്കാനായി വ്യാജവിലാസമാണ് ഇവര്‍ സമര്‍പ്പിച്ചതെന്നും ഇതിനൊപ്പം നല്‍കിയ റേഷന്‍ കാര്‍ഡും വ്യാജമാണെന്നാണ് റിപ്പോര്‍ട്ടുകള്‍.
◾https://dailynewslive.in/ ഒമാനിലെ അല്‍വുസ്ത ഗവര്‍ണറേറ്റിലെ ദുകം തീരത്ത് എണ്ണക്കപ്പല്‍ മറിഞ്ഞുണ്ടായ അപകടത്തില്‍ തെരച്ചിലിനായി നാവിക സേന യേയും വ്യോമ സേനയേയും നിയോഗിച്ചു. 13 ഇന്ത്യക്കാരും മൂന്ന് ശ്രീലങ്കന്‍ പൗരന്മാരടക്കം 16 പേരാണ് കപ്പലില്‍ ഉണ്ടായിരുന്നത്.
◾https://dailynewslive.in/ ശ്രീലങ്കന്‍ മുന്‍ അണ്ടര്‍ 19 ക്രിക്കറ്റ് ടീം ക്യാപ്റ്റന്‍ ധമ്മിക നിരോഷണ വെടിയേറ്റ് മരിച്ചു. അമ്പലംഗോഡയിലെ കണ്ട മാവതയിലെ വസതിയില്‍ ചൊവ്വാഴ്ച രാത്രിയാണ് സംഭവം. സംഭവം നടക്കുമ്പോള്‍ നിരോഷണ ഭാര്യയ്ക്കും രണ്ട് കുട്ടികള്‍ക്കുമൊപ്പം വീട്ടിലായിരുന്നുവെന്നാണ് റിപ്പോര്‍ട്ട്.
◾https://dailynewslive.in/ ബൈജൂസിനെ പാപ്പര്‍ കമ്പനിയായി പ്രഖ്യാപിക്കാനുള്ള നടപടികള്‍ തുടങ്ങിയതായി റിപ്പോര്‍ട്ട്. ബിസിസിഐ നല്‍കിയ ഹര്‍ജിയില്‍ ബെംഗളൂരുവിലെ ദേശീയ കമ്പനി കാര്യ ട്രൈബ്യൂണലാണ് ബൈജൂസ് കമ്പനിയെ പാപ്പരായി പ്രഖ്യാപിക്കാന്‍ ഉത്തരവിട്ടത്. ദേശീയ ടീമിന്റെ സ്പോണ്‍സര്‍ഷിപ്പ് വകയില്‍ 158 കോടി രൂപ ബൈജൂസ് തരാനുണ്ടെന്ന് കാണിച്ചാണ് ബിസിസിഐ ഹര്‍ജി നല്‍കിയത്. ബൈജൂസിന്റെ പ്രവര്‍ത്തനങ്ങള്‍ക്ക് മേല്‍നോട്ടം വഹിക്കാനും പാപ്പരായി പ്രഖ്യാപിക്കാനുള്ള നടപടികള്‍ക്കും കോടതി പ്രതിനിധിയെ നിയമിച്ചു. ബൈജൂസിലെ നിക്ഷേപകരോടും ജീവനക്കാരോടും കിട്ടാനുള്ള പണത്തിന്റെ ക്ലെയിമുകള്‍ സമര്‍പ്പിക്കാന്‍ ട്രൈബ്യൂണല്‍ നിര്‍ദേശം നല്‍കി.
