കഴിഞ്ഞ ഞായറാഴ്ച അല് നസ്ര്- അല് ഷബാബ് മത്സരത്തിനിടെ അശ്ലീല ആംഗ്യം കാണിച്ചതിന് പോര്ച്ചുഗീസ് സൂപ്പര് താരം ക്രിസ്റ്റ്യാനോ റൊണാള്ഡോയ്ക്ക് സസ്പെന്ഷന്. ഒരു കളിയിലാണ് സൗദി ഫുട്ബോള് പ്രോ ലീഗില് അല് നസ്ര് ക്ലബിന്റെ താരമായ റൊണാള്ഡോയ്ക്ക് വിലക്ക്, ഇതിനൊപ്പം 30,000 സൗദി റിയാല് പിഴയും ചുമത്തിയിട്ടുണ്ട്. നടപടിയിന്മേല് ക്രിസ്റ്റ്യാനോയ്ക്ക് അപ്പീല് നല്കാന് അവസരമില്ലെന്ന് സൗദി പ്രോ ലീഗ് അച്ചടക്ക സമിതി വ്യക്തമാക്കിയിട്ടുണ്ട്. ഞായറാഴ്ച നടന്ന വാശിയേറിയ പോരാട്ടത്തില് അല് നസ്ര്, അല് ഷബാബിനെ രണ്ടിനെതിരെ മൂന്ന് ഗോളുകള്ക്ക് തോല്പ്പിച്ചിരുന്നു.
