കുവൈത്തില്‍ ഉണ്ടായ തീപിടുത്തത്തിൽ  മരിച്ചവരിൽ 21 ഇന്ത്യക്കാര്‍

കുവൈത്തില്‍ ഉണ്ടായ തീപിടുത്തത്തിൽ  മരിച്ചവരിൽ 21 ഇന്ത്യക്കാര്‍. തൊഴിലാളികളുടെ ക്യാമ്പിലുണ്ടായ തീപിടിത്തത്തില്‍ മരിച്ചവരിൽ  11 പേർ മലയാളികളാണ്. ഇതില്‍ ഒരാള്‍  കൊല്ലം പൂയപ്പള്ളി പയ്യക്കോട് സ്വദേശി ഷമീർ ആണ് . 46 ഇന്ത്യക്കാരാണ് ചികിത്സയിലുള്ളത്. തീപിടിത്തമുണ്ടായത് മലയാളിയുടെ ഉടമസ്ഥതയിലുള്ള കമ്പനിയിലെ ജീവനക്കാർ താമസിച്ച ഫ്ലാറ്റിലാണ്. പുലർച്ചെ നാലിനാണ് തീപിടിത്തമുണ്ടായത്.  മുഴുവൻ പേരും ഉറക്കത്തിലായിരുന്നപ്പോഴാണ് തീ പടര്‍ന്നു പിടിച്ചത്. 20 ഗ്യാസ് സിലിണ്ടറുകൾ പൊട്ടിത്തെറിച്ചത് അപകടത്തിന്റെ വ്യാപ്തി കൂട്ടി. രക്ഷപ്പെടാനായി കെട്ടിടത്തിനു പുറത്തേക്ക് ചാടി നട്ടെല്ലിന് പരിക്ക് പറ്റിയ നിരവധി പേർ ചികിത്സയിലാണ്.