നടന്‍ ഷറഫുദ്ദീന്‍ നായകനായി എത്തുന്ന പുതിയ ചിത്രമായ ‘ഫാമിലി ട്രിപ്പിന്റെ’ ഫസ്റ്റ് ലുക്ക് പോസ്റ്റര്‍ പുറത്തുവിട്ടു. ഇതിഹാസ ഗായകന്‍ കിഷോര്‍ കുമാറിന്റെ എക്കാലത്തെയും മികച്ച ക്ലാസിക് ഗാനമായ ”സിന്ദഗി ഏക് സഫര്‍ ഹേ സുഹാന” എന്ന പാട്ടിന്റെ അകമ്പടിയോടെയാണ് ഷറഫുദ്ദീന്‍ ചിത്രത്തിന്റെ ഫസ്റ്റ് ലുക്ക് പോസ്റ്റര്‍ സമൂഹ മാധ്യമങ്ങളിലൂടെ പങ്കുവെച്ചിരിക്കുന്നത്. ഒരു പക്കാ ഫാമിലി എന്റര്‍ടെയിനര്‍ അനുഭവം നല്‍കുന്നതാണ് ചിത്രത്തിന്റെ പോസ്റ്റര്‍. നവാഗതയായ രമ്യ അരവിന്ദ് സംവിധാനം ചെയ്യുന്ന ചിത്രത്തിന്റെ രചന നിര്‍വ്വഹിച്ചിരിക്കുന്നത് ഷറഫുവും ഷമാല്‍ സുലൈമാനും ചേര്‍ന്നാണ്. ഷറഫുദ്ദീന്‍, കാര്‍ത്തികേയന്‍ സന്താനം, ഷംജാന്‍ ജി എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.