ആനകളെ എഴുന്നള്ളിക്കുമ്പോള് ജനക്കൂട്ടത്തില് നിന്നും വാദ്യമേളങ്ങളില് നിന്നും നിര്ദ്ദിഷ്ട അകലം പാലിക്കണമെന്നതും സമയക്രമങ്ങളും മറ്റും ഉള്പ്പെടെയുള്ള ഹൈക്കോടതിയുടെ മാര്ഗനിര്ദ്ദേശങ്ങള് പരിശോധിച്ച് ആവശ്യമെങ്കില് അപ്പീല് നല്കുന്നകാര്യം പരിഗണിക്കുമെന്നും വനം-വന്യജീവി വകുപ്പുമന്ത്രി എ.കെ.ശശീന്ദ്രന് അറിയിച്ചു. ആന പരിപാലനം സംബന്ധിച്ച് കേന്ദ്ര സര്ക്കാര് പുറപ്പെടുവിച്ച 2012ലെ സര്ക്കുലറിലെ ചട്ടങ്ങള്, സുപ്രീംകോടതിയുടെ 2015 ആഗസ്റ്റ് 18-ലെ ഉത്തരവിലെ നിര്ദ്ദേശങ്ങള്, കോടതിയുടെ ശ്രദ്ധയില്പ്പെട്ട മറ്റ് പ്രശ്നങ്ങള് എന്നിവയുടെ അടിസ്ഥാനത്തിലാണ് കഴിഞ്ഞ ദിവസം ഹൈക്കോടതി മാര്ഗനിര്ദ്ദേശങ്ങള് പുറപ്പെടുവിച്ചത്.
