മഹാഭാരതസന്ദേശം ശ്രദ്ധയോടെ പഠിച്ച് ദ്രോണസ്മൃതികളിലൂടെ പുനരാഖ്യാനം ചെയ്യാന്‍ ശ്രീ. ജെ. സോമശേഖരന്‍ പിള്ള ചെയ്തിരിക്കുന്ന ശ്രമം ശ്ലാഘനീയമാണ്. കഥ അവതരിപ്പിക്കുമ്പോള്‍ ഒരിടവും വ്യാസഭാരതത്തിനു വിരുദ്ധമായിപ്പോകാതിരിക്കാന്‍ അദ്ദേഹം പ്രത്യേകം ശ്രദ്ധിച്ചിട്ടുണ്ട്. മഹാഭാരതത്തെ അറിയാനും പഠിക്കാനും ആസ്വദിക്കാനും ആഗ്രഹമുള്ള സഹൃദയര്‍ക്ക് ഏറെ പ്രയോജനപ്രദമാണ് ഈ നോവല്‍. ലളിതവും ഹൃദ്യവുമായ ആഖ്യാനശൈലിയാല്‍ അലങ്കൃതം. ശ്രീ. സോമശേഖരന്‍ പിള്ളയുടെ മനസ്സ് തെളിവുറ്റ ഈ കൃതിയില്‍ പ്രതിബിംബിക്കുന്നു. ‘ദ്രോണാചാര്യര്‍’. ജെ സോമശേഖരന്‍ പിള്ള. ഗ്രീന്‍ ബുക്‌സ്. വില 342 രൂപ.