പശ്ചിമ ബംഗാൾ മുഖ്യമന്ത്രി മമ്താ ബാനർജി തമിഴ് നാട്ടിൽ എത്തി, മുഖ്യമന്ത്രി സ്റ്റാലിനെ വസതിയിലെത്തി കണ്ടു. പ്രതിപക്ഷ ഐക്യ നീക്കം തന്നെയാണ് അജണ്ട. പ്രതിപക്ഷ നിരയിലെ എല്ലാ പാർട്ടികളുമായി ഒരു നിശ്ചിത അകലം പാലിച്ച് പോകുന്ന സ്റ്റാലിനെ ഒപ്പം കൂട്ടുകയാണ് മമ്തയുടെ ലക്‌ഷ്യം. കൃത്യമായ കണക്ക് കൂട്ടലുകളുമായി മുന്നേറുന്ന സ്റ്റാലിനൊപ്പം സഹോദരി കനിമൊഴി എം പി യും ഉണ്ട്. മുഖ്യമന്ത്രി സ്റ്റാലിന്റെ വസതിയിലെത്തിയ മമ്താ ബാനർജി സ്നേഹോപഹാരങ്ങൾ നൽകിയാണ് മടങ്ങിയത്. ബംഗാളിൽ നിന്നുള്ള മധുരപലഹാരങ്ങളും സ്റ്റാലിന്റെ കുടുംബാംഗങ്ങൾക്ക് മമ്ത നൽകി.
തെരഞ്ഞെടുപ്പ് കമ്മീഷൻ സ്വയംഭരണ സ്ഥാപനമാണെന്ന് കോൺഗ്രസ് . ഗുജറാത്ത് തെരഞ്ഞെടുപ്പ് തീയതി ഇന്ന് പ്രഖ്യാപിക്കാനിരിക്കെയാണ് തെരഞ്ഞെടുപ്പ് കമ്മീഷനെതിരെ പരിഹാസവുമായി കോണ്‍ഗ്രസ് രംഗത്ത് വന്നത് . ഗുജറാത്തിൽ വളരെ നിഷ്പക്ഷമായാണ് തെരഞ്ഞെടുപ്പ് നടത്തുന്നതെന്ന് കോൺഗ്രസ്സ് പരിഹാസപൂർവ്വം പറഞ്ഞു. മുഖ്യമന്ത്രി സ്ഥാനാർത്ഥിയെ ആം ആദ്മി പാർട്ടി നാളെ പ്രഖ്യാപിക്കും, കെജ്‌ രിവാൾ നാളെ ഗുജറാത്ത് സന്ദർശിക്കും.
സമാന്തരഭരണമെന്ന മുഖ്യമന്ത്രിയുടെ വിമര്‍ശനത്തിന് മറുപടി നല്‍കി ഗവർണ്ണർ. സര്‍ക്കാര്‍ കാര്യത്തില്‍ അനാവശ്യമായി താന്‍ ഇടപെട്ടന്നതിന് മുഖ്യമന്ത്രി തെളിവ് നല്‍കണമെന്ന് ഗവര്‍ണര്‍ പറഞ്ഞു.മുഖ്യമന്ത്രിയുടെ ഓഫീസിലുള്ളവര്‍ കള്ളക്കടത്തില്‍ ഉള്‍പ്പെട്ടാല്‍ ഇടപെടും. യോഗ്യതയില്ലാത്തവരെ നിയമിക്കാന്‍ നിര്‍ദേശിച്ചിട്ടുണ്ടെങ്കിലും ഇടപെടുമെന്ന് ഗവര്‍ണര്‍ പറഞ്ഞു. അനാവശ്യമായി താന്‍ നിയമനം നടത്തിയെന്ന് തെളിയിച്ചാല്‍ രാജിവയ്ക്കാം. ആര്‍എസ്എസ് നോമിനി പോയിട്ട് സ്വന്തം ആളെപ്പോലും താന്‍ നിയമിച്ചിട്ടില്ല.ദേശീയ ഐക്യത്തെ വെല്ലുവിളിക്കാനാണ് മന്ത്രി ശ്രമിച്ചതെന്നായിരുന്നു മന്ത്രി ബാലഗോപാൽ ശ്രമിച്ചത് എന്നും ഗവർണ്ണർ കുറ്റപ്പെടുത്തി.
സ്വപ്‍ന സുരേഷിനെപ്പറ്റിയും ഗവര്‍ണര്‍ പരാമര്‍ശം നടത്തി. വിവാദ വനിത മുഖ്യമന്ത്രിയുടെ ഓഫീസില്‍ വന്നിട്ടുണ്ട് , ശിവശങ്കര്‍ ആരായിരുന്നു? മുന്‍ പ്രിന്‍സിപ്പല്‍ സെക്രട്ടറി രാജിവെച്ചത് ഏത് കാരണത്താലാണ്? ഇതൊക്കെ കേരളത്തിലെ ജനങ്ങള്‍ ചര്‍ച്ച ചെയ്യുന്നതാണെന്നും ഗവര്‍ണര്‍ പറഞ്ഞു.
മീഡിയാവണ്‍ ചാനലിന്റെ ലൈസന്‍സ് റദ്ദാക്കിയതിനു കാരണം ചാനല്‍ ഉടമകളെ അറിയിക്കുന്നതിനു തടസമെന്താണെന്ന് സുപ്രീംകോടതി. ജസ്റ്റിസ് ഡിവൈ ചന്ദ്രചൂഢ് അധ്യക്ഷനായ ബെഞ്ച് കേന്ദ്രസര്‍ക്കാരിനോട് വിശദീകരണം ആവശ്യപ്പെട്ടിട്ടുണ്ട്. എത്ര വലിയ കേസായാലും കുറ്റപത്രത്തിൽ വെളിപ്പെടുത്തുകയും അതിന്‍റെ കാരണം വ്യക്തമാക്കുകയും വേണം. ഇവിടെ അതുണ്ടായിട്ടില്ല. ദേശ സുരക്ഷ ലംഘിക്കുന്ന എന്ത് കാര്യമാണ് ചെയ്തതെന്ന് ചാനല്‍ ഉടമകളെ അറിയിക്കേണ്ട ഉത്തരവാദിത്തം സര്‍ക്കാരിനില്ലേയെന്നും കോടതി ചോദിച്ചു’. അതുപോലെ, മീഡിയവണ്‍ ചാനലിന്റെ ഡൗണ്‍ലിങ്കിങ് ലൈസന്‍സ് പുതുക്കിയ കാര്യവും കോടതി ചൂണ്ടിക്കാട്ടി. ലൈസന്‍സ് വിലക്കിനെതിരെ ചാനല്‍ നല്‍കിയ ഹര്‍ജിയില്‍ കേന്ദ്രസര്‍ക്കാരിന്‍റെ വാദം നാളെ തുടരും.
