സംസ്ഥാന ബജററിലെ പുതിയ നികുതി നിർദേശങ്ങൾ ഇന്ന് അർദ്ധരാത്രി മുതൽ പ്രാബല്യത്തിൽ വരും

സംസ്ഥാന ബജററിലെ പുതിയ നികുതി നിർദേശങ്ങൾ ഇന്ന് അർദ്ധരാത്രി മുതൽ പ്രാബല്യത്തിൽ വരും. പെട്രോളിനും ഡീസലിനും ഏർപ്പെടുത്തിയ രണ്ട് രൂപ അധിക സെസ് നിലവിൽ വരുന്നതോടെ ഇന്ധന വിലവർദ്ധിക്കും. ഭൂമിയുടെ ന്യായവില 20 ശതമാനവും, വൈദ്യുതിയുടെ തീരുവ 5 ശതമാനവും, മദ്യവിലയും വാഹന വിലയും വർദ്ധിക്കും. പുതിയ വൈദ്യുതി വാഹനങ്ങളുടെ ഒറ്റത്തവണ നികുതിയിലും കോൺട്രാക്റ്റ് സ്റേറജ് കാരേജ് വാഹനങ്ങളുടെ നികുതിയിൽ വരുത്തിയ കുറവും ഇതോടെ പ്രാബല്യത്തിൽ വരും.ഭൂനികുതിയും അഞ്ച് ശതമാനം കൂടും. കെട്ടിട നികുതി നിരക്കിലും വിവിധ അപേക്ഷകളുടെ ഫീസ് നിരക്ക് വര്‍ദ്ധനയും ബജറ്റിൽ നിര്‍ദ്ദേശിച്ചിട്ടുണ്ടെങ്കിലും ഇതിന് മാര്‍ഗ്ഗരേഖ ഉണ്ടാക്കേണ്ടത് തദ്ദേശ വകുപ്പാണ്. വിശദമായ ഉത്തരവ് ഈ ആഴ്ച തന്നെ പുറത്തിറങ്ങുമെന്നാണ് സൂചന