◾https://dailynewslive.in/ നടപ്പുസാമ്പത്തിക വര്‍ഷത്തെ ഇന്ത്യയുടെ വളര്‍ച്ചാ അനുമാനം പുതുക്കി രാജ്യാന്തര നാണ്യനിധി. 6.8 ശതമാനത്തില്‍ നിന്ന് ഏഴു ശതമാനമാക്കിയാണ് ഉയര്‍ത്തിയത്. ഗ്രാമീണ മേഖലയില്‍ ഉപഭോഗം കൂടിയത് അടക്കമുള്ള ഘടകങ്ങളാണ് വളര്‍ച്ചാ അനുമാനം പുതുക്കാന്‍ പ്രേരണയായത് എന്ന് രാജ്യാന്തര നാണ്യനിധിയുടെ റിപ്പോര്‍ട്ടില്‍ പറയുന്നു. 2026 സാമ്പത്തികവര്‍ഷത്തെ വളര്‍ച്ചാ അനുമാനത്തില്‍ മാറ്റമില്ല. 6.5 ശതമാനം വളര്‍ച്ചയാണ് പ്രതീക്ഷിക്കുന്നത്. ജൂണില്‍ റിസര്‍വ് ബാങ്കും ഇന്ത്യയുടെ വളര്‍ച്ചാ അനുമാനം പുതുക്കിയിട്ടുണ്ട്. ഏഴുശതമാനത്തില്‍ നിന്ന് 7.2 ശതമാനമായാണ് ഉയര്‍ത്തിയത്. കഴിഞ്ഞ മൂന്ന് വര്‍ഷമായി ഇന്ത്യ ഏഴുശതമാനത്തിലധികം വളര്‍ച്ചയാണ് രേഖപ്പെടുത്തിയത്. 2024 സാമ്പത്തികവര്‍ഷം മാത്രം 8.2 ശതമാനം വളര്‍ച്ചയാണ് രേഖപ്പെടുത്തിയത്.
◾https://dailynewslive.in/ മറന്നുവച്ച സാധനങ്ങള്‍ കണ്ടെത്താന്‍ ജിയോ ടാഗ് എയര്‍ എന്ന പേരില്‍ മുകേഷ് അംബാനിയുടെ റിലയന്‍സ് ജിയോ പുതിയൊരു ട്രാക്കര്‍ ഡിവൈസ് വിപണിയിലെത്തിച്ചു. ആപ്പിള്‍ എയര്‍ടാഗിന്റെ നാടന്‍ പതിപ്പാണ് ജിയോ ടാഗ് എയര്‍. എന്നാല്‍ വില കുറവും. ജിയോ ടാഗ് എയര്‍മറന്നുപോകാന്‍ ഇടയുള്ള എന്തിലും ഘടിപ്പിക്കാമെന്നതാണ് ജിയോ ടാഗ് എയറിന്റെ പ്രത്യേകത. ഐഒസിലും ആന്‍ഡ്രോയിലും ഒരു പോലെ പ്രവര്‍ത്തിക്കും. ആപ്പിളിന്റെ ഫൈന്‍ഡ് മൈ ഡിവൈസ് ആപ്ലിക്കേഷന്റെ സഹായത്താല്‍ ഐഫോണ്‍, ഐപ്പാഡ്, മാക്ബുക്ക് എന്നീ ഡിവൈസുകളിലും ട്രാക്കര്‍ പ്രവര്‍ത്തിക്കും. ആന്‍ഡ്രോയിഡ് ഫോണുകളില്‍ ജിയോ തിങ്‌സ് ആപ്പിന്റെ സഹായത്തോടെയാണ് പ്രവര്‍ത്തനം. ബ്ലൂടൂത്ത് സാങ്കേതിക വിദ്യയില്‍ കമ്യൂണിറ്റി നെറ്റ്വര്‍ക്കുകള്‍ ഉപയോഗിച്ചാണ് കളഞ്ഞുപോയ വസ്തുക്കളെ കണ്ടെത്തുന്നത്. മൂന്ന് പ്രധാന മോഡുകളാണ് ട്രാക്കറിലുള്ളത്. ഫൈന്‍ഡ് മോഡ് ഉപയോഗിച്ചാല്‍ കണ്ടെത്തേണ്ട വസ്തുവിലേക്കുള്ള കൃത്യമായ റൂട്ട് മാപ്പ് ലഭിക്കും. സാധനങ്ങള്‍ എടുക്കാന്‍ മറന്നാല്‍ ഇക്കാര്യം ഓര്‍മിപ്പിക്കാന്‍ വേണ്ടിയാണ് റിമൈന്‍ഡര്‍ മോഡുള്ളത്. നഷ്ടപ്പെട്ട വസ്തുക്കള്‍ കണ്ടെത്താന്‍ ലോസ്റ്റ് മോഡും ഉപയോഗിക്കാം. കണ്ടെത്തേണ്ട ഉപകരണത്തിന്റെ അടുത്തെത്തുമ്പോള്‍ കൃത്യമായ സ്ഥലം മനസിലാക്കാന്‍ 120 ഡെബിബല്‍ ഉച്ചത്തില്‍ അലര്‍ട്ട് ലഭിക്കും. ബ്ലൂടൂത്ത് വേര്‍ഷന്‍ 5.3ല്‍ പ്രവര്‍ത്തിക്കുന്ന ഡിവൈസില്‍ 12 മാസത്തെ ബാറ്ററി ലൈഫാണ് ലഭിക്കുക. മാറ്റിയിടാന്‍ ഒരു ബാറ്ററിയും നല്‍കും. 1499 രൂപയാണ് വില.
