കൊല്ലം ജില്ലയിലെ എല്ലാ ക്യാമ്പസുകളിലും ഗവർണർ ആരിഫ് മുഹമ്മദ് ഖാനെതിരെ എസ്എഫ്ഐയുടെ വിചാരണ സദസ്സ്.എസ്എഫ്ഐ കൊല്ലം ജില്ലാ കമ്മിറ്റിയുടെ നേതൃത്വത്തിൽ ആണ് വിചാരണ സദസ്സ്. സർവ്വകലാശാലകളെ സംഘപരിവാറിന്റെ കേന്ദ്രങ്ങൾ ആക്കി മാറ്റാനാണ് ഗവർണർ ശ്രമിക്കുന്നത്, അതുകൊണ്ട് ഗവർണർക്കെതിരെ ജനാധിപത്യപരമായ രീതിയിൽ സമരം തുടരുകയാണെന്ന് എസ്എഫ്ഐ വാർത്തക്കുറിപ്പിൽ പറഞ്ഞു.
നിലമേൽ വച് എസ് എഫ് ഐ പ്രവർത്തകർ കാറിൽ ഇടിച്ചെന്ന വ്യാജ ആരോപണത്തിൽ, പ്രതിഷേധിച്ചവർക്കെതിരെ ഐപിസി 124 ചുമത്തി അറസ്റ്റ് ചെയ്യുകയുണ്ടായി. ജനാധിപത്യ പ്രതിഷേധത്തെ അക്രമ സമരമായി ചിത്രീകരിക്കാനാണ് ഗവർണർ ശ്രമിച്ചത്. എസ്എഫ്ഐ പ്രവർത്തകർക്കെതിരെ കള്ള കേസ് ചുമത്തിയ ഗവർണർക്കെതിരെ ശക്തമായ പ്രതിഷേധവുമായി മുന്നോട്ടുപോകുമെന്നും എസ്എഫ്ഐ കൊല്ലം ജില്ലാ കമ്മിറ്റി പ്രസ്താവനയിലൂടെ അറിയിച്ചു.