പാലക്കാട് നഗരസഭയ്ക്ക് കീഴിലെ നൈപുണ്യ വികസന കേന്ദ്രത്തിന് ആര്എസ്എസ് നേതാവ് ഹെഡ്ഗേവാറിന്റെ പേര് നൽകാനുള്ള തീരുമാനം പിന്വലിക്കണമെന്നാവശ്യപ്പെട്ട് ഇന്ന് നഗരസഭാ യോഗം ആരംഭിക്കുന്നതിന് മുമ്പ് യുഡിഎഫും എൽഡിഎഫും പ്രതിഷേധിച്ചു. ഇതോടെ ബിജെപി കൗണ്സിലര്മാരുമായി തര്ക്കമുണ്ടാവുകയായിരുന്നു. സംഘര്ഷത്തിനിടെ നഗരസഭ ചെയര്പേഴ്സിനെ കയ്യേറ്റം ചെയ്തത്തിനെ തുടർന്ന് പ്രതിഷേധം കയ്യാങ്കളിയിലെത്തി. കൗണ്സിൽ യോഗത്തിൽ ബിജെപി പുറത്ത് നിന്ന് ആളെ കൊണ്ടുവന്നുവെന്നാരോപിച്ചാണ് കോണ്ഗ്രസും എൽഡിഎഫും രംഗത്തെത്തിയത്. അതോടൊപ്പം നൈപുണ്യ വികസന കേന്ദ്രത്തിന് ഹെഡ്ഗേവാറിന്റെ പേര് നൽകാനുള്ള തീരുമാനവുമായി മുന്നോട്ടുപോകുമെന്ന് പാലക്കാട് നഗരസഭ ചെയര്പേഴ്സണ് പ്രമീള ശശിധരൻ വ്യക്തമാക്കി. പേരിടാനുള്ള അജണ്ട പാസായി അജണ്ട പാസാകാൻ മാത്രമുള്ള അംഗ സംഖ്യ ഞങ്ങൾക്കുണ്ടെന്നും പാലക്കാട് നഗരസഭ ബി ജെ പി യാണ് ഭരിക്കുന്നത് അതുകൊണ്ട് പേരിടാനുള്ള അവകാശം തങ്ങള്ക്കുണ്ടെന്നും പ്രമീള ശശിധരൻ പറഞ്ഞു.
