പ്രവാസിയുടെ ഓരോ മടക്കയാത്രയും പ്രതീക്ഷാനിര്‍ഭരമാണ്. നാട്ടിലേക്കുള്ള തിരിച്ചുവരവുകള്‍ ഇടവേളകളെ ആഘോഷമാക്കിത്തീര്‍ക്കുന്നു. നിറഞ്ഞ പ്രയാസങ്ങളുടെ കൂരിരുട്ടില്‍ നൈമിഷികാഹ്ലാദത്തിന്റെ പൂത്തിരികളെ ഓരോ കഥയിലും റെജി പ്രകാശിപ്പിക്കുന്നു. ആ വര്‍ണ്ണവെളിച്ചത്തിന്റെ തെളിച്ചം റെജിയുടെ കഥകളില്‍ കാണാം. എത്രയോ പേര്‍ മണലാരണ്യങ്ങളില്‍ ജീവിതം നയിച്ച പലതും നേടിയും നേടാതെയും തിരികെപ്പോരുന്നു. എന്നാല്‍ റെജിയിലെ എഴുത്തുകാരന്‍ ഓരോ മടക്കയാത്രയിലും കൂടെ കൊണ്ടുപോരുന്നത് പ്രവാസജീവിതത്തെ സാര്‍ത്ഥകമാക്കുന്ന സര്‍ഗാത്മകരചനകളാണ്. പ്രവാസിയുടെ നൊമ്പരങ്ങളും ആത്മരോദനങ്ങളുമാണ് ഈ കഥാസമാഹാരത്തിലെ കഥകളില്‍ തെളിയുന്നത്. ‘ബാര്‍ ഗേള്‍’. ഡോ.റെജി ഡി നായര്‍. ഗ്രീന്‍ ബുക്‌സ്. വില 240 രൂപ.
Shaji Padmanabhan
Thirty years of experience in publication field. Started carrier from Gulf Voice monthly malayalam magazine in 1994. Worked in Mangalam (2000), Kerala Kaumudi (2004). Started a publication in 2008, named... More by Shaji Padmanabhan