ഗാസയിൽ സഹായമെത്തിച്ച് അമേരിക്ക

ഇസ്രയേൽ ഹമാസ് യുദ്ധത്തെ തുടർന്ന് പട്ടിണിയും പകർച്ചവ്യാധിയും വ്യാപിച്ചു കൊണ്ടിരിക്കുന്ന ഗാസയിൽ 38,000 ഭക്ഷണപ്പൊതികൾ പാരച്യൂട്ട് വഴി ഗാസ മുനമ്പിലെത്തിച്ച് അമേരിക്ക. കഴിഞ്ഞ ദിവസം ട്രക്കിൽ നിന്നും ഭക്ഷണം വാങ്ങാനായി തടച്ചുകൂടിയവർക്ക് നേരെ ഇസ്രയേൽ സേന നടത്തിയ വെടിവെപ്പിൽ 100 പേർ കൊല്ലപ്പെട്ടിരുന്നു. ഈ സംഭവത്തിൽ വിമർശനം ശക്തമാകുന്നതിനിടെയാണ് ഗാസയിൽ ഭക്ഷണം നേരിട്ടത്തിക്കാൻ അമേരിക്ക തീരുമാനിച്ചത്. നേരത്തെ ജോർദാനും ഈജിപ്തും ഫ്രാൻസും സമാനമായ രീതിയിൽ പാരച്യൂട്ട് വഴി ഗാസയിൽ ഭക്ഷണ പൊതികൾ വിതരണം ചെയ്തിരുന്നു.