ചരിത്രത്തിന്റെ കനത്ത നിശ്ശബ്ദതകള്‍ ഓര്‍മ്മിച്ചെടുക്കുന്ന നോവലാണ് ‘ഇസ്താംബുളിലെ ഹറാംപിറപ്പുകള്‍’. വേദനാജനകമായ ഭൂതകാലവുമായി പൊരുത്തപ്പെടാന്‍ ശ്രമിക്കുന്ന രണ്ട് തുര്‍ക്കി-അര്‍മേനിയന്‍ കുടുംബങ്ങളുടെ ഈ കഥ, തുര്‍ക്കിയുടെയും അര്‍മേനിയയുടെയും സങ്കരചരിത്രമാണ്. അപ്രതീക്ഷിതമായി തന്റെ വേരുകള്‍ തേടി ഇസ്താംബുള്‍ നഗരത്തിലേക്ക് എത്തുന്ന അര്‍മനുഷ് എന്ന പെണ്‍കുട്ടി, ആ നഗരത്തിന്റെ നിറങ്ങളിലും മണങ്ങളിലും ശബ്ദങ്ങളിലും മനോഹരവും സമ്പന്നവും ഉദ്വേഗജനകവുമായ ഒരു ഓര്‍മ്മപ്പെയ്ത്താണ് കാണുന്നത്. അതിമനോഹരമായ കഥാതന്തുവിനൊപ്പം ഇഴചേര്‍ന്നുപോകുന്ന രുചിക്കൂട്ടാണ് ഇവിടെ ചരിത്രം. ഓട്ടോമന്‍ സാമ്രാജ്യത്തിന്റെ നേതൃത്വത്തില്‍ നടന്ന അര്‍മേനിയന്‍ വംശഹത്യയുടെ സ്ത്രീ വിചാരണകൂടിയാണ് ഈ നോവല്‍. എലിഫ് ഷഫാക്ക്. വിവര്‍ത്തനം: ഇന്ദു രമ വാസുദേവന്‍. ഡിസി ബുക്‌സ്. വില 427 രൂപ.