ആഘോഷങ്ങള്‍ കളറാക്കാന്‍ പാര്‍ട്ടി ഓണ്‍ വീല്‍സ് കണ്‍സെപ്റ്റുമായി ബസ്. രാജസ്ഥാനിലാണ് ഈ പാര്‍ട്ടി ബസ് പുറത്തിറങ്ങിയത്. പാര്‍ട്ടികള്‍ക്ക് വേണ്ടി പ്രത്യേകം തയാറാക്കിയ ബസില്‍ 23 ആളുകള്‍ക്ക് സഞ്ചരിക്കാം. ഒരു സ്ഥലത്ത് നിര്‍ത്തിയിട്ടോ അല്ലെങ്കില്‍ സഞ്ചരിച്ചുകൊണ്ടോ പാര്‍ട്ടി നടത്താന്‍ സാധിക്കുമെന്നാണ് ബസിന്റെ ഉടമ പറയുന്നത്. ലോഞ്ചു പോലുള്ള സോഫാ സീറ്റുകള്‍, ബെഡ് കൗച്ച്, ഡാന്‍സ് ഫ്‌ലോര്‍, ക്ലൈമറ്റ് കണ്‍ട്രോള്‍, കസ്റ്റം ലൈറ്റിങ്, മ്യൂസിക് സിസ്റ്റം, എല്‍ഇഡി ടിവി, ഡ്രസിങ് റൂ, ചെറിയ അടുക്കള, വാഷ് റൂം എന്നിങ്ങനെ നിരവധി സൗകര്യങ്ങള്‍ ബസില്‍ ഒരുക്കിയിട്ടുണ്ട്. ബര്‍ത്ത്‌ഡേ പാര്‍ട്ടികള്‍, ബാച്ചിലര്‍ പാര്‍ട്ടികള്‍, വെഡ്ഡിങ് പാര്‍ട്ടികള്‍, മൂവി സ്‌ക്രീനിങ്, ഔട്ട് സ്റ്റേഷന്‍ ടൂറിങ് തുടങ്ങി എന്തു തരം ആഘോഷങ്ങള്‍ക്കും ചേരുന്നതാണ് ബസ് എന്നാണ് പാര്‍ട്ടി ഓണ്‍ വീല്‍സ് കമ്പനി പറയുന്നത്.