ബിജെപി നടത്തുന്ന ഗൃഹ സമ്പർക്ക പരിപാടികളിൽ സിപിഎമ്മിനും യുഡിഎഫിനും ആശങ്കയെന്ന് സംസ്ഥാന പ്രസിഡന്‍റ് കെ സുരേന്ദ്രൻ പറഞ്ഞു. റഷ്യയിൽ ഓർത്തഡോക്സ് പുരോഹിതന്മാരെയടക്കം ക്രിസ്ത്യാനികളെ കൊന്നൊടുക്കി. ദേവാലയങ്ങൾ തകർത്തു. ഇപ്പോഴത്തെ സ്നേഹം ഇരട്ടത്താപ്പാണ്. ക്രിസ്ത്യാനികൾക്കെതിരെ മാത്രമല്ല രാജ്യത്ത് ആക്രമണം. മതത്തിൻ്റെ അടിസ്ഥാനത്തിൽ രാജ്യത്ത് ആക്രമണം നടക്കുന്നില്ലെന്നും അദ്ദേഹം പറഞ്ഞു.
അതോടൊപ്പം ബിഷപ്പിനെ നികൃഷ്ട ജീവി എന്ന് വിളിച്ചതിൽ പിണറായിക്ക് പശ്ചാത്താപമുണ്ടൊയെന്ന് കേന്ദ്രമന്ത്രി വി മുരളീധരന്‍ ചോദിച്ചു. പാലാ ബിഷപ്പിനെതിരെ കേസ് എടുത്തതിൽ പശ്ചാത്താപമുണ്ടൊയെന്നും , ക്രിസ്തീയ സഭകളുമായി ബിജെപി അടുക്കുന്നതിനെ റിയാസും സിപിഎമ്മും എതിര്‍ക്കുന്നത് എന്തിനാണെന്നും അദ്ദേഹം ചോദിച്ചു.