ഫുഡ് സേഫ്റ്റി ആന്റ് സ്റ്റാന്റേര്ഡ്സ് അതോറിറ്റി ഓഫ് ഇന്ത്യയുടെ ഭക്ഷ്യ സുരക്ഷാ സൂചികയിൽ ദേശീയ തലത്തില് തുടര്ച്ചയായ രണ്ടാം വര്ഷവും കേരളത്തിന് ഒന്നാം സ്ഥാനം. വിവിധ ബോധവത്ക്കരണ പരിപാടികള് ഉള്പ്പെടെ പ്രവര്ത്തന മികവ് വിലയിരുത്തിയാണ് ദേശീയ ഭക്ഷ്യ സുരക്ഷ സൂചിക തയ്യാറാക്കുന്നത്. ട്രോഫിയും പ്രശസ്തി ഫലകവുമടങ്ങിയ പുരസ്കാരം ന്യൂ ഡല്ഹി ഭാരത് മണ്ഡപില് നടന്ന ചടങ്ങില് കേന്ദ്ര ആരോഗ്യ കുടുംബ ക്ഷേമ മന്ത്രി ജെ.പി നഡ്ഡയില് നിന്ന് സംസ്ഥാന ഭക്ഷ്യസുരക്ഷ കമ്മീഷണര് അഫ്സാന പര്വീണ് ഏറ്റുവാങ്ങി. ഒപ്പം നിന്ന് പ്രവര്ത്തിച്ച് ഈ നേട്ടം കൈവരിക്കാന് പ്രയത്നിച്ച ഭക്ഷ്യസുരക്ഷാ വകുപ്പിലെ എല്ലാ ജീവനക്കാരേയും ആരോഗ്യ വകുപ്പ് മന്ത്രി വീണാ ജോര്ജ് അഭിനന്ദിച്ചു.