ഒരു കാലത്ത് സുരക്ഷാ ഉദ്യോഗസ്ഥര്ക്ക് നേരെ കല്ലെറിഞ്ഞിരുന്ന ജമ്മു കശ്മീര് ജനതയുടെ കയ്യില് ഇപ്പോള് പുസ്തകങ്ങളും പേനകളുമാണെന്ന് പ്രധാനമന്ത്രി നരേന്ദ്ര മോദി. ജമ്മു കശ്മീര് തെരഞ്ഞെടുപ്പിന്റെ ഒന്നാം ഘട്ടത്തിലെ റെക്കോര്ഡ് വോട്ടിംഗ് ശതമാനത്തെ പ്രശംസിച്ച് സംസാരിക്കുകയായിരുന്നു പ്രധാനമന്ത്രി. കശ്മീരിലെ പ്രധാന രാഷ്ട്രീയ പാര്ട്ടികളായ പിഡിപി, നാഷണല് കോണ്ഫറന്സ്, കോണ്ഗ്രസ് എന്നിവര് കാരണം കശ്മീരിലെ ഹിന്ദുക്കള്ക്ക് സ്വന്തം വീട് വിട്ട് ഇറങ്ങേണ്ടി വന്നെന്നും, കാശ്മീരി ഹിന്ദു, സിഖ് സമുദായങ്ങള്ക്കെതിരായ അനീതിയ്ക്ക് മൂന്ന് രാഷ്ട്രീയ പാര്ട്ടികളും കാരണക്കാരാണെന്നും അദ്ദേഹം ആരോപിച്ചു. പത്ത് വര്ഷത്തിനിടെ ആദ്യമായി നടന്ന നിയമസഭ തെരഞ്ഞെടുപ്പില് റെക്കോര്ഡ് പോളിംഗാണ് ജമ്മു കശ്മീരില് രേഖപ്പെടുത്തിയത്.