അഡ്വക്കേറ്റ് ആളൂരിനെതിരെ കൂടുതൽ ആരോപണങ്ങളുമായി യുവതി

അഡ്വക്കേറ്റ് ആളൂരിനെതിരെ കൂടുതൽ ആരോപണങ്ങളുമായി ലൈംഗികാതിക്രമ കേസിലെ പരാതിക്കാരി. വസ്തു കേസ് വേഗത്തിലാക്കാൻ ജഡ്ജിക്കും കമ്മീഷണര്‍ക്കും നല്‍കാന്‍ 3 ലക്ഷം രൂപ അഭിഭാഷകൻ വാങ്ങിയെന്നും, സംഭവത്തില്‍ ബാര്‍ കൗണ്‍സിലിന് പരാതി നല്‍കിയെന്നും യുവതി വ്യക്തമാക്കി. കഴിഞ്ഞ ഏതാനും മാസങ്ങളായി തന്‍റെ വസ്തു കേസ് ജില്ലാ കോടതിയിലുണ്ടെന്നും ബംഗളൂരുവിൽ സ്ഥിരതാമസമായ തനിക്ക് കേസിന്‍റെ ആവശ്യത്തിന് നിരന്തരം നാട്ടിലെത്താൻ കഴിയുമായിരുന്നില്ല. എന്നാൽ, കേസ് വേഗത്തിൽ തീർക്കാൻ ജഡ്ജിയ്ക്കും പൊലീസിനും പണം നൽകിയാൽ മതിയെന്ന് ധരിപ്പിച്ച് രണ്ട് തവണയായി 3 ലക്ഷം വാങ്ങുകയായിരുന്നുവെന്നും യുവതി വ്യക്തമാക്കി.