◾https://dailynewslive.in/ ചന്തൂന്റെ ഇടികള്‍ക്ക് കൂട്ടായി ഇനി യൂത്ത് സെന്‍സേഷന്‍ ഡബ്സിയുടെ പാട്ടും. ആക്ഷന്‍ വിസ്മയം പീറ്റര്‍ ഹെയ്ന്‍ ഒരുക്കിയ അതിഗംഭീര സംഘട്ടന രംഗങ്ങളുമായെത്തുന്ന വിഷ്ണു ഉണ്ണികൃഷ്ണന്‍ ചിത്രം ‘ഇടിയന്‍ ചന്തു’വിലെ ഡബ്സി പാടിയ ആദ്യ ഗാനം പുറത്തിറങ്ങി. ‘കണ്ടാലും കൊണ്ടാലും പഠിക്കാത്ത നാട്ടാരേ..’ എന്ന് തുടങ്ങുന്ന ഗാനം ഇതിനകം സോഷ്യല്‍മീഡിയയില്‍ വൈറലായിരിക്കുകയാണ്. ഏങ്ങണ്ടിയൂര്‍ ചന്ദ്രശേഖരന്റെ വരികള്‍ക്ക് ദീപക് ദേവാണ് ഈണം നല്‍കിയിരിക്കുന്നത്. ഇന്നലെയാണ് ‘ഇടിയന്‍ ചന്തു’ മ്യൂസിക് ലോഞ്ച് നടന്‍ മമ്മൂട്ടി നിര്‍വ്വഹിച്ചത്. ‘ചന്തൂനെ തോല്‍പ്പിക്കാന്‍ ആവൂല്ലെടാ..’ എന്ന വരികളാണ് പാട്ടിലെ ഹുക്ക് ലൈന്‍. ആക്ഷനോടൊപ്പം നര്‍മ്മവും വൈകാരിക ജീവിത മുഹൂര്‍ത്തങ്ങളുമായി എത്തുന്ന ചിത്രം പേര് സൂചിപ്പിക്കും പോലെ ഒരു ആക്ഷന്‍ പാക്ക്ഡ് എന്റര്‍റ്റൈനറായാണ് എത്തുന്നത്. ‘ദി സ്റ്റുഡന്റ്സ് വാര്‍’ എന്നാണ് സിനിമയുടെ ടാഗ് ലൈന്‍. ചിത്രത്തില്‍ സലിംകുമാറും മകന്‍ ചന്തു സലിംകുമാറും ഒരുമിച്ചെത്തുന്നുണ്ട്. അതോടൊപ്പം ലാലു അലക്സ്, ജോണി ആന്റണി, ലെന, രമേശ് പിഷാരടി, ശ്രീജിത്ത് രവി, ഐ എം വിജയന്‍, ബിജു സോപാനം, സ്മിനു സിജോ, ഗായത്രി അരുണ്‍, ജയശ്രീ,വിദ്യ, ഗോപി കൃഷ്ണന്‍, ദിനേശ് പ്രഭാകര്‍, കിച്ചു ടെല്ലസ്, സോഹന്‍ സീനുലാല്‍, സൂരജ്, കാര്‍ത്തിക്ക്, ഫുക്രു തുടങ്ങിയ വന്‍ താരനിരയും ഒന്നിക്കുന്നു. ശ്രീജിത്ത് വിജയന്‍ എഴുതി സംവിധാനം ചെയ്യുന്ന സിനിമ ഹാപ്പി പ്രൊഡക്ഷന്‍സിന്റെ ബാനറില്‍ സുബൈര്‍, റയിസ്, ഷഫീക്ക്, വിഷ്ണു ഉണ്ണികൃഷ്ണന്‍, ശ്രീജിത്ത് വിജയന്‍ എന്നിവര്‍ ചേര്‍ന്നാണ് നിര്‍മ്മിക്കുന്നത്.
