പാർട്ടി പറഞ്ഞാൽ കണ്ണൂരിൽ മത്സരിക്കുമെന്ന് കെ സുധാകരന്‍

പാർട്ടി പറഞ്ഞാൽ കണ്ണൂരിൽ മത്സരിക്കുമെന്ന് കെ സുധാകരൻ. ഒരു പദവി മാത്രമാണ് ആഗ്രഹിക്കുന്നത് എന്ന് അറിയിച്ചിട്ടുണ്ടെന്നും, കണ്ണൂരിൽ കോൺഗ്രസ്സിന് വെല്ലുവിളി ഇല്ലെന്നും അദ്ദേഹം പറഞ്ഞു. അതോടൊപ്പം കെസി വേണുഗോപാല്‍ ഗ്രൂപ്പുകാരനായ പിഎം നിയാസ്, രമേശ് ചെന്നിത്തല പക്ഷത്തുനിന്ന് അബ്ദുള്‍ റഷീദ്, ദേശീയ തലത്തില്‍ നിന്ന് ഷമ മുഹമ്മദ് തുടങ്ങി അര ഡസനോളം പേർ സ്ഥാനാർഥിത്വത്തിൽ ആഗ്രഹം പ്രകടിപ്പിച്ചതോടെയാണ് കെ പി സി സി പ്രസിഡൻറ് തന്നെ മത്സരിക്കട്ടെയെന്ന തീരുമാനങ്ങൾ വരുന്നത്. ലോക്‌സഭാ തെരഞ്ഞെടുപ്പിൽ കണ്ണൂരിൽ സുധാകരനല്ലാതെ മറ്റൊരാൾക്ക് ജയിച്ചുകയറുക എളുപ്പമല്ലെന്നും, ലോക്‌സഭാംഗത്വം ഇല്ലാതാകുന്നതോടെ കെപിസിസി പ്രസിഡന്റിനെതിരായ നിലവിലെ രാഷ്ട്രീയപ്രേരിതമായ കേസുകളിലെല്ലാം പ്രിവിലേജ് നഷ്ടമാകും എന്നും സൂചനകളുണ്ട്.