മധു കേസിൽ പതിമൂന്ന് പ്രതികൾക്ക് ഏഴ് വർഷം കഠിന തടവ്

ആദിവാസി യുവാവ് മധു കൊല്ലപ്പെട്ട കേസിൽ പതിനാറാം പ്രതി മുനീറിന് ഒഴിച്ച് പതിമൂന്ന് പേർക്കും മണ്ണാർക്കാട് എസ് സി എസ് ടി കോടതി ഏഴ് വർഷം കഠിന തടവ് വിധിച്ചു. ഒന്നാം പ്രതി ഹുസൈൻ 1,05,000 രൂപയും മറ്റു പ്രതികൾ 1,18, 000 രൂപയും പിഴ അടയ്ക്കണം.2018 ഫെബ്രുവരി 22 നാണ് അട്ടപ്പാടിയിൽ ആദിവാസി യുവാവായ മധു ആൾക്കൂട്ട മർദ്ദനത്തിനിരയായി കൊല്ലപ്പെടുന്നത്.മധു കൊല്ലപ്പെട്ടിട്ട് അഞ്ച് വർഷത്തിനു ശേഷമാണ് വിധി വന്നിരിക്കുന്നത്. പിഴത്തുക പകുതി മധുവിന്റെ അമ്മയ്ക്ക് നൽകണമെന്നും,കൂറുമാറിയവർക്കെതിരെ നടപടിക്കും കോടതി നിർദേശം നൽകി. പ്രതികളെ തവനൂർ ജയിലിലേക്ക് മാറ്റും.