വിനേഷ് ഫോഗട്ടിന്റെ നേട്ടത്തിൽ പ്രധാനമന്ത്രിയെ അഭിനന്ദിച്ച് കങ്കണ

പാരീസ് ഒളിമ്പിക്സിൽ സുവർണ മെഡലിനരികെയെത്തിയിരിക്കുന്ന വിനേഷ് ഫോഗട്ടിന്റെ നേട്ടത്തിൽ പ്രധാനമന്ത്രി നരേന്ദ്ര മോദിയെ അഭിനന്ദിച്ച് നടിയും എം.പിയുമായ കങ്കണ റണൗട്ട്. പാരീസ് ഒളിമ്പിക്സിൽ ഇന്ത്യ ആദ്യ സ്വർണമെഡൽ ഉറപ്പിച്ചെന്നും, ഗുസ്തി താരങ്ങൾ നടത്തിയ പ്രതിഷേധത്തിൽ വിനേഷ് ഫോഗട്ട് പങ്കെടുക്കുകയും മോദിക്കെതിരെ മുദ്രാവാക്യം വിളിക്കുകയുംചെയ്തു എന്നിട്ടും അവർക്ക് മികച്ച പരിശീലനവും കോച്ചുമാരെയും സൗകര്യങ്ങളും രാജ്യത്തെ പ്രതിനിധീകരിക്കാനുമുള്ള സൗകര്യങ്ങൾ നൽകി. അതാണ് ജനാധിപത്യത്തിന്റെയും വലിയ ഒരു നേതാവിന്റെയും സൗന്ദര്യമെന്നുമാണ് കങ്കണയുടെ സോഷ്യൽ മീഡിയാ സ്റ്റോറി.