അതീവ സുരക്ഷ മേഖലയായ അമൃത്സറിലെ സുവര്ണ ക്ഷേത്രത്തിനുള്ളിൽ വെച്ച് അകാലിദള് നേതാവും പഞ്ചാബ് മുൻ മുഖ്യമന്ത്രിയുമായ സുഖ്ബീര് സിങ് ബാദലിനുനേരെ വധശ്രമം. രണ്ടു തവണയാണ് സുഖ്ബീര് സിങ് ബാദലിനുനേരെ വെടിയുതിര്ത്തത്. ഇന്ന് രാവിലെ സുവര്ണ ക്ഷേത്രത്തിൽ മതപരമായ ചടങ്ങുകള് നടക്കുന്നതിനിടെയാണ് സംഭവം. സുവര്ണ ക്ഷേത്രത്തിന്റെ പ്രവേശന കവാടത്തിനരികിൽ വീൽ ചെയറിൽ ഇരിക്കുകയായിരുന്ന സുഖ്ബീര് സിങിനുനേരെ പെട്ടെന്ന് വെടിയുതിര്ക്കുകയായിരുന്നു. എന്നാൽ, അക്രമിയെ ഉടൻ തന്നെ സുഖ്ബീര് സിങിന്റെ ഒപ്പമുണ്ടായിരുന്നവര് കീഴ്പ്പെടുത്തുകയായിരുന്നു.
