അഹമ്മദാബാദ് വിമാന ദുരന്തത്തില് ദുരൂഹത തുടരുന്നു. സംഭവസ്ഥലത്ത് നിന്ന് തകര്ന്ന വിമാനത്തിന്റെ ബ്ലാക്ക് ബോക്സും ഡിജിറ്റല് വിഡിയോ റെക്കോര്ഡറും കണ്ടെത്തിയെന്ന് വ്യോമയാന മന്ത്രാലയം സ്ഥിരീകരിച്ചു. അട്ടിമറി തല്ക്കാലം സംശയിക്കുന്നില്ലെങ്കിലും എന്ഐഎയും അന്വേഷണത്തില് പിന്തുണക്കും. അപകടത്തിന്റെ കാരണം കണ്ടെത്തെത്താന് സാധ്യമായതെല്ലാം ചെയ്യുമെന്ന് വ്യോമയാന മന്ത്രി റാംമോഹന് നായിഡു വ്യക്തമാക്കി.രണ്ടില് ഒരു ബ്ലാക്ക് ബോക്സ് വിമാനം ഇടിച്ചിറങ്ങിയ കെട്ടിടത്തിന്റെ മുകളില് നിന്ന് കണ്ടെത്തിയെന്ന് വ്യോമയാനമന്ത്രാലയം സ്ഥിരീകരിച്ചു. ഫ്ലെറ്റ് ഡേറ്റ റെക്കോര്ഡറിലെ വിവരങ്ങള് എയര്ക്രാഫ്റ്റ് ആക്സിഡന്റ്സ് ഇന്വെസ്റ്റിഗേഷന് ബ്യൂറോ ശേഖരിക്കുകയാണ്. അതേസമയം, പൈലറ്റുമാരുടെ സംഭാഷണം അടങ്ങുന്ന കോക്പിറ്റ് വോയിസ് റെക്കോര്ഡറിനായുള്ള തെരച്ചില് തുടരുകയാണ്. തല്ക്കാലം സാങ്കേതിക തകരാര് എന്നാണ് നിഗമനമെങ്കിലും അട്ടിമറി സാധ്യതയടക്കം എല്ലാ വശങ്ങളും അന്വേഷണ പരിധിയില് വരും. എന്ഐഎ സംഘം സംഭവസ്ഥലത്തെത്തി പരിശോധന നടത്തി. സാങ്കേതിക തകരാറിനെ തുടര്ന്നുള്ള അപകടം എന്ന നിഗമനത്തിലാണ് തല്ക്കാലം കേന്ദ്രസര്ക്കാര്.
അഹമ്മദാബാദ് വിമാന ദുരന്തത്തില് ദുരൂഹത തുടരുന്നു
