പാക്കിസ്ഥാനിൽ കറാച്ചി പോലീസ് മേധാവിയുടെ ആസ്ഥാനത്ത് ഭീകരാക്രമണം. മരണം ഒൻപതായി. അഞ്ച് തീവ്രവാദികളെ വധിച്ചു. അക്രമികളിൽ മൂന്ന് പേരെ ജീവനോടെ പിടികൂടി.
ഇന്നലെ വൈകിട്ട് ഏഴു മണിയോടെ നഗരത്തിലെ പോലീസ് ആസ്ഥാനത്തു കടന്നു കയറിയ മൂന്ന് ഭീകരരെ മണിക്കൂറുകൾ നീണ്ട ഏറ്റുമുട്ടലിനൊടുവിലാണ് സുരക്ഷാ സേന വധിച്ചത്. പത്തിലേറെ പേർക്ക് പരുക്കേറ്റു. ആക്രമണത്തിന്റെ ഉത്തരവാദിത്തം തെഹ്രികെ താലിബാൻ പാകിസ്ഥാൻ (ടിടിപി) ഏറെറടുത്തു. മുഖ്യ വളപ്പിൽ ഒന്നിലധികം സ്ഫോടനങ്ങൾ നടത്തിയ ശേഷമാണ് ഭീകരർ അഞ്ചു നിലയുള്ള കെട്ടിടത്തിൽ പ്രവേശിച്ചത്. ആക്രമണം നടക്കുമ്പോൾ മുപ്പതോളം പോലീസ് ഉദ്യോഗസ്ഥർ കെട്ടിടത്തിലുണ്ടായിരുന്നു.