കൊച്ചി കാക്കനാട് മെട്രോ നിർമ്മാണത്തിന്റെ ഭാഗമായി കാന കമ്പി ഇല്ലാതെ നിർമ്മിക്കുന്നത് ചോദ്യം ചെയ്തയാൾക്ക് മർദ്ദനം. പാലാരിവട്ടം സ്വദേശി കുര്യനാണ് മർദ്ദനം ഏറ്റത്. പാലാരിവട്ടം പോലീസ് സ്റ്റേഷനിൽ പരാതി നൽകി.
കരാർ കമ്പനി സൂപ്പർവൈസറാണ് മർദ്ദിച്ചത്. കുദ്രോളി എന്ന കമ്പനിയിലെ സൂപ്പർവൈസർക്കെതിരെയാണ് പരാതി നൽകിയിരിക്കുന്നത്. ‘കാനയിലേക്ക് പിടിച്ചു തള്ളി’യെന്നാണ് പോലീസിൽ നൽകിയ പരാതിയിൽ പറയുന്നത്. തുടർന്ന് നാട്ടുകാർ കൂടുകയും നിർമ്മാണം നിർത്തിവയ്ക്കുകയും ചെയ്തു. ഇന്നലെയാണ് സംഭവം നടന്നത്.