◾https://dailynewslive.in/ മലയാളത്തിന്റെ യുവ സൂപ്പര്‍താരം നിവിന്‍ പോളി അഭിനയിക്കുന്ന ഒരു പുത്തന്‍ ആല്‍ബം സോങ് വീഡിയോ റിലീസിനൊരുങ്ങുന്നു. ഹബീബി ഡ്രിപ് എന്ന് പേരിട്ടിരിക്കുന്ന ഈ ഗാനത്തിന്റെ ടീസര്‍ ഇപ്പോള്‍ റിലീസ് ചെയ്തിരിക്കുകയാണ്. ജൂലൈ 19 വൈകുന്നേരം ആറ് മണിക്കാണ് ഗാനം പ്രേക്ഷകരുടെ മുന്നിലെത്തും. ഷാഹിന്‍ റഹ്‌മാന്‍, നിഖില്‍ രാമന്‍ എന്നിവര്‍ ചേര്‍ന്ന് സംവിധാനം ചെയ്തിരിക്കുന്ന ഈ ഗാനത്തിന്റെ ഐഡിയ ഒരുക്കിയതും ഡിസൈന്‍ ചെയ്തതും കുട്ടു ശിവാനന്ദനാണ്. രജിത് ദേവ് നൃത്ത സംവിധാനം നിര്‍വഹിച്ചിരിക്കുന്ന ഹബീബി ഡ്രിപ്പിന് കാമറ ചലിപ്പിച്ചത് നിഖില്‍ രാമനാണ്. ഈ ഗാനത്തിന്റെ എഡിറ്റിംഗ് നിര്‍വഹിച്ചത് ഷാഹിന്‍ റഹ്‌മാന്‍, വരികള്‍ രചിച്ച് ആലപിച്ചത് ഡബ്സി എന്നിവരാണ്. റിബിന്‍ റിച്ചാര്‍ഡ് ആണ് ഈ ഗാനത്തിന് വേണ്ടി സംഗീതം ചെയ്തിരിക്കുന്നതും നിര്‍മ്മിച്ചിരിക്കുന്നതും. ടീസറിലെ നിവിന്റെ ലുക്ക് ഇതിനോടകം ഏറെ ശ്രദ്ധനേടി കഴിഞ്ഞു.
◾https://dailynewslive.in/ വാഹന പ്രേമികള്‍ ആകാംഷയോടെ കാത്തിരുന്ന ഗറില്ല 450 വിപണിയിലെത്തിച്ച് റോയല്‍ എന്‍ഫീല്‍ഡ്. 2.39 ലക്ഷം രൂപയില്‍ തുടങ്ങുന്ന ബൈക്ക് മൂന്ന് വേരിയന്റുകളില്‍ ലഭിക്കും. അനലോഗ് -2.93 ലക്ഷം, ഡാഷ് – 2.49 ലക്ഷം, ഫ്‌ളാഷ് -2.54 ലക്ഷം രൂപ എന്നിങ്ങനെയാണ് വില. ബ്രാവ ബ്ലൂ, യെല്ലോ റിബണ്‍, ഗോള്‍ഡ് ഡിപ്പ്, പ്ലായ ബ്ലാക്ക്, സ്‌മോക്ക് തുടങ്ങിയ നിറങ്ങളിലും ലഭിക്കും. ഹിമാലയനില്‍ പരീക്ഷിച്ച ഷെര്‍പ്പ 450 പ്ലാറ്റ്‌ഫോമില്‍ ഒരുഗ്രന്‍ റോഡ്സ്റ്റര്‍ ലുക്കിലാണ് രംഗപ്രവേശം. സിറ്റി, ദീര്‍ഘദൂര യാത്രകള്‍ക്കും അത്യാവശ്യം ഓഫ്‌റോഡിംഗും ചെയ്യാന്‍ കഴിയുന്ന വിധത്തിലാണ് വാഹനത്തിന്റെ നിര്‍മാണം. പെര്‍ഫോമന്‍സ്, ഇക്കോ എന്നിങ്ങനെ രണ്ട് റൈഡിംഗ് മോഡുകളുണ്ട്. അപ്‌റൈറ്റായും സ്‌പോര്‍ട്ടിയായും ഇരിക്കാനാവുന്ന വിധത്തിലാണ് സീറ്റുകള്‍. എന്നാല്‍ ഹിമാലയനിലേത് പോലെ ഉയരം ക്രമീകരിക്കാവുന്ന സീറ്റുകളല്ല. എഞ്ചിന്‍ ഹിമാലയന്റെ തന്നെ452 സിസി സിംഗിള്‍ സിലിണ്ടര്‍ ലിക്വിഡ് കൂള്‍ എഞ്ചിന്‍ 40 പി.