ബിജെപി തെരഞ്ഞെടുപ്പിനുള്ള സ്ഥാനാർത്ഥികളെ പ്രഖ്യാപിച്ചതിനു തൊട്ടു പുറകെ നീരസം പ്രകടിപ്പിച്ച്  ബിജെപി നേതാവ് പിസി ജോർജ്

ബിജെപി തെരഞ്ഞെടുപ്പിനുള്ള സ്ഥാനാർത്ഥികളെ പ്രഖ്യാപിച്ചതിനു തൊട്ടു പുറകെ നീരസം പ്രകടിപ്പിച്ച്  ബിജെപി നേതാവ് പിസി ജോർജ്. അനിൽ ആന്റണി പത്തനംതിട്ടക്കാർക്ക് ഒട്ടുംപരിചിതനല്ല, അനിലിനെ ഇനിയാണ് പത്തനംതിട്ടക്കാർ അറിയാൻ പോകുന്നത് എന്നും അദ്ദേഹം പറഞ്ഞു. പത്തനംതിട്ടയിൽ താൻ മത്സരിക്കണമെന്നാണ് അവിടുത്തെ ജനങ്ങൾ ഏറെ ആഗ്രഹിച്ചിരുന്നത് എന്നും അദ്ദേഹം വ്യക്തമാക്കി. വെള്ളാപ്പള്ളി നടേശനും മകനും താൻ സ്ഥാനാർത്ഥിയാകുന്നതിൽ എതിർപ്പ് പ്രകടിപ്പിച്ചിരുന്നു എന്നും പിസി ജോർജ് പറഞ്ഞു.എന്നാൽ പിസി ജോർജിന് അർഹ​മായ പരി​ഗണന നൽകുമെന്നായിരുന്നു ബിജെപി സംസ്ഥാന അധ്യക്ഷൻ കെ സുരേന്ദ്രന്റെ പ്രതികരണം.