ഗാനരംഗത്തില്‍ മാത്രം മുഖം കാണിച്ചു പോവുന്ന നിരവധി താരങ്ങള്‍ സിനിമയില്‍ ഉണ്ടായിട്ടുണ്ട്. അത്തരത്തില്‍ ഈയടുത്ത് ഇന്ത്യന്‍ സിനിമലോകം ഏറ്റവും കൂടുതല്‍ ഏറ്റെടുത്ത ഒന്നായിരുന്നു അല്ലു അര്‍ജുന്‍ നായകനായ ‘പുഷ്പ’ എന്ന സിനിമയിലെ സാമന്തയുടെ ‘ഓ ആണ്ടവാ’ എന്ന ഗാനരംഗം. 5 കോടി രൂപയാണ് പ്രതിഫലമായി സാമന്ത ഈ ഗാനരംഗത്തിന് വാങ്ങിയത്. ഇപ്പോഴിതാ അത്തരത്തില്‍ മറ്റൊരു ഗാനം കൂടി ചര്‍ച്ചകളില്‍ ഇടം നേടുന്നു. നാനി നായകനായെത്തിയ ‘ഹായ് നാന’ എന്ന ചിത്രത്തിലെ ‘ഓഡിയമ്മാ ഹീറ്റു’ എന്ന ഗാനമാണ് ഇപ്പോള്‍ വൈറലായിരിക്കുന്നത്. ഈ ഗാനരംഗത്തില്‍ അഭിനയിക്കുന്നതിന് മാത്രമായി 90 ലക്ഷം രൂപയാണ് ശ്രുതി ഹാസന് പ്രതിഫലം വാങ്ങിയിരിക്കുന്നത് എന്നാണ് പുറത്തുവരുന്ന റിപ്പോര്‍ട്ടുകള്‍. മലയാളിയായ ഹിഷാം അബ്ദുള്‍ വാഹാബ് ആണ് ചിത്രത്തിന് സംഗീതമൊരുക്കിയിരിക്കുന്നത്. ആഗാഡു, തേവര്‍ എന്നീ ചിത്രങ്ങളിലെ നൃത്തരംഗങ്ങളിലും മുന്‍പ് ശ്രുതി ഹാസന് ഇങ്ങനെ അഭിനയിച്ചിട്ടുണ്ട്. മൃണാള്‍ താക്കൂര്‍ ആണ് ഹായ് നന്നായിലെ നായിക. ബേബി കിയാര ഖന്ന, നാസര്‍, പ്രിയദര്‍ശിനി പുലികൊണ്ട, അഗാദ് ബേദി, വിരാജ് അശ്വിന്‍ എന്നിവരാണ് ഹായ് നാനയിലെ മറ്റ് താരങ്ങള്‍. മലയാള താരം ജയറാമും ചിത്രത്തില്‍ പ്രധാന വേഷത്തിലെത്തുന്നുണ്ട്.