പെരിയാറിൽ മത്സ്യങ്ങൾ ചത്തുപൊങ്ങിയതിനെ തുടർന്ന് കുഫോസിന്റെ പഠന സമിതി പ്രാഥമിക അന്വേഷണ റിപ്പോര്ട്ട് സമര്പ്പിച്ചു. പ്രാഥമിക അന്വേഷണ റിപ്പോര്ട്ടാണ് ഇപ്പോള് സമര്പ്പിച്ചതെന്നും കൂടുതല് പരിശോധന ആവശ്യമാണെന്നുമാണ് അധികൃതര് അറിയിച്ചിരിക്കുന്നത്. പരിശോധനയില് വെള്ളത്തില് അപകടകരമായ അളവില് അമോണിയയും സല്ഫൈഡും ഉണ്ടായിരുന്നുവെന്നാണ് കണ്ടെത്തല്. പെരിയാറിലെ വെള്ളത്തില് ഇത്രയധികം അളവില് രാസവസ്തുക്കള് എങ്ങനെ എത്തിയെന്നും എവിടെ നിന്ന് എത്തിയെന്നും അറിയാൻ വിശദമായ രാസ പരിശോധന ഫലം വരേണ്ടതുണ്ടെന്നും റിപ്പോര്ട്ടില് പറയുന്നുണ്ട്.