എസ് കരുത്തും 40 എന്‍.എം ടോര്‍ക്കും നല്‍കാന്‍ കഴിവുള്ളതാണ്. ആറ് സ്പീഡ് ഗിയര്‍ ബോക്‌സാണ്. മുന്നില്‍ 310 എം.എം ഡിസ്‌ക് ബ്രേക്കും, പിന്നില്‍ 270 എം.എം ഡിസ്‌ക് ബ്രേക്കുമാണ് നല്‍കിയിരിക്കുന്നത്. റൈഡ് ബൈ വയര്‍ സംവിധാനത്തില്‍ പ്രവര്‍ത്തിക്കുന്ന ഗറില്ലയില്‍ ഇരട്ട ചാനല്‍ എ.ബി.എസ് സ്റ്റാന്‍ഡേര്‍ഡാണ്. 169 എം.എം ഗ്രൗണ്ട് ക്ലിയറന്‍സും 191 കിലോ ഗ്രാം ഭാരവുമാണ് ബൈക്കിനുള്ളത്. 11 ലിറ്റര്‍ ഇന്ധനം നിറയ്ക്കാനാകും. ഗറില്ലയ്ക്ക് വേണ്ടി സിയറ്റ് പ്രത്യേകം തയ്യാറാക്കിയ ടയറുകളാണ് ഉപയോഗിച്ചിരിക്കുന്നത്.
◾https://dailynewslive.in/ നമ്മുടെ മനസിന്റെ അടിത്തട്ടില്‍ ഉറഞ്ഞു കിടക്കുന്ന ചില ആദിമ സ്വപ്നങ്ങളും ഭീതികളുമുണ്ട്. എപ്പോള്‍ ഏതു വിധത്തിലാണ് അവ ഉയര്‍ത്തെഴുനേറ്റു വരികയെന്ന് പറയാനേ കഴിയുകയില്ല. പിന്നെ അത് സത്യമാണോ മിഥ്യയാണോ ജീവിതമാണോ സ്വപ്നമാണോ എന്ന് തിരിച്ചറിയാനും കഴിയില്ല. ദേവന്‍ എന്ന കഥാപാത്രത്തിന്റെ ഭൗതികവും മാനസികവുമായ ഭ്രാമാത്മകയാത്രകള്‍ക്കൊപ്പം സഞ്ചരിച്ച് ഈ അതിയാഥാര്‍ഥ്യത്തെ നമുക്ക് മുന്നില്‍ വരച്ചിട്ടുകയാണ് സപ്തപര്‍ണി എന്ന നോവലിലൂടെ നീതു ചെയ്യുന്നത്. വായനക്കാരുടെ ഉള്ളില്‍ ഒരേപോലെ ആകാംക്ഷയും കൗതുകവും ജനിപ്പിക്കുന്ന നോവല്‍. ‘സപ്തപര്‍ണി’. നീരു മോഹന്‍ദാസ്. ലോഗോസ് ബുക്സ്. വില 171 രൂപ.
◾https://dailynewslive.in/ സമയ നഷ്ടമോ പണം മുടക്കോ ഇല്ലാതെ തന്നെ നിങ്ങളുടെ ദൈംദിന ജോലികള്‍ക്കിടയില്‍ ചെയ്യാവുന്ന സിപിംള്‍ വ്യായാമ മുറകളാണ് എക്സ്ര്‌സൈസ് സ്നാക്കിങ്. പ്രത്യേകിച്ച് ഉപകരണങ്ങളുടെ സഹായം ഇല്ലാതെ പല തവണയായി 20 സെക്കന്റുകള്‍ ദൈര്‍ഘ്യമുള്ള ചെറു വ്യായാമങ്ങളാണ് എക്സര്‍സൈസ് സ്നാക്കിങ്. ഇതിനിടെ നിങ്ങള്‍ക്ക് എത്ര മണിക്കൂറുകള്‍ വേണമെങ്കിലും വിശ്രമിക്കാം. അഞ്ച് ലഘുവായ ഭാര വ്യായാമ മുറകളാണ് എക്സര്‍സൈസ് സ്നാക്കിങ്ങില്‍ ചെയ്യുന്നത്. കസേരയില്‍ ഇരുന്നിട്ട് എഴുന്നേല്‍ക്കല്‍, ഇരുന്നിട്ട് കാല്‍ നീട്ടല്‍, നിന്നു