കിരണ്‍ അബ്ബാവരം നായകനായെത്തുന്ന പിരീഡ് ത്രില്ലര്‍ ചിത്രം ‘ക’യുടെ ട്രെയിലര്‍ റിലീസ് ചെയ്തു. മൂന്ന് മണിക്ക് ഇരുട്ടാകുന്ന ഗ്രാമവും അവിടെ നടക്കുന്ന ദുരൂഹത നിറഞ്ഞ സംഭവവികാസങ്ങളുമാണ് ക പറയുന്നതെന്നാണ് ട്രെയിലര്‍ നല്‍കുന്ന സൂചന. സുജിത്ത്, സന്ദീപ് എന്നിവര്‍ ചേര്‍ന്ന് തിരക്കഥയും സംവിധാനവും നിര്‍വഹിച്ച ചിത്രം നവംബര്‍ 22ന് തിയറ്ററുകളില്‍ എത്തും. തെലുങ്ക് തിയറ്റര്‍ അവകാശം നിര്‍മ്മാതാവ് വംശി നന്ദിപതി വമ്പന്‍ തുകക്ക് സ്വന്തമാക്കിയപ്പോള്‍ മലയാളം പതിപ്പ് ദുല്‍ഖര്‍ സല്‍മാന്റെ വേഫറര്‍ ഫിലിംസാണ് ലോകമെമ്പാടുമുള്ള തിയറ്ററുകളില്‍ എത്തിക്കുന്നത്. നയന്‍ സരിക, തന്‍വി റാം എന്നിവര്‍ നായികമാരായെത്തുന്ന ഈ ചിത്രത്തിലൂടെ ഒരു ഗംഭീര തിരിച്ചുവരവിനായുള്ള തയ്യാറെടുപ്പിലാണ് കിരണ്‍ അബ്ബാവരം. തമിഴ്, മലയാളം, കന്നഡ, തെലുങ്ക് ഭാഷകളിലായ് പ്രദര്‍ശനത്തിനെത്തുന്ന ചിത്രം പക്കാ ആക്ഷന്‍ പാക്ക്ഡ് ത്രില്ലറായാണ് ഒരുങ്ങുന്നത്.