മില്മയുടെ ഡാര്ക്ക് ചോക്ലേറ്റില് നിന്നും പുഴുക്കളെ ലഭിച്ചതായി പരാതി. കോഴിക്കോട് താമരശ്ശേരി സ്വദേശിയാണ് കഴിഞ്ഞ ദിവസം താമരശ്ശേരി പഴയ സ്റ്റാന്ഡിന് സമീപത്തുള്ള ബേക്കറിയില് നിന്ന് ചോക്ലേറ്റ് വാങ്ങിയത്. ചോക്ലേറ്റിന്റെ പാക്കിംഗ് ഡേറ്റ് 2023 ഒക്ടോബര് 16 എന്നാണ് കാണിച്ചിരിക്കുന്നത്. എക്സ്പയറി ഡേറ്റ് 2024 ഒക്ടോബര് 15 വരെയാണ്. വിവരമറിഞ്ഞ് സ്ഥലത്തെത്തിയ മില്മാ അധികൃതര് കടയിലെ സ്റ്റോക്ക് പിന്വലിക്കുകയും പുഴുക്കള് നിറഞ്ഞ ചോക്ലേറ്റിന്റെ സാമ്പിള് ശേഖരിക്കുകയും ചെയ്തു. സമാനമായ പരാതി മറ്റു ഭാഗങ്ങളില് നിന്നും ഉണ്ടായതായും ഈ ബാച്ചിലെ ഉല്പ്പന്നം പൂര്ണമായും വിപണിയില് നിന്നും പിന്വലിക്കുമെന്നും മില്മ അധികൃതര് വ്യക്തമാക്കി.