ജില്ലാ ക്രൈം ബ്രാഞ്ചുകളുടെ പേര് മാറ്റും. ജില്ലാ പൊലിസ് മേധാവിക്ക് കീഴിൽ വരുന്ന പ്രധാനപ്പെട്ട കേസുകളുടെ അന്വേഷണം നടത്തുന്ന പ്രത്യേക യൂണിറ്റായ ജില്ലാ ക്രൈംബ്രാഞ്ചുകളെ ശക്തിപ്പെടുത്തുന്നതിൻെറ ഭാഗമായാണ് പേര് മാറ്റം ഉന്നതതല യോഗം ചർച്ച ചെയ്തത്. കൂടുതൽ ഇൻസ്പെക്ടർ തസ്തികള്‍ സൃഷ്ടിച്ച് ജില്ലാ ക്രൈം ബ്രാഞ്ചുകളെ ശക്തപ്പെടുത്തുന്നതിൻെറ ഭാഗമായാണ് പേരു മാറ്റവും. ഡിസ്ട്രിക്റ്റ് ക്രൈം ഇൻവെസ്റ്റിഗേഷൻ യൂണിറ്റ്, ഡിസ്ട്രിക്റ്റ് ക്രൈം ഇൻവെസ്റ്റിഗേഷൻ വിംഗ് എന്നീ പേരുകള്‍ എഡിജിപിതലയോഗം ചർച്ച ചെയ്തു. ഡിസ്ട്രിക്റ്റ് ഇൻവെസ്റ്റിഗേഷൻ യൂണിറ്റ് എന്ന പേരിലേക്ക് മാറാമെന്ന് ഉന്നതതല യോഗം തീരുമാനിച്ചു.
