സംസ്ഥാനത്തെ സ്വര്ണവില ഇന്നും സര്വകാല റെക്കോഡില്. ഗ്രാമിന് 85 രൂപ വര്ധിച്ച് 10,670 രൂപയായി. പവന് 680 രൂപ വര്ധിച്ച് 85,360 രൂപയിലാണ് ഇന്നത്തെ വ്യാപാരം. സംസ്ഥാനത്ത് ഇതുവരെ രേഖപ്പെടുത്തിയതില് വെച്ചേറ്റവും ഉയര്ന്ന വിലയാണിത്. കനം കുറഞ്ഞ സ്വര്ണാഭരണങ്ങള് നിര്മിക്കാന് ഉപയോഗിക്കുന്ന 18 കാരറ്റ് സ്വര്ണവില ഗ്രാമിന് 75 രൂപ വര്ധിച്ച് 8,775 രൂപയിലെത്തി. 14 കാരറ്റിന് 6,815 രൂപയും 9 കാരറ്റിന് 4,400 രൂപയുമാണ് ഇന്നത്തെ വില. വെള്ളി വിലയും കുത്തനെ ഉയര്ന്നു. ഗ്രാമിന് 6 രൂപ വര്ധിച്ച് 150 രൂപയിലാണ് ഇന്നത്തെ വ്യാപാരം. അന്താരാഷ്ട്ര വിപണിയില് ട്രോയ് ഔണ്സിന് 3,797 ഡോളറെന്ന നിലയിലാണ് ഇന്നത്തെ വ്യാപാരം. ഡോളര് സൂചിക ഇന്ന് 0.2 ശതമാനം ഇടിഞ്ഞതോടെ മറ്റ് കറന്സികളില് സ്വര്ണം വാങ്ങുന്നത് എളുപ്പമായതും കുതിപ്പിന് കാരണമായി. സ്വര്ണത്തിനൊപ്പം വെള്ളിയും പുതിയ ഉയരങ്ങള് തേടുകയാണ്. വെള്ളിവില ഇനിയും പിടിവിട്ട് കുതിക്കുമെന്നാണ് വിവിധ റിപ്പോര്ട്ടുകള് പറയുന്നത്.
