നിപ വൈറസ് ബാധിച്ച് ചികിത്സയില് കഴിയുന്ന രാമനാട്ടുകര സ്വദേശിയായ 43 കാരന്റെ ആരോഗ്യനില ഗുരുതരമായി തുടരുന്നു. ഇയാളുടെ സമ്പര്ക്ക പട്ടികയിലുള്ള അഞ്ച് പേരുടെ പരിശോധന ഫലങ്ങള് ഇന്ന് വൈകീട്ടോടെ ലഭിക്കും. സ്ഥിതിഗതികള് വിലയിരുത്താനായി ആരോഗ്യ മന്ത്രിയുടെ അധ്യക്ഷതയില് തിരുവനന്തപുരത്ത് ഉന്നതതലയോഗം ചേര്ന്നു.രാമനാട്ടുകര നഗരസഭയിലെ അഞ്ചാം ഡിവിഷനിലെ താമസക്കാരനായ 43കാരനാണ് കോഴിക്കോട് മെഡിക്കല് കോളേജിലെ വിആര്ഡിഎല് ലാബില് നടത്തിയ പരിശോധനയില് നിപ വൈറസ് സ്ഥിരീകരിച്ചത്. കോഴിക്കോട്ടെ സ്വകാര്യ ആശുപത്രിയില് ചികിത്സയിലായിരുന്ന ഇയാളെ രോഗം സ്ഥിരീകരിച്ചതോടെ ഇന്നലെ അര്ദ്ധരാത്രിയോടെ മെഡിക്കല് കോളജ് ആശുപത്രിയിലെ ഐസൊലേഷന് വാര്ഡിലേക്ക് മാറ്റി.
