പ്രധാനമന്ത്രി നരേന്ദ്ര മോദിക്ക് മറുപടിയുമായി രാഹുൽ ഗാന്ധി

‘വിഡ്ഢികളുടെ നേതാവ്’ പരാമർശത്തിൽ പ്രധാനമന്ത്രി നരേന്ദ്ര മോദിക്ക് മറുപടിയുമായി രാഹുൽ ഗാന്ധി. പ്രധാനമന്ത്രി തന്നെ നിരന്തരം അപകീർത്തിപ്പെടുത്തുന്നതിൽ ആശങ്കയില്ല. താൻ താൻ ചെയ്യുന്നത് ശരിയാണെന്ന് മോദിയുടെ അധിക്ഷേപങ്ങൾ തെളിയിക്കുന്നു. അദാനി ഗ്രൂപ്പിന് മോദി സർക്കാർ നൽകുന്ന അത്രയും പണം, രാജ്യത്തെ പാവപ്പെട്ടവർക്ക് നൽകുകയാണ് തന്റെ ലക്ഷ്യമെന്നും രാഹുൽ ഗാന്ധി പറഞ്ഞു.ഛത്തീസ്ഗഡിലെ തെരഞ്ഞെടുപ്പ് റാലിയിൽ സംസാരിക്കുകയായിരുന്നു രാഹുൽ ഗാന്ധി. ‘പ്രധാനമന്ത്രി മോദി എന്നെ നിരന്തരം അപകീർത്തിപ്പെടുത്തുകയാണ്. ഞാൻ അതൊന്നും കാര്യമാക്കുന്നില്ല. അദ്ദേഹം അങ്ങനെ തന്നെ സംസാരിക്കുന്നത് നല്ലതാണ്. കാരണം അദ്ദേഹം അങ്ങനെ സംസാരിക്കുമ്പോൾ താൻ ചെയ്യുന്നത് ശരിയാണെന്ന് എനിക്ക് തോന്നും’- രാഹുൽ പറഞ്ഞു.