വിശാല്‍, എസ്.ജെ. സൂര്യ എന്നിവരെ പ്രധാന കഥാപാത്രങ്ങളാക്കി ആദിക് രവിചന്ദ്രന്‍ സംവിധാനം ചെയ്യുന്ന സയന്‍സ് ഫിക്ഷന്‍ ചിത്രം ‘മാര്‍ക് ആന്റണി’ ടീസര്‍ എത്തി. ടൈം ട്രാവലാണ് സിനിമയുടെ വിഷയം. ഫോണിലൂടെ ടൈം ട്രാവല്‍ ചെയ്ത് മരണത്തില്‍ നിന്നും തിരിച്ചെത്തുന്ന ആന്റണി എന്ന ക്രൂരനായ ഗ്യാങ്സ്റ്ററിന്റെ കഥയാണ് ചിത്രം പറയുന്നത്. സിനിമയില്‍ വിശാലും എസ്.ജെ. സൂര്യയും ഇരട്ടവേഷത്തിലെത്തുന്നു. വിശാലിന്റെ സ്‌റ്റൈലന്‍ മേയ്‌ക്കോവര്‍ തന്നെ ചിത്രത്തില്‍ പ്രതീക്ഷകള്‍ നല്‍കുന്നതാണ്. ദളപതി വിജയ് ആണ് ടീസര്‍ റിലീസ് ചെയ്തത്. റിതു വര്‍മ, അഭിനയ എന്നിവരാണ് നായികമാര്‍. സുനില്‍, സെല്‍വരാഘവന്‍ എന്നിവരാണ് മറ്റ് താരങ്ങള്‍. സംഗീതം ജി.വി. പ്രകാശ്. തമിഴ്, തെലുങ്ക്, മലയാളം, കന്നഡ എന്നീ ഭാഷകളിലായി ചിത്രീകരിക്കുന്നത്.
