വിദ്യുത് ജമ്വാല്‍ നായകനാകുന്ന ആക്ഷന്‍ ചിത്രം ‘ക്രാക്ക്’ ട്രെയിലര്‍ എത്തി. ആദിത്യ ദത്ത് സംവിധാനം ചെയ്യുന്ന സിനിമയില്‍ നോറ ഫത്തേഹി നായികയാകുന്നു. അര്‍ജുന്‍ രാംപാല്‍, ആമി ജാക്‌സണ്‍ എന്നിവരാണ് മറ്റ് അഭിനേതാക്കള്‍. ഇന്ത്യയിലെ ആദ്യത്തെ സാഹസിക സ്‌പോര്‍ട്‌സ് ആക്ഷന്‍ സിനിമ എന്ന വിശേഷത്തോടെയാണ് ക്രാക്ക് എത്തുന്നത്. സാഹസിക റിയാലിറ്റി ഷോയില്‍ നടക്കുന്ന തട്ടിപ്പ് ആണ് സിനിമയുെട പ്രമേയം. അതിസാഹസിക രംഗങ്ങള്‍കൊണ്ട് സമ്പുഷ്ടമാണ് സിനിമയുടെ ട്രെയിലര്‍. മാര്‍ക് ഹാമില്‍ടന്‍ ഛായാഗ്രഹണം. സന്ദീപ് കുറുപ്പ് ആണ് എഡിറ്റിങ്. വിക്രം മോണ്ട്രോസ് സംഗീതം നിര്‍വഹിക്കുന്നു. ചിത്രം ഫെബ്രുവരി 23ന് തിയറ്ററുകളിലെത്തും.
