ചെന്നൈ-ബെംഗളൂരു എക്സ്പ്രസ്‌വേ 2024 ഡിസംബർ മാസത്തോടെ നിലവിൽ വരുമെന്ന് കേന്ദ്ര ഗതാഗതമന്ത്രി നിതിൻ ഗഡ്കരി

ചെന്നൈ-ബെംഗളൂരു എക്സ്പ്രസ്‌വേ 2024 ഡിസംബർ മാസത്തോടെ നിലവിൽ വരുമെന്ന് കേന്ദ്ര ഗതാഗതമന്ത്രി നിതിൻ ഗഡ്കരി. ലോക്സഭയിൽ ചോദ്യങ്ങൾക്കുള്ള മറുപടി നൽകവെയാണ് മന്ത്രി വിവരം അറിയിച്ചത്.ഏറെ പ്രതീക്ഷയോടെ ഇരുനഗരങ്ങളും കാത്തിരിക്കുന്ന ഈ  പദ്ധതി ഒരു വർഷത്തിനുള്ളിൽ പൂർത്തീകരിക്കുo. ഡിസംബർ മാസം മുതൽക്ക് ചെന്നൈ-ബെംഗളൂരു ദൂരം രണ്ട് മണിക്കൂറായി ചുരുങ്ങുമെന്ന് അദ്ദേഹം പറഞ്ഞു.258 കിലോമീറ്ററാണ് ഈ നാലുവരിപ്പാതയുടെ നീളം. മണിക്കൂറിൽ 120 കിലോമീറ്ററായിരിക്കും ഈ എക്സ്പ്രസ്‌വേയിലെ വേഗപരിധി.തമിഴ്നാട് സർക്കാർ പദ്ധതിക്കാവശ്യമായ അസംസ്കൃത വസ്തുക്കൾ ലഭ്യമാക്കാൻ കുറെക്കൂടി സഹകരിക്കണമെന്നും ഗഡ്കരി ആവശ്യപ്പെട്ടു.