എസ്എസ്എല്സി മൂല്യനിര്ണയത്തില് വീണ്ടും ഗുരുതര വീഴ്ചയെന്ന് പരാതി. കണ്ണൂര് കണ്ണപുരത്തെ നേഹ ജോസഫ് എന്ന വിദ്യാര്ത്ഥിനിയുടെ ഉത്തരക്കടലാസിലാണ് പിഴവ് സംഭവിച്ചത്. സംഭവത്തില് വിദ്യാര്ത്ഥിനിയുടെ കുടുംബം ബാലാവകാശ കമ്മീഷന് പരാതി നല്കിയിട്ടുണ്ട്. എല്ലാ വിഷയത്തിനും പുനര് മൂല്യനിര്ണയത്തിനും ഉത്തരക്കടലാസിന്റെ പകര്പ്പിനും അപേക്ഷ സമര്പ്പിച്ചതോടെയാണ് പിഴവ് വ്യക്തമായത്.ജീവശാസ്ത്രം ഉത്തരക്കടലാസിന്റെ സ്കോര് ഷീറ്റില് 20ഉം 20ഉം കൂട്ടി 40 എന്നെഴുതേണ്ടതിന് പകരം 20 എന്ന് തെറ്റായി രേഖപ്പെടുത്തുകയായിരുന്നു. ഗ്രേസ് മാര്ക്ക് കൂടി ചേര്ത്ത് വിദ്യാര്ത്ഥിക്ക് പരീക്ഷാ ഫലം വന്നപ്പോള് ജീവശാസ്ത്രത്തിന് എ പ്ലസ് കിട്ടിയെങ്കിലും പ്ലസ് വണ് അലോട്ട്മെന്റില് പുറകിലായെന്നാണ് പരാതി. ഗ്രേസ് മാര്ക്ക് വഴി കിട്ടിയ എ പ്ലസ് ആയതിനാല് പ്ലസ് വണ് അലോട്ട്മെന്റില് മറ്റു കുട്ടികള്ക്ക് പുറകിലായെന്നാണ് പരാതി.
എസ്എസ്എല്സി മൂല്യനിര്ണയത്തില് വീണ്ടും വീഴ്ച കണ്ടെത്തി
