സ്വാതി മലിവാൾ എംപിക്കെതിരെ അരവിന്ദ് കെജ്രിവാളിന്‍റെ പി എ ബിഭവ് കുമാർ

അരവിന്ദ് കെജ്രിവാളിന്‍റെ ഓഫീസിൽ ഒരു മണിക്കൂർ സ്വാതി മലിവാൾ ഭീകരാന്തരീക്ഷം സൃഷ്ടിച്ചെന്ന്  പി എ ബിഭവ് കുമാർ ആരോപിച്ചു. കെജ്രിവാളുമായുള്ള  കൂടിക്കാഴ്ചയ്ക്ക് സ്വാതിക്ക് അനുമതി ഇല്ലായിരുന്നു.  അകത്തേക്ക് കയറുന്നത് തടഞ്ഞ സുരക്ഷാ ജീവനക്കാരെ തള്ളിമാറ്റി സ്വാതി പ്രധാന കെട്ടിടത്തിലേക്ക് കയറിയെന്നും ബിഭവ് കുമാർ പറയുന്നു. അതിക്രമിച്ച് കയറിയ സ്വാതിയെ സുരക്ഷ ജീവനക്കാർ പുറത്തേക്ക് മാറ്റി. ഇതോടെ സ്വാതി  ദില്ലി പൊലീസ് കൺട്രോൾ റൂമിൽ വിളിച്ച് തന്നെ ആക്രമിച്ചെന്ന് അറിയിക്കുകയായിരുന്നു. സ്വാതിയുടെ പരാതി വ്യാജമെന്നും ബിഭവ് കുമാർ പറഞ്ഞു. സ്വാതി തന്നെ മര്‍ദ്ദിച്ചുവെന്ന് കാണിച്ച് ബിഭവും പൊലീസിന് പരാതി നല്‍കിയിട്ടുണ്ട്.