കൊണ്ട് വളഞ്ഞ് കാല്‍പാദം തൊടുക, നടക്കുക, കാലും കയ്യും കുത്തി നില്‍ക്കുക. ടിവി കാണുന്നതിനിടെ ഒന്നില്‍ കൂടുതല്‍ തവണ ഇരുന്നും എഴുന്നേറ്റും വ്യായാമം ചെയ്യാം. പാചകം ചെയ്യുന്നതിനിടെ മുറിക്കുള്ളില്‍ രണ്ടോ മൂന്നോ റൗണ്ട് നടക്കാം. പ്രായമാകുന്തോറും പേശികളുടെ ബലം നഷ്ടമാവുകയും നടക്കാനോ നില്‍ക്കാനോ ബുദ്ധിമുട്ടുകയും ചെയ്യുന്നു. പേശീബലം നിലനിര്‍ത്തുന്നതിലൂടെ ഈ പ്രതിസന്ധികളെ തരണം ചെയ്യാന്‍ സാധിക്കും. പുരുഷന്മാരെക്കാള്‍ സ്ത്രീകള്‍ക്കാണ് ഈ പ്രശ്നം കൂടുതല്‍ ഉണ്ടാവാന്‍ സാധ്യത. കാരണം സ്ത്രീകള്‍ക്ക് പേശി പിണ്ഡവും ശക്തിയും പുരുഷന്മാരേക്കാള്‍ കുറവാണ്. നാല് ആഴ്ച ദിവസവും രണ്ട് തവണയില്‍ കൂടുതല്‍ എക്സര്‍സൈസ് സ്നാക്കിങ് ചെയ്യുന്നത് മുതിര്‍ന്നവരില്‍ പ്രതിരോധ ശേഷി കൂട്ടിതയായി പഠനം തെളിയിക്കുന്നു. ഒരു മിനിറ്റ് ഇടവേളയില്‍ ഒരു മിനിറ്റ് വീതം ഈ അഞ്ച് വ്യായാമ മുറകളും, വെറും ഒന്‍പത് മിനിറ്റ് നീണ്ടു നിന്ന ഹ്രസ്വവും ലളിതവുമായ വ്യായാമ സെഷനുകള്‍ നാലാഴ്ചയ്ക്ക് ശേഷം മുതിര്‍ന്നവരില്‍ കസേരയില്‍ നിന്ന് എഴുന്നേല്‍ക്കാനുള്ള കഴിവ് 31% വര്‍ധിപ്പിക്കാന്‍ സഹായിച്ചതായി കണ്ടെത്തി. കാലുകള്‍ ബലമുള്ളതാവുകയും പേശികളുടെ കരുത്ത് മെച്ചപ്പെടുകയും ചെയ്തതായും ഗവേഷകര്‍ പറയുന്നു. എക്സ്ര്‌സൈസ് സ്നാക്കിങ് രക്തത്തിലെ പഞ്ചസാരയുടെ അളവ് സ്ഥിരമായി നിലനിര്‍ത്താന്‍ സഹായിക്കും. കൂടാതെ ഓസ്റ്റിയോപൊറോസിസ് രോഗം സ്ഥിരീകരിച്ചവര്‍ക്ക് എക്സ്ര്‌സൈസ് സ്നാക്കിങ്ങിലൂടെ ബാലന്‍സ്, ബലം, അസ്ഥി സാന്ദ്രത എന്നിവ മെച്ചപ്പെടുത്താനാകും. ഇത് വീഴ്ചയ്ക്കും ഒടിവുകള്‍ സംഭവിക്കാനുമുള്ള സാധ്യത കുറയ്ക്കുന്നു.
*ഇന്നത്തെ വിനിമയ നിരക്ക്*
ഡോളര്‍ – 83.55, പൗണ്ട് – 108.79, യൂറോ – 91.25, സ്വിസ് ഫ്രാങ്ക് – 94.01, ഓസ്‌ട്രേലിയന്‍ ഡോളര്‍ – 56.30, ബഹറിന്‍ ദിനാര്‍ – 221.70, കുവൈത്ത് ദിനാര്‍ -273.40, ഒമാനി റിയാല്‍ – 217.07, സൗദി റിയാല്‍ – 22.28, യു.എ.ഇ ദിര്‍ഹം – 22.75, ഖത്തര്‍ റിയാല്‍ – 22.91, കനേഡിയന്‍ ഡോളര്‍ – 61.09.