വയനാട്ടിലെ മേപ്പാടി സെന്റ് ജോസഫ്സ് സ്കൂളിലെ ദുരിതാശ്വാസ ക്യാമ്പിലെത്തിയ പ്രധാനമന്ത്രി നരേന്ദ്ര മോദി ദുരന്തബാധിതരെ ആശ്വസിപ്പിച്ചു. ക്യാമ്പുകളില് കഴിയുന്നവരുടെ പ്രതിനിധികളായി ഒമ്പതുപേര് പ്രധാനമന്ത്രിയുമായി സംസാരിച്ചു. ദുരിതാശ്വാസ ക്യാമ്പിലെ സന്ദര്ശനത്തിനുശേഷം മേപ്പാടിയിലെ വിംസ് ആശുപത്രിയിലും പ്രധാനമന്ത്രി എത്തി. ദുരന്തത്തില് അകപ്പെട്ട് ആശുപത്രിയില് കഴിയുന്ന നാലുപേരുമായി അദ്ദേഹം കൂടിക്കാഴ്ച നടത്തി. ആശുപത്രിയിലെ സന്ദര്ശനത്തിനുശേഷം കല്പ്പറ്റയിലേക്ക് മടങ്ങുന്ന പ്രധാനമന്ത്രി കളക്ടറേറ്റിൽ നടക്കുന്ന അവലോകന യോഗത്തില് പങ്കെടുക്കും. മുഖ്യമന്ത്രി പിണറായി വിജയൻ, ഗവര്ണര് ആരിഫ് മുഹമ്മദ് ഖാൻ, കേന്ദ്ര മന്ത്രി സുരേഷ് ഗോപി, ചീഫ് സെക്രട്ടറി ഡോ.വേണു, എഡിജിപി എംആര് അജിത് കുമാര് തുടങ്ങിയവരും പ്രധാനമന്ത്രിക്കൊപ്പമുണ്ട്.
