വിജയ്യുടേതായി തെന്നിന്ത്യന്‍ പ്രേക്ഷകര്‍ കാത്തിരിക്കുന്ന ചിത്രമാണ് ‘ദളപതി 69’. എച്ച് വിനോദ് സംവിധാനം ചെയ്യുന്ന ചിത്രത്തിന്റെ ചിത്രീകരണം നടന്നു കൊണ്ടിരിക്കുകയാണിപ്പോള്‍. മാസ് ആക്ഷന്‍ എന്റര്‍ടെയ്നറായാണ് ചിത്രം പ്രേക്ഷകരിലേക്കെത്തുക. ഇപ്പോഴിതാ ചിത്രത്തേക്കുറിച്ച് പുതിയ വിവരം പുറത്തുവന്നിരിക്കുകയാണ്. സംവിധായകന്‍ വിനോദും വിജയ്യും ചേര്‍ന്ന് ചിത്രത്തിന്റെ പേര് പുറത്തുവിടാനൊരുങ്ങുന്നു. അടുത്തവര്‍ഷം ജനുവരിയില്‍ തന്നെ ചിത്രത്തിന്റെ ടൈറ്റിലും ഫസ്റ്റ് ലുക്ക് പോസ്റ്ററും പുറത്തുവിടും. ചിത്രത്തില്‍ വിജയ് ഒരു പൊലീസ് ഓഫിസറുടെ വേഷത്തിലാണ് എത്തുകയെന്നാണ് വിവരം. ബോബി ഡിയോളാണ് ചിത്രത്തില്‍ വില്ലനായെത്തുന്നത്. ബാലകൃഷ്ണ, പൂജ ഹെഗ്‌ഡെ, മമിത ബൈജു, പ്രകാശ് രാജ്, പ്രിയാ മണി, ഗൗതം വാസുദേവ് മേനോന്‍, നരേന്‍ എന്നിവരും ചിത്രത്തില്‍ പ്രധാന വേഷത്തിലെത്തുന്നുണ്